Actualitats
Mireia Boya: “S’entri en preson, ne sortirè sonque quan ajam era Republica”
L’èx-deputada aranesa de la CUP es dispausada a afrontar “un jutjament politic”
L’ex-diputada de la CUP Mireia Boya expliquèt ièr diluns que dimècres 14 de febrièr fariá sa deposicion davant lo magistrat del Tribunal Suprèm espanhòl, Pablo Llarena. Diguèt que i anariá “en front” e que renonciariá pas quitament a “ua virgula” del programa electoral amb lo qual las fòrças independentistas se presentèron lo 27 de setembre de 2015, ni al fach que lo primièr d’octòbre “hérem un referèndum e le guanhèrem”, çò declarèt. “Non servís ad arren abjurar dera ideologia entà evitar era preson”, çò diguèt Boya, que considèra que tot l’afar pel qual es mesa en examen per rebellion e sedicion se fonda sus un verbal de la Gàrdia Civila “parciau e interessat, que crèe un relat que non correspon pas ara realitat pr’amor que non i auec pas violéncia”.
En cas que finiguèsse qu’entrèsse en preson, situacion que considerèt coma lo pièger dels scenaris, se mostrèt convencuda que ne sortiriá “quan ajam era Republica”, e reclamèt que se metèsse ara en aplicacion.
En tenen compte d’aquesta possibilitat, exigiguèt una “reaccion politica” que consistiguèsse en una “estrategia conjunta e coordenada” dels partits e de totes los independentistas.
Durant la conferéncia de premsa que la faguèt diluns de tantòst a Lhèida, precisèt pas se respondriá a las questions del ministèri public.
En cas que finiguèsse qu’entrèsse en preson, situacion que considerèt coma lo pièger dels scenaris, se mostrèt convencuda que ne sortiriá “quan ajam era Republica”, e reclamèt que se metèsse ara en aplicacion.
En tenen compte d’aquesta possibilitat, exigiguèt una “reaccion politica” que consistiguèsse en una “estrategia conjunta e coordenada” dels partits e de totes los independentistas.
Durant la conferéncia de premsa que la faguèt diluns de tantòst a Lhèida, precisèt pas se respondriá a las questions del ministèri public.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Galileu Galilei va ser processat per l'Inquisicion que deia que la terra era lo centre del mond e non se movia. Mas Galileu deia qu' era la terra la que se movia al voltant del sol. Com que veset que se'l volian carregar, perquè non lo cremassen viu haguet de dire que l'inquisicion havia rason, e qu' el estava equivocat. Lo daissaren que se'n anàs, mas conten que diguet al sortir del tribunal: Eppur si muove. Segurament baisset perquè non lo sentissin los folls del tribunal.
Que non sia pas beneita, que parli qu' ela voldria que la Constitucion Rspanhola reconegués la Nacion Catalana e Occitana,que poguessin recaptar los impostes la Generalitat, que hi hagués seleccions esportistas catalano-occitanas.etc.
La lectura abusiva de la lei constitucionala es un motiu de preson preventiva inquisitoriala, que l'abjuracion i es liberatòria. Espanha experimenta la preventiva abusiva a durada indeterminada.
Manca la tortura fisica, mès qui sap?
#3 Ta gueule, Vincent
Sosten total del Partit de la Nacion Occitana a la Mirelha Boià e a totes los autres encausats
http://lo.lugarn-pno.over-blog.org/2018/02/le-parti-de-la-nation-occitane-apporte-son-soutien-a-mireia-boya.html
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari