Bandièra01 1180x150: Comuna de Tolosa

Actualitats

Montpelhièr: serada-debat sus la situacion de Catalonha amb Mireia Boya, Dàvid Grosclaude, Anna Surra e Carles Puigdemont

L'eveniment se tendrà dimars que ven e es organizat pel Collectiu montpelhierenc per la Libertat, la Democracia e la Solidaritat amb Catalonha, Montpelhièr CDR

Dimars que ven, 9 de genièr, se tendrà a Montpelhièr una serada-debat sus la situacion politica de Catalonha en preséncia de Mireia Boya, èx-deputada occitana al Parlament de Catalonha (CUP); Dàvid Grosclaude, representant del Partit Occitan; Anna Surra, deputada (ÈRC) al Congrès espanhòl, e lo president de la Generalitat de Catalonha en exili, Carles Puigdemont, que participarà en videoconferéncia.
 
“Vistes los ligams passats e presents qu’avèm amb Catalonha, es important qu’una solidaritat se desvolope, particularament sus de questions que tòcan a la democracia e al drech dels pòbles a decidir, qu’es un drech fondamental”, çò explica Francis Viguié, a La Marsellaise. Viguié fa partida del Collectiu montpelhierenc per la Libertat, la Democracia e la Solidaritat amb Catalonha, Montpelhièr CDR, qu’organiza l’eveniment.
 
De son costat,  Dina Puigdesens, tanben membre del collectiu, apond: “Volèm a l’encòp informar e sensibilizar los franceses, donar un espaci de paraula als partits independentistas democratas catalans e crear un debat entre los responsables politics catalans e franceses”.
 
L’eveniment aurà luòc dins la sala Guilhèm de Nogaret a l’Espaci Pitòt, sus la Plaça del professor Mirouze amb lo programa següent:
 
— 18h30: documentari
— 19h00: intervencions
— 20h00: debat

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
13.

Tot son excuses per las duas parts per no dialogar: que ara no es lo moment, que si se dialogarà puei de las eleccions, qu'es dialogarà quan los presos surtin, qu'es dialogara dins e non fora, qu' es dialogarà fora e non dins ? Què han de tirar envant la Republica, que non l'han de tirar envant ? Dos que non es volen entendre non s'entenen jamai. Las duas parts del PP i de los partits independentistas son de dretas e per qualcacosa diuen que lo nacionalime es de dretas. Las dretas en aqueste procès fan lo ridicul. tant lo pp e sos escolanets de ciudadanos madrilenhos, coma las juventuts d'esquerra republicana que non saben parlar de res pus que d'independència. Vaja colas d'avorrits, anar amb els es coma ausir un disc retxat.

  • 4
  • 3
pujol miquèu aureilhan 65800
12.

#7 Era lei qu'ei era garantida, ua garantidaé, dera libertat: sense lei, no i a pas de libertat, de securitat, de possibilitat de viver amassa. Qu'ei ua evidença tròp desbrembada. Mes ua lei que pòt, solide! èster contestada, discutada, cambiada, en un sens constructiu, en un esprit democratic, en respèct de totas eras tendencias que s'an d'a exprimir en eleccions. Aquò que son evidencias banalas mes que nos arriba de desbrembar Jo tanben que fu o que'm cresè "revolucionari", mèma un Macron a escrivt dera "revolucion", mes qu'ei coma deth mot "cambiament", que caleria saber çò que s'amaga en aqueri mots embelinaires.

  • 2
  • 0
pujol miquèu aureilhan 65800
11.

Que representa uei un partit coma eth dit "Partit occitan"? Quau ei eth sièu fonccionament? Cu vòta? On a eth mendre resson un partit coma aqueth? Qu'èm encara un còp ena illusion democratica, en autoproclamacions de monde que's crésen aver un poder.

  • 2
  • 1
Lo Jaumèt
10.

Plan bona iniciativa. E la Delga ? Vendrà, vendrà pas ?

  • 10
  • 0
Frede-Luc Pissafèl-Amar Pimpas (Païses occitanocatalans)
9.

Avèm, amb totes aqueles comentaris successius e inagotables, una revista de premsa de las mai interessantas mas desbrembem pas que, mentretant, las pòrtas de las presons demòran barradas (amb gents a l'interior que ne pòdon pas ni sortir, ni eissir, ni salir -ni sortir, ni eixir, ni sàller-). Tant val dire que l'amusament e lo divertiment començan de s'esperlongar i que ja la copa és plena a vessar.
Per quant a l'opinió d'un politic catalan anonimat coma Duran i Lleida...

  • 6
  • 0

Escriu un comentari sus aqueste article