Bandièra01 1180x150: Comuna de Tolosa

Actualitats

L’ÒNU a aprovat una alta al fuòc en Siria per i far una pausa umanitària

Totes los païses l’an aprovada a l’unanimitat. Mas a la demanda de Russia, l’arrèst de las ostilitats concernís pas Al Qaida ni l’Estat Islamic

Lo Conselh de Seguretat de l’ÒNU a aprovat una resolucion d’alta al fuòc en Siria tota. La resolucion seguís una iniciativa lançada per Suècia e Kowait qu’an aprovada totes los païses a l’unanimitat: se demanda l’arrèst immediat de las ostilitats almens durant 30 jorns per poder far una pausa per l’accès de las ajudas umanitàrias e medicalas e per l’evacuacion de la populacion civila atrapada.
 
L’alta al fuòc exclutz lo combat contra l’autoproclamat Estat Islamic e Al Qaida, qu’es la condicion que l’a pausada Russia, principal aliat de Damasc, per donar son sosten a la resolucion.
 
Dins la darrièra setmana, mai de 500 personas son mòrtas durant aquela guèrra.
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Quan avançan los sirian, surten los del pentagon e disen qu' han de far un altolfoc. Saturaran las ostilitats durant tres horas diarias per far un corredor humanitari e que los ciutadans que volgan sortir del setge pugan sortir. Mas los terroristas de l'estat islamic han romput aquesta treva e han començat a atacar pel sieu compte.

  • 2
  • 0
Enric Mala Tèsta
1.

Bon… Aquí, encara un còp se pòt pas gaire dire que se parle son que de Catalonha o d'Aran dins lo Jornalet. Unes, benlèu, nos vendràn plorinejar que Siria es pas gaire en Occitania. Mas l'actualitat parla de çò que se fa, non pas de çò que se fa pas. Per denonciar que çò que pensan que se deuriá far se fa pas, demòra als repotegaires la possibilitat de téner cronica dins la rubrica "Opinion". Atal, tot serà estat dit…

  • 7
  • 3

Escriu un comentari sus aqueste article