Aquesta dimenjada èra consacrada als 1/1ns de finala de la Copa Lòrd-Derby. L’entrada en competicion dels clubs d’Elèit 1 a aqueste nivèl (en plaça del 1/8n las sasons passadas) a permés a de formacions d’Elèit 2 e de federala de se confrontar als representants del naut nivèl.
Cinc audencs e quatre catalans dins los 16 qualificats
Tre dissabte, l’AS Carcassona disiá son enveja de gardar lo trofèu amb una larga victòria a Lion: 38-4. Dins lo dèrbi catalan, los Dragonets anavan ganhar cò del cap de fila d’Elèit 2, Baó: 48-13. En riba d’Aude, Pomars (Federala) menèt 8-4 a la pausa per plegar fin finala fàcia a Ferrals (Elèit 2): 33-19.
Dimenge, lo sol rescontre entre esquipas d’Elèit 1 permetèt a Albi de se qualificar 20-0 fàcia a Vilanòva. Las autras formacions d’Elèit 1 se qualifiquèron a l’exterior coma o vòl lo reglament: Lesinhan a Vilafranca de Roergue: 28-20; Limós a Entraigas: 46-14; Palau a Pujòls: 32-6; Tolosa a Tolon: 44-10; St Gaudenç a Pià: 59-4. Avinhon ganha lo dèrbi de Vauclusa a Carpentràs: 66-10.
Salsas, esquipa de Nacionala 1, aviá ja eliminat un pensionari d’Elèit 2 al torn precedent (Vilanòva de Menerbés). Aqueste còp, son los jogaires de l’Escura d’Albigés que pleguèron al pè del castèl de Vauban: 34-24.
Los autres qualificats pels 1/8ns de finala son Caumont, Trentels, Illa del Riberal, Vilagalhenc-Argon e Selon.
Lo torn venent de la Copa es programat per la dimenjada dels 17 e 18 de febrièr.
Limós-Lesinhan en cap d’aficha
Retorn al campionat aquesta dimenjada amb doas partidas de tria en país audenc. Aprèp la batejalha del nom de Francís de Nadai de l’una de las tribunas de l’estadi de l’Agulha, Limós reçauprà Lesinhan per un revenge de la finala passada del campionat. A Domèc, l’AS Carcassona reçauprà los Dragonets catalans e ensajarà de faire doblidar la desfaita contra Limós.
Vilanòva e Albi se tornaràn trapar aprèp lo 1/16n de Copa d’aqueste dimenge, mas aqueste còp en Òlt e Garona! Las autras partidas al programa de la jornada son: Avinhon-Tolosa e St Gaudenç-Palau amb un pronostic en favor de las esquipas que recebon.
La debuta de la Superliga s’acèrca!
Cò dels Dragons catalans, los numèros de malhòts son estats autrejats als 30 jogaires. Olivièr Janzac vendrà pas refòrtir la còla dels entraïnaires: son passatge a Perpinhan auriá fait pèrdre un pòste de quadre tecnic a la Federacion.
Los catalans jogaràn dimenge de vèspre en Anglatèrra contra Hull FC lor sola partida de preparacion abans la debuta de la sason dins los primièrs jorns de febrièr.
Alan Roch
Cinc audencs e quatre catalans dins los 16 qualificats
Tre dissabte, l’AS Carcassona disiá son enveja de gardar lo trofèu amb una larga victòria a Lion: 38-4. Dins lo dèrbi catalan, los Dragonets anavan ganhar cò del cap de fila d’Elèit 2, Baó: 48-13. En riba d’Aude, Pomars (Federala) menèt 8-4 a la pausa per plegar fin finala fàcia a Ferrals (Elèit 2): 33-19.
Dimenge, lo sol rescontre entre esquipas d’Elèit 1 permetèt a Albi de se qualificar 20-0 fàcia a Vilanòva. Las autras formacions d’Elèit 1 se qualifiquèron a l’exterior coma o vòl lo reglament: Lesinhan a Vilafranca de Roergue: 28-20; Limós a Entraigas: 46-14; Palau a Pujòls: 32-6; Tolosa a Tolon: 44-10; St Gaudenç a Pià: 59-4. Avinhon ganha lo dèrbi de Vauclusa a Carpentràs: 66-10.
Salsas, esquipa de Nacionala 1, aviá ja eliminat un pensionari d’Elèit 2 al torn precedent (Vilanòva de Menerbés). Aqueste còp, son los jogaires de l’Escura d’Albigés que pleguèron al pè del castèl de Vauban: 34-24.
Los autres qualificats pels 1/8ns de finala son Caumont, Trentels, Illa del Riberal, Vilagalhenc-Argon e Selon.
Lo torn venent de la Copa es programat per la dimenjada dels 17 e 18 de febrièr.
Limós-Lesinhan en cap d’aficha
Retorn al campionat aquesta dimenjada amb doas partidas de tria en país audenc. Aprèp la batejalha del nom de Francís de Nadai de l’una de las tribunas de l’estadi de l’Agulha, Limós reçauprà Lesinhan per un revenge de la finala passada del campionat. A Domèc, l’AS Carcassona reçauprà los Dragonets catalans e ensajarà de faire doblidar la desfaita contra Limós.
Vilanòva e Albi se tornaràn trapar aprèp lo 1/16n de Copa d’aqueste dimenge, mas aqueste còp en Òlt e Garona! Las autras partidas al programa de la jornada son: Avinhon-Tolosa e St Gaudenç-Palau amb un pronostic en favor de las esquipas que recebon.
La debuta de la Superliga s’acèrca!
Cò dels Dragons catalans, los numèros de malhòts son estats autrejats als 30 jogaires. Olivièr Janzac vendrà pas refòrtir la còla dels entraïnaires: son passatge a Perpinhan auriá fait pèrdre un pòste de quadre tecnic a la Federacion.
Los catalans jogaràn dimenge de vèspre en Anglatèrra contra Hull FC lor sola partida de preparacion abans la debuta de la sason dins los primièrs jorns de febrièr.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De fait, Albi bat Vilanòva : 46-4.
20-0 èra la marca a la pausa e la marca indicada dimenge sul site de la Federacion !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari