Bandièra01 1180x150: Comuna de Tolosa

Actualitats

Catalonha: sièis ciutadans detenguts per aver criticada l’accion de la polícia

Aurián publicat de comentaris sus Facebook que condemnavan la violéncia policièra en Catalonha e Aran durant lo referendum d’independéncia del 1r d’octòbre passat

Segon d’informacions paregudas divendres passat, la polícia espanhòla auriá arrestadas sièis personas acusadas d’incitacion a l’òdi per de comentaris faches suls rets socials que criticavan la violéncia policièra en Catalonha e Aran durant lo referendum d’independéncia del 1r d’octòbre passat.
 
Segon çò que raportèt Vilaweb, se tracta de ciutadans qu’aurián publicats sus Facebook o d’autres rets socials de messatges contra l’accion de la polícia aquel jorn. Qualques unes d’eles rebutan totun aquelas acusacions.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
7.

Son pas gaire los motius que legitiman la violença. E una societat que demanda pacificament de poire s'esprimir democraticament (per votar de òi o de non), aquò legitima pas ges quauqua accion violenta !
Se i a confirmacion de la causa, aquò merita qu'o condamnem !
Per se rire de la violença aplicada per un Estat en respònsa a la patz, fau èstre sicologicament e enconcientament en sofrença. Quò fai que los cas patologics, vau mièlhs los laissar escupir : lurs faguem pas ressòn. Quauque moment, se taisaràn ben davant lo silenci dals enternautas...
Autrament, tota remocada fai pas qu'amplificar lurs reaccions e los refortir dinc lurs pausicions...
Floriguem a costat d'eles. E nòstra endiferença joiosa e segura de la bòna causida non poirà que los acarar a lurs fendasclas enterioras per los menar a la fin als fonzaus de lur èsser malerós. O ai agut esperimentar dinc d'endevenenças diferentas mès dau foncionament identic. Après, aquò's pas que la prepausicion miuna... Per ce qu'es de ieu, lurs respònde gaireben pas pus.

  • 6
  • 0
Blackblòc
6.

Aaa… Aquela illustracion fotografica d'article ! Me sembla plan mai chucosa e mucosa que la d'uèi matin !

  • 5
  • 9
Franc Bardòu
5.

#1 & #3 Se vei plan que non sètz estats jamai confrontats a la gestion autoritarista d'un govèrnament d'ultradreita o d'amira estaliniana. Sauriatz alavètz que per saber formalament çò que i fan o non los representants de l'òrdre establit, non ne vos i venon informar subre un grand tablèu lumenós al mièg de la grand plaça. Lo problèma informatiu ven de çò que las amiras governamentalas son a virar cap a una direccion politica que non a besonh d'èsser dita per èsser complida.

Quora o "sauretz", serà tròp tard, per vos.

Aquò dit, quora lo paire del mieu paire passèt dins la resisténcia contra l'ocupaciuon nacional-socialista, amb lo maquís de Bocòna en 1942, en Gasconha tolzana, los ciutadans de las trelusenta republica francesa èran favorables a Pétain a près de 90%. E donc me disi qu'a d'unes encara, aquò poiriá agradar plan.

Per contra, non vesi pas dins quina mesura una informacion atal seriá necessàriament ligada a la una volontat de redistribucion equitabla de totas las riquesas materialas ni a l'abolicion de tota proprietat privada dels mejans de produccion. Donc, non vesi un ligam particular entre l'informacion presentada aquí amb resèrva d'usatge e quina amira esquerrista que siá.

A mens, plan segur, que d'aver criticat, de criticar encara e per longtemps tota violéncia d'estat, fisicia o morala, indiscriminada, contra gents pacificas e de tot atge, valga ja de sosténer tota las filosofias de Marx, Hengel, Proudhon e Bakounine… Mas aquí, ieu, m'i pèrdi las aucas.

  • 18
  • 3
Donacian Auvèrnhe
4.

#1 Aquò-es ben normau d'empleiar lo conditionau... Las charjas que pesan sobre aquelos sèis detenguts son pancara gis averadas !

  • 11
  • 1
Ròdrigo Bigòrra
3.

Adixatz , qu'ei leguit mantus jornaus Espanhòus mès nat non parlan d'aquerò sei pas ! que deu estar encòra conerias der'estrèma gaucha!

  • 0
  • 24

Escriu un comentari sus aqueste article