Actualitats
Montpelhièr: d’òmes cagolats an castanhat los estudiants en cauma
Se sospiècha la complicitat del degan de la facultat de drech amb los assalhidors
Los estudiants en cauma de l’universitat de Montpelhièr son estats victimas d’una agression sens precedents. Dins la nuèch de dijòus a divendres, a mièjanuèch e mièja, los estudiants qu’ocupavan l’anfiteatre de la factultat de drech los castanhèron d’òmes cagolats armats amb de matracas e bastons. E mai los estudiants foguèsson una cinquantena e los assalhidors cagolats una quinzena, la violéncia de l’agression foguèt enòrma, coma testimònian los imatges preses pels telefòns mobils qu’a renduts publics France 3. Plusors estudiants nafrats son espitalizats.
Devèrs 1h del matin, intervenguèron las fòrças de l'òrdre en evacuant l'universitat que restarà barrada fins a deman diluns.
Un professor de drech demest los assalhidors?
Los agarrits sospièchan de la complicitat del degan de la facultat de drech, Philippe Pétel, amb aquela agression. Aqueste auriá presat la preséncia d’un professor de drech demest los òmes cagolats segon Libération. Philippe Pétel demissionèt divendres de ser.
Devèrs 1h del matin, intervenguèron las fòrças de l'òrdre en evacuant l'universitat que restarà barrada fins a deman diluns.
Un professor de drech demest los assalhidors?
Los agarrits sospièchan de la complicitat del degan de la facultat de drech, Philippe Pétel, amb aquela agression. Aqueste auriá presat la preséncia d’un professor de drech demest los òmes cagolats segon Libération. Philippe Pétel demissionèt divendres de ser.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
https://www.youtube.com/watch?v=0TNSxf3jkJg&feature=youtu.be&t=2395
#3 :
Aquò qu'ei ua sanccion adminstrativa relativa au fonccionament de l'universitat. Mes n'empacha pas que sia perseguit au penau per complicitat d'agression armada.
#2 Lo venon de fotre defòra de son deganat, non ?
Aquel arganhhòl que lor servís de "doyen", de degan, se deuriá far perseguir per complicitat d'agression armada e per non-assisténcia a pesonas en dangièr…
Lo temps passa e sembla que la direccion faissisanta de la fac de drech de Montpelhièr cambia pas. En 68 aviá ja aquela reputacion, puèi i aguèt lo FN Jean-Claude Martinez coma professor, qu’i èra coma un peis dins l’aiga, e ara tustan suls estudiants amb la benediccion del degan.
Aprèp, t'estonas de cèrtas decisions de "justícia" un pauc curiosas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari