Actualitats
Cauma generala istorica en Catalonha e Aran. Diluns que ven se poiriá proclamar l’independéncia
Lo Parlament de Catalonha tractarà uèi lo resultat del referendum e demanda la mediacion de l’Union Europèa, que uèi fa una sesilha especiala exclusivament consagrada a l’afar
Catalonha e Aran visquèron ièr una jornada de cauma generala istorica, las principalas vilas de Catalonha visquèron las manifestacions mai nombrosas de l’istòria. En Aran, las vilas de Vielha e de Les an aculhit de manifestacions fòrça nombrosas. La cauma se convoquèt per protestar contra la violéncia e la repression de l’estat espanhòl, exercida per la polícia e la Gàrdia Civila dimenge pendent lo referendum. Fòrça associacions e sindicats de tota mena, e quitament de patrons, jonguèron la cauma, qu’aguèt tanben lo sosten del govèrn de la Generalitat e de la majoritat de las comunas del país.
Dins las manifestacions i marchavan tanben de mond amb de drapèls espanhòls que se manifestavan coma non independentistas mas que volián mostrar lor refús de las atacas de la polícia de dimenge passat. Foguèron fòrt plan recebuts per la majoritat dels manifestants.
Las agressions de la polícia pòdon demorar impunidas car lo ministèri public a refusat d’entamenar una enquèsta a prepaus de l’accion policièra, car “afectèt pas brica la convivéncia”. Fin finala serà l’ÒNU qu'enquestarà sus aquela agression contra los ciutadans.
Mentretant es previst que diluns que ven lo Parlament de Catalonha declare l’independéncia de Catalonha e Aran e demande la mediacion de l’Union Europèa, que uèi fa una sesilha especiala per tractar lo tèma de Catalonha.
Desinformacion als mèdias espanhòls
La majoritat dels mèdias de Madrid son a ofrir una informacion fòrça desformada de la situacion. D’un costat an presentat los policièrs agressius de dimenge coma de victimas. De l’autre an raportat los efièches desastroses de la cauma en entrevistant solament de personas qu’èran pertocadas negativament per la protèsta. En mai d’aquò, an assolidat que la cauma èra estada convocada pel govèrn de la Generalitat.
Los salariats de la television espanhòla TVE an publicat un comunicat de protèsta per la manca de rigor informativa.
Messatge agressiu del rei
Ièr de ser, lo rei d’Espanha faguèt un discors televisat fòrça agressiu en escartant tota possibilitat d’arribar a un acòrdi. Felip VI acusèt lo govèrn de la Generalitat de Catalonha d’èsser desleial, d’agir fòra de la lei e d’èsser “al marge del drech e de la democracia”. E mai s’anoncièt pas cap de mesura concreta, aquel discors crispat sembla de precedir de mesuras fòrça duras contra Catalonha.
Lo rei diguèt pas un mot a prepaus dels incidents de dimenge, ni dels centenats de nafrats provocats per la polícia espanhòla.
Dins las manifestacions i marchavan tanben de mond amb de drapèls espanhòls que se manifestavan coma non independentistas mas que volián mostrar lor refús de las atacas de la polícia de dimenge passat. Foguèron fòrt plan recebuts per la majoritat dels manifestants.
Las agressions de la polícia pòdon demorar impunidas car lo ministèri public a refusat d’entamenar una enquèsta a prepaus de l’accion policièra, car “afectèt pas brica la convivéncia”. Fin finala serà l’ÒNU qu'enquestarà sus aquela agression contra los ciutadans.
Mentretant es previst que diluns que ven lo Parlament de Catalonha declare l’independéncia de Catalonha e Aran e demande la mediacion de l’Union Europèa, que uèi fa una sesilha especiala per tractar lo tèma de Catalonha.
