Bandièra01 1180x150: Comuna de Tolosa

Actualitats

Eleccions a l'Assemblada de Corsega: lo sobeiranisme a ganhat lo primièr torn

La candidatura independentista d’esquèrra Core in Fronte se poiriá integrar dins la sobeiranista de Pè a Corsica al segond torn e constituir un blòc nacionalista còrs

Corsega a fach d'eleccions aqueste dimenge. Se tracta d’elegir la nòva Assemblada de Corsega, ara que la collectivitat territoriala a fusionat los dos departaments. La candidatura nacionalista Pè a Corsica (un 45,36% dels vòts) e l'independentista d’esquèrra Core in Fronte (un 6,69%) obtenon lo 52% dels sufragis. Pè a Corsica es dirigida per Gilles Simeoni, actual president del conselh executiu, lo govèrn de l’illa; e Core in Fronte a per cap de lista Paul-Félix Benedetti.
 
Vaicí los resultats del primièr torn de las eleccions a l’Assemblada Còrsa qu'a agut una participacion d’un 52,17%:
 
— Gilles Simeoni 45.36%,
— Jean-Martin Mondoloni 14.97%,
— Valérie Bozzi 12.77%,
— Jean-Charles Orsucci 11.26%,
— Paul-Félix Benedetti 6.69%,
— Jacques Casamarta 5.68%,
— Charles Giacomi 3.28%
— Abstencion 47.83%.
 
La segonda fòrça pus votada es la drecha regionalista de Jean-Martin Mondoloni, amb lo 14,97% dels vòtes. Seguís, amb lo 12,77%, la lista de la conservatritz Valérie Bozzi (Los Republicans)  qu'a despassat d’un 1% Jean-Charles Orsucci, de la Republica en Marcha (11,26%), lo partit del president francés Emmanuel Macron. La candidatura mens votada es la xenofòba del Front Nacional de Charles Giacomi, qu'a obtengut solament lo 3,28% dels vòtes. Per quant a Jacques Casamarta, menava una lista de coalicion de la França Insomesa e del Partit Comunista Francés.
 
Segon lo sistèma electoral de la nòva Assemblada còrsa, la candidatura mai votada al segond torn emportarà onze sètis addicionals se despassa lo 18% dels vòtes. Per accedir al segond torn, cal aver atench un minim del 7% dels sufragis al primièr torn. Las listas qu'auràn obtengut entre lo 5% e lo 7% dels vòtes pòdon fusionar amb quina autra que siá qu'aja superat lo primièr torn. Per tant, la candidatura independentista d’esquèrra Core in Fronte se poiriá integrar dins la sobeiranista de Pè a Corsica dins lo segond torn e constituir un blòc nacionalista còrs.
 
Lo dirigent de Pè a Corsica, Gilles Simeoni, e lo de Core in Fronte, Paul-Félix Benedetti, son contents dels resultats e an mercejat los electors per lor fisança.
 


 
 




abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
11.

Es una gran causa que hagin guanhat a la primera volta los partits nacionalistas corsos e pas los francesos. Cal seguir e guanhar a la segona volta amb los partitd d'esquerras nacionalistas corsos. Per lo reconeissement oficial de la lenga Corsa e l'autonomia e tot lo que sia de sa Nacion.

  • 2
  • 0
Mèfi ! 31
10.

Ai ausit las paraulas balançadas e respectuosas de la democracia de Simeoni, que s'en ten a l'autonomia per ara. Le punt fèble de Còrsega es son economia e sa pauretat, e es pas dit que les separatistas ne sian inconscients, o prép de vóler un micro-estat a estatut de paradís fiscal.
Vòlen servar identitat, lenga...e mestrejar estatut de resident e urbanisme...
Qual pöt èsser contra ?

  • 4
  • 0
Pirolet
9.

Òsca companhs còrses per aver capitat de fendasclar un pauc la capa de plomb que cobrís l'Exagòn dempuèi tròp de temps! Ara vos podètz mesfisar,qu'un estat larga pas de poder aquí ne vòls aquí n'as, emai s'es un estat jacobin. Vos podètz preparar a totas las trapèlas possiblas e imaginablas per afrabar vòstre projècte. Son de practicas que se son ja vistas e que se tornaràn veire. Mèfi!

  • 3
  • 0
ltrobat
8.

#1 Qu'èi çò que'vs an hèit los còrses ta'us desirar ua tant maishanta causa?

  • 8
  • 0
ltrobat
7.

#5
A noste, l'indici de desvelopament qu'ei d'aver hicat Bordèu a duas òras de Paris mercés au TGV...

  • 8
  • 0

Escriu un comentari sus aqueste article