Bandièra01 1180x150: Comuna de Tolosa

Actualitats

Bretanha revendica “lo drech a la diferenciacion”

Lo president del Conselh Regional de Bretanha assegura que la reconeissença de l’especificitat de Corsega “es una oportunitat” per que Bretanha “faga valer sas conviccions”

Bretanha suggerís d’aver son “drech a la diferenciacion”. Lo president del Conselh Regional de Bretanha, Loïg Chesnais-Girard, considèra que lo discors qu’Emmanuel Macron faguèt la setmana passada a Bastia, ont prometèt de reconéisser l’especificitat de Corsega, “es una oportunitat” per que Bretanha “faga valer sas conviccions e de proposicions”.
 
Chesnais-Girard, del Partit Socialista, fa referéncia al “drech a la diferenciacion e a l’autonomia fiscala que correspondon a de desirs ja exprimits per Bretanha”.
 
Segon lo president del conselh regional, “Bretanha a totjorn obrat per que las regions sián reconegudas, que lor capacitat d’agir siá refortida e que nòstra region pòsca experimentar de nòvas competéncias al servici de sos territòris e sos abitants”.
 
De son costat, lo principal partit autonomista breton, l’UDB, a insistit sul fach que çò necite es una reforma constitucionala per que “quin territòri qu’o desire pòsca accedir a una autonomia plena e completa”, çò es que tenga de competéncias legislativas.
 
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Adibon
3.

Bretanha revendica “lo drech a la diferenciacion” ? Un drech atal se demanda pas : s'emponha e se fa valer ! Aquò se ditz "nàisser"…

  • 0
  • 0
Pirolet
2.

Tot çò que pòt far viarar canturla l'estat d'un biais pacific es bon. Òsca, bretons!

  • 2
  • 0
francesc palma
1.

Es lo moment coma en Corsega d'unir-se totas las comunitats e far la mateissa demanda. Au idoncs occitans, animats vos e facet lo mateis.

  • 3
  • 0

Escriu un comentari sus aqueste article