Bandièra01 1180x150: Comuna de Tolosa

Actualitats

La sòrre de Manuel Valls li repròcha son sosten a la repression espanhòla en Catalonha e Aran

“Per Dieu e per lo pepin Magí”, çò li ditz en s’esglasiant d’una tala “bestiassada”. Manuel Valls es un ferme defensor de l’unitat d’Espanha e sosten la politica repressiva de Rajoy

Dempuèi lo referendum d’independéncia que, malgrat la repression, se tenguèt en Catalonha e Aran lo 1r d’octòbre passat, l’èx-primièr ministre francés, Manuel Valls, es vengut un grand defensor de l’unitat d’Espanha e de la politica de repression del govèrn de Mariano Rajoy. Ansin Valls afirmèt a una emission de la television espanhòla Antena 3 que l’independéncia de Catalonha e Aran “es impossibla” dins lo contèxt europèu e gausèt d’apondre qu’après las violéncias de la polícia “i aguèt pas de mòrts, solament de nafrats, per tant foguèt pas una responsa autoritària”.
 
Encara dimenge, l’èx-primièr ministre socialista publiquèt sus Twitter que caliá “sosténer la responsa de l’estat democratic d’Espanha”. Mas sas paraulas foguèron contestadas per sa sòrre, Giovanna Valls, que demòra a Barcelona. “Per Dieu, pro! Per lo pepin Magí! Es pas democratic, ni lo 155 tanpauc. Dempuèi quora s’es vist quicòm tan bestiàs coma metre fin a las libertats?”, çò ditz Giovanna Valls.
 


Manuel respondèt al messatge de sa sòrre en disent: “Per Catalonha, per Espanha, per Euròpa; per lo respècte de la constitucion e lo dialòg. Respècte per totes, eleccions en Catalonha e Unitat en Espanha”.
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernest Guevara Jr.
8.

#7 Ja sabiam que Valls non èra ni catalan, ni democrata, ni socialista. Ara sabèm que non es res.

De l'incomparabla superioritat del feminin sus lo masculin…

  • 4
  • 0
E Passa Que T Ai Vist Lo Clapàs (Montpelhièr)
7.

Jà sabiai qu'aquel Valls èra pas vertadièrament catalan ( sa maire es soïssa, e se lo pichòt Manolo nasquèt a Barcelona i visquèt pas jamai e passèt sa vida tota a Paris) mas aprèp un tal tombarèl de conarias e d'ipocrisia parisencassas avem plan la pròva qu'aquel òme a res de catalan. Res. Que fague lo bèl a Paris-plage, aquel arlèri !

  • 10
  • 0
l repotegaire
6.

Çò diguèt la sòrre : On valls aital ?
Çò respondèt lo fraire : En França que lo cesarisme m’agrada mai que la delocracia post-franquista que, fins ara, a daissadas las regions se governar...
E ara la catastròfa es aquí

  • 6
  • 0
Mèfi! 31
5.

Lo Valls barbeja per fin de semblar a lo Rajoy...

  • 12
  • 0
francesc palma
4.

Los estats plurinacionals coma la Gran Bretanha e Belgica, ont son reconegudas totas sas nacions, comprenen molt melhor a Catalunha que los estats uninacionals coma Alemanha e Grecia, ont solament al haver-n'hi una, sabon pas qu' es la plurinacionalitat.
Catalunha es una nacion historica que lo 1714 perdet sas libertats en la Guerra de Succession. Açò es historia e es pot estudiar a totas las universitats d'Europa. Atal que ho sapiga Merkel qu' es pot assessorar en las grans universitats d'Alemanha, coma Margueritis lo portaveu de la Comission Europea que tamben faria ben d'aprene de las universitats gregas.
Lo que cal es dialogar, e dins la Constitucion coma voleva Pedro Sanchez, pel reconeissement de la Nacion Catalana e l'estat plurinacional, pel concert econòmic, per las seleccions esportivas catalanas,....
E aturar la proclamacion de l'article 155 e la proclamacion de la independència.

  • 10
  • 2

Escriu un comentari sus aqueste article