Bandièra01 1180x150: Comuna de Tolosa

Actualitats

Lo govèrn espanhòl a modificat d’urgéncia una lei per que las societats pòscan quitar Catalonha

La societat Gas Natural e las bancas Caixabank e Banc de Sabadell an desplaçat lo domicili de lors sètis socials a Madrid, Valéncia e Alacant respectivament

| Jordiferrer
Lo govèrn espanhòl aprovèt divendres passat d’urgéncia un decret lei que facilita que las societats pòscan desplaçar lor sèti sens aver besonh de l’aprobacion de l’amassada generala dels accionaris. Amb aquela nòrma, Espanha vòl forçar la fugida de las principalas bancas e societats que lor sèti es en Catalonha e Aran.
 
Atal la societat Gas Natural e las bancas Caixabank e Banc de Sabadell an cambiat lo domicili de lors sètis socials per Madrid, Valéncia e Alacant respectivament.
 
Lo ministre de l’economia espanhòl, Luis de Guindos, justifiquèt aquel cambiament exprès de la Lei de las Societats de Capital, perque segon el las companhiás o avián demandat. Lo ministre assegurèt que lo patronat aviá fòrça incertituds a prepaus de la situacion en Catalonha e Aran. “S’apren pas a las societats, s’apren a una politica irresponsabla que, en darrièra instància, genèra de dobtança e de chepics dins lo mond entrepresarial”, çò diguèt.
 
Segon lo vicepresident de la Generalitat de Catalonha, Oriol Junqueras, qu’es tanben lo conselhièr de l’economia, lo govèrn espanhòl a quichat cèrtas entrepresas per que quiten lo territòri de Catalonha e Aran. Mas el es pas preocupat car s’agís de movements que devon pas afectar l’operativitat de las bancas, ni los clients, ni mai los salariats. “Sèm dins un Mond globalizat, un Mond del sègle XXI ont aürosament las gents fan d’operacions amb de bancas de la tèrra entièra”, çò precisèt. En mai d’aquò, s’agís de “cambiaments reversibles”, segon Junqueras. De soslinhar que la majoritat d’aquelas societats an mes lor sèti social dins los Païses Catalans e non pas a Madrid.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
3.

#1 Coma diriá Edgar Morin, vos manca l’imaginacion. Fasètz pas que repetir coma una parroqueta la propaganda liberala, e i a pas que lo mercat que compta per vos. E vesèm ont nos mena aquò. Amb de rasonaments aital finirem que i aurà pas pus de problemas perque i a pas pus d’Umanitat. Cal pensar que s’arribava qu’Espanha mangèsse Catalonha après seriá lo globi-globà que manjariá Espanha e França, eca a la sauça ianqui o chinesa per córre encara mai aviat cap a la catastròfa.

  • 7
  • 0
francesc palma
2.

Mariano, to digo en Galego: Ten que falar, dialogar, negociar. Non sea tan nacional espanholista. Franco outo galego matou a muitas persoas, pero agora ja e morto coma sos amigotes Hitler e Mussolini e non te poden ajudar. Tu non eres tan malo como elos, has sacado un ollo a un homen que queria votar, has aberto a cabeça a vielhinhas e vielhinhos con tus antidisturbios, has pegado porraços a todo o mundo. Però ainda non has matado a ninguen por agora.
Fala, dialoga con os catalanes, hai muitas possibilidades de gegar a un acordo e a una paz verdadeira. A gente to agradecerà. Son novos tempos.

  • 11
  • 0
Ròdrigo Bigòrra
1.

Era catastrofa que s'anonça en Catalonha , eras granas entrepresas que se'n van e'ra lista que s'alonca que n'i a de mes en mes ,en mes d'açò se Catalonha devien independenta que sòrt automaticament d'er uion Europenca donc adiu eths credits , eras subvencions , era PAC entà entra de navet en er'union qu'aura a demanda era sua adesion mès entad aquerò que cau er'inanimitat deths estats membres e der'Espanha e de França qu'i aura un "veto" !

  • 5
  • 30

Escriu un comentari sus aqueste article