Desinformacion als mèdias espanhòls
La majoritat dels mèdias de Madrid son a ofrir una informacion fòrça desformada de la situacion. D’un costat an presentat los policièrs agressius de dimenge coma de victimas. De l’autre an raportat los efièches desastroses de la cauma en entrevistant solament de personas qu’èran pertocadas negativament per la protèsta. En mai d’aquò, an assolidat que la cauma èra estada convocada pel govèrn de la Generalitat.
Los salariats de la television espanhòla TVE an publicat un comunicat de protèsta per la manca de rigor informativa.
Messatge agressiu del rei
Ièr de ser, lo rei d’Espanha faguèt un discors televisat fòrça agressiu en escartant tota possibilitat d’arribar a un acòrdi. Felip VI acusèt lo govèrn de la Generalitat de Catalonha d’èsser desleial, d’agir fòra de la lei e d’èsser “al marge del drech e de la democracia”. E mai s’anoncièt pas cap de mesura concreta, aquel discors crispat sembla de precedir de mesuras fòrça duras contra Catalonha.
Lo rei diguèt pas un mot a prepaus dels incidents de dimenge, ni dels centenats de nafrats provocats per la polícia espanhòla.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Euròpa dals Estats... e dals oportunistas que de per ela ne'n tiran glòria e profièch ! Es en d'aquela Euròpa mascarada e messorguièira qu'aurem de derrabar nòstra libertat de pòple per fin de veire nàisser a la fin una mena de federacion europenca dals pòples.
Novembre de 1956 : Budapest; Europa ditz que vòl sustot pas s'entrevar d'un afar estrictament intern.
Agost de 1968 : Praga; Europa ditz que vòl sustot pas s'entrevar d'un afar estrictament intern.
Octòbre de 1981: Gdansk; Europa ditz que vòl sustot pas s'entrevar d'un afar estrictament intern.
Octòbre de 2017 : Barcelona;Europa ditz que vòl sustot pas s'entrevar d'un afar estrictament intern.
I cresètz encara a-n-aquesta Europa ?
• Espanha que preten lo referendum n’ei pas representatiu pr’amor que la participacion a penas passè lo 42%. Mes s’èran segurs d’aver ganh, que’u calè autorizar, alavetz los nonistas avoran podut votar de Non en massa, e uei l’ahar be seré trencat.
• Albiol (cap deu PP catalan) que demanda aus "catalans de ben" que’s mobilizin lo dimenge qui vien, e qu’envita la rèsta d’Espanha a s’i viéner juntar. Donc que pensa
1) que i siin duas sòrtas de catalans, los bons restaquistas, e los maishants separatistas;
2) que los restaquistas ne siin pas pros entà la mustra de fòrça qui vòu dar; e
3) qu’Espanha tota a de causir lo destin deu pòble catalan.
Qu’èi combat tà imaginar çò qui avoram vist se los anglocanadians avèn anat har lo passacarrèra a Montréal… o los anglés a Glaschu…
Tot aquò que muisha lo chic de compte qui lo PP e lo reiaume e hèn de la democracia, e com son parats a fomentar los tiraments e la division, o péger se cau, tà descridar lo vòt. En fèit, de tant qui son segurs de pèrder, en tornas que vòlen somiar lo caòs : losers, e venjatius.
La reaccion, dins totes los sentits dau mot, ièr, de Pelele II e probablament darrier, es d'una bestiesa colossala. Aqueu tipe avia la possibilitat de la juar grand reconciliator, en dessobre dels partits, e de proposar un rescontre de totes les partits espanhols e catalans, per dessobre la testa a barba de Rajoy. Partent d'aqui,se poia far veire coma garent de la democracia, coma son paire en 81 contra lo putsch Tejero (ço qu'avia permés d'enterrar la transicion democratica qu'aura degut passar per una revision de la "constitucion" de 78). Lo filh prefera pegar als elements de lengatge dau PP, e dau meme cop se desqualifica e rende definitivament impossibla tota reconcilacion vertadiera.. Criticatz sempre los jacobins, mas totun, amb los Borbons, sabian far, non ?
#10
Correccion: 1) Sachent que Franco jogava amb un cosin sieu...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari