Bandièra01 1180x150: Comuna de Tolosa

Actualitats

Es mòrt Lou Kenton, darrièr subrevivent de las Brigadas Internacionalas, dins sos 104 ans

Lou Kenton, lo darrièr brigadista internacional, ven de morir dins sos 104 ans. Aital o disiá la necrologica signada pel sieu amic Steve Donnelly lo 30 de setembre passat al jornal britanic The Guardian.
 
Nascut a Londres, filh de refugiats josieus ucraïneses, l’imprimeire e militant antifaissista aviá jonch lo Partit Comunista Anglés en 1929.
 
Aviá participat a la Guèrra d’Espanha amb las Brigadas Internacionalas en 1937, coma menaire. Aviá tanben evacuat d’enfants bascos.
 
En Anglatèrra, militèt al Partit Comunista fins en 1968, quand la repression de la Prima de Praga lo faguèt abandonar las siás conviccions comunistas. Tre aquel moment, militava al Partit Trabalhista.
 
Retirat, trobèt una nòva carrièra coma creator prolific de ceramicas commemorativas pels sindicats e las organizacions militantas. En 2009, se faguèt ciutadan espanhòl coma divèrses veterans de las Brigadas Internacionalas.




Font: Lucky

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Servianés
2.

Adieu siatz ,companh de lucha de mos grands ,republicans forabandits d'Espanha e que fagueron ostal en occitània.

  • 5
  • 0
Faidit Comuns
1.

"Land and freedom" de Ken Loach

http://www.youtube.com/watch?v=Gsfc9q3wsbo

  • 3
  • 0

Escriu un comentari sus aqueste article