Bandièra01 1180x150: Comuna de Tolosa

Actualitats

Los Estats Units e Israèl quitan l’UNÈSCO

Ja en 2011, lo país nòrd-american decidiguèt de suspendre lors pagaments a l’UNÈSCO quand l’organizacion acceptèt l’intrada de Palestina coma membre de plen drech

Los Estats Units an quitat l’UNÈSCO. O anoncièt dijòus passat Irina Bokova, directritz generala de l’organizacion de l’ÒNU, après recebre lo comunicat del secretari d’estat estatsunidenc, Rex Tillerson. Tanben Israèl comencèt aquel meteis jorn las proceduras per quitar l’organizacion internacionala per l’educacion, la sciéncia, la cultura e la comunicacion.
 
Bokova anoncièt que “planh prigondament” la decision del govèrn estatsunidenc que la considèra coma “una pèrda pel multilateralisme”. Ansin, la directritz precisèt qu'"al moment que la lucha contra la extremisme violent demanda una investiment renovelat en educacion e dialòg intercultural per prevenir l'òdi, es prigondament lamentable que los Estats Units se retiren de l'agéncia de las Nacions Unidas que s'ocupa d'aqueles afars."
 
De lor costat, los Estats Units an mençonat que la rason d’aquela partença es una “tendéncia anti-Israèl” de l'organisme multilateral. “Es pas una decision presa a la leugièra, mas rebat lo chepic dels Estats Units per las creissentas reculadas de l’UNÈSCO, lo besonh d’una reforma fondamentala de l’organizacion e sa tendéncia anti-Israèl”, çò precisèt la pòrtavotz del Departament d'Estat, Heather Nauert.
 
La retirada dels Estats Units de l’UNÈSCO intrarà en vigor lo 31 de decembre de 2018.
 
Ja en 2011, los Estats Units decidiguèron de suspendre lors pagaments a l’UNÈSCO quand l’organizacion acceptèt l’intrada de Palestina coma membre de plen drech.
 
E lo meteis jorn que los Estats Units anonciavan lor retirada, lo primièr ministre de l’estat d’Israèl demandèt al Ministèri dels Afars Exteriors que comencèsse los preparatius per quitar aquela organizacion.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

No voler que a los infants palestinians los puga ajudar l'Unesco amb educacion , aliments e medecines, es ser molt malas personas.

  • 1
  • 0
Enric Mala Tèsta
1.

Se USA e Israel quitan l'organizacion internacionala per l’educacion, la sciéncia, la cultura e la comunicacion, es que ne nos cal pas deduïre que son mailèu favorables a unas desoragnisacions nacionalistas per l'ignorància, l'escurantisme, l'incultura e l'absénica de comunicacion ? Dins aquela cas, i poirián convidar Rajoy !!!

  • 2
  • 0

Escriu un comentari sus aqueste article