Actualitats
La Glèisa catolica a anonciat lo 70n miracle de la Verge de Lorda
Segon los catolics franceses una monja de 69 ans apelada Bernardette Moriau seriá estada garida "miraculosament" après una vesita del santuari occitan en 2008
Moriau comencèt d'aver de problèmas lombars als 27 ans e patissiá de dolors de sciatalgia plan fòrts. Aquò portèt un deficit neurologic que l'empedissiá practicament de caminar. Segon çò qu'explican los catolics franceses, quatre operacions cirurgicalas avián pas resolgut lo problèma. Per contra, explica qu'en tornant del peregrinatge "aguèt una sensacion inabituala de relaxacion e calor dins tot son còrs" e sentiguèt "una votz interiora que li demandava de se levar totes los aparelhs, lo bombet e l'estèla lombara". Aquel meteis jorn auriá pogut caminar sens cap d'ajuda.
Segon l'examen medical e lo Burèu dels Constats Medicals de Lorda, sa garison "es inexplicabla amb las coneissenças scientificas actualas", e s’assegura qu'es un miracle perque es una garison "completa, imprevista e permanenta". Lo comitat del santuari bigordan s'es reünit en tres ocasions, en 2009, en 2013 e en 2016 e fin finala a reconegut lo miracle.
Lo peregrinatge de Moriau coïncidissiá amb lo 150n anniversari de las presumidas aparicions de la Verge a Bernardeta Sobirós dins la Tuta de Massavielha, près de Lorda (Lavedan).
Amb quatre milions de vesitaires per an, lo santuari occitan es un dels principals luòcs de peregrinatge catolic del Mond entièr. Lo darrièr miracle atribuit a la Verge de Lorda aguèt luòc en 2013, e ara aqueste es lo 70n après 160 ans d'istòria de las misteriosas aparicions de la verge occitanofòna.
Grande joie pour l'Eglise Catholique ! @MGRBenoitGonnin reconnaît officiellement comme le 70e miracle de @lourdes_france la guérison de Soeur Bernadette par l'intercession de Notre-Dame de Lourdes #BonneNouvellepic.twitter.com/fdYdGGGrfQ
— Diocèse de Beauvaisن (@catho60) 11 de febrer de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las ciaticas e mals d' ossos, se guareissen de sobta pel clorur de magnèsi que podria haver pres aquesta mongeta en qualque banda. E està ben documental qu' ela desia sempre "aquerò"referint-se a l'imatge, que cresi qu' es un neutre " allò" en català. Segurament non sabia lo qu'era.,una remor,una fresa, un remolin, un ovni, un estraterrestre.
#2#7 Adishatz,
Eth culte més antic de Lorda qu'ei coneishut per un autar votiu de marbe, deth segle 1è o 2è, ara sauvat en musèu. Que mercèja eth diu aquitan ASTELLO, atau de ben grauat "ad secvla et secvlorvm".
Bernadette Soubirou diguèc tostemps "aquerò" entà designar era aparicion blanca der'espluga de Massavièla. Aquera prauba mainada non sabià cap ni comprenià eth francés e cresià aras hadas que hialauen en secauen eths linçòus sus era peiras deth gaue, coma totis en Lorda d'aqueth temps....
#2 Yeh ! Ctuhlu Ftagn !
#5 E se sèm pas mai que 5% a la parlar encara, es en consequéncia de quin miracle de m… ?
#1
Per ''sas lengas respectivas'' supausi qu'enténdetz ''lengas majoritàrias au XIXe s.'' ...perque, anuit, crear un estat defenit per una lenga que 5% sàben parlar, 'quò's una estranja irèia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari