Bandièra01 1180x150: Comuna de Tolosa

Actualitats

Los mèdias publics de Catalonha refusan lo contraròtle de l’estat espanhòl

Presentèron ièr un manifèst en uèch lengas, dont l’occitan, que defendiá lor trabalh e criticava “l’ingeréncia inacceptabla” del govèrn de Rajoy

Los mèdias publics catalans, TV3, Catalonha Ràdio e l’Agéncia Catalana de Nòvas (ACN), faguèron ièr una conferéncia de premsa per refusar ensems l’intervencion que lo govèrn espanhòl pensa d’impausar amb l’aplicacion de l’article 155. La compareissença la faguèron divèrses professionals d’aqueles mèdias que legiguèron lo manifèst dins uèch lengas: catalan, espanhòl, occitan, basco, galèc, anglés, francés e alemand. Lo tèxt defendiá lor trabalh e criticava “l’ingeréncia inacceptabla en Euròpa que supausa la presa de contraròtle dels mèdias publics de Catalonha e Aran.
 
Lo manifèst explica qu’aqueles mèdias son nascuts de la volontat del Parlament, lo luòc ont s’exprimís la volontat dels ciutadans, e es l’organ que los mèdias devon servir. Per mejan de las donadas d’audiéncia e dels bons rapòrts internacionals, lo manifèst apara lo còde deontologic e la professionalitat del trabalh que realizan. En mai d’aquò, los jornalistas critican la menaça del govèrn espanhòl que considèran coma una ataca contra los ciutadans e una violacion de lors dreches fondamentals. Enfin, dison net e clar que la volontat de l’executiu de Mariano Rajoy es “inacceptabla en Euròpa democratica e contraven totalament als principis fondamentals de l’Union Europèa”.


 



 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

L'ONU ha declarat ilegal l'article 155 de la Constitucion, e atal ha pas cap de validesa legala per los estats que la forman. E que han signat los Dels Universals de Home.

  • 4
  • 0
E Passa Que T Ai Vist Lo Clapàs (Montpelhièr)
1.

Lo manifèst dels mediàs publics catalans es aquel de Ràdio Praga escranchada pels tancs sovietics en agost de 1968, es aquel de Ràdio Varsovia escranchada pels tancs hitlerians en setembre de 1939, es aquel de Ràdio Santiago escranchada per Pinochet en setembre de 1973.

L'engèni malefic de Rajoy (saique plan conselhat per Brussèlas) es que luòga de faire un còp d'estat en una nuèit, que riscaria d'escalustrar las opinions publicas europencas, o-fai al ralentit, estaloirat sus maitas setmanas. Lentament mas segurament s'apodera a cha pauc las institucions sobeiranas d'un païs democratic, dins l'indiferència compliça de l'Europa. E mai que mai dins l'indiferència majoritària dels europencs, convençuts per la propaganda de Madrid/Paris/Brussèlas/Berlin que la sobeiranetat catalana es una galejada de marrit gost engimbrada per un ponhalèt de maufatans fanatics.

Los mediàs catalans sabon que van perdre la libertat, que diguns los vendrà ajudar, alara cridan amb dignitat a la fàcia ipocrita e covarda dau mond " AVE CAESAR MORITURI TE SALUTANT ! "

  • 8
  • 0

Escriu un comentari sus aqueste article