Bandièra01 1180x150: Comuna de Tolosa

Actualitats

Los parents dels elegits catalans en preson o en exili an parlat al Parlament Europèu

An explicat als eurodeputats e als jornalistas la cruseltat de la repression: “Venètz en Catalonha e o veiretz”. Se demandan ont es Euròpa per arrestar la manca dels dreches en Espanha

L’Associacion Catalana pels Dreches Civils, qu’amassa los parents dels elegits encarcerats o exiliats, e de deputats de la Plataforma pel Dialòg UE-Catalonha an denonciat al Parlament Europèu qu’en Espanha se viòla qualques dreches fondamentals.
 
L’eurodeputat Mark Demesmaeker, en nom d’aquela plataforma que reünís mai de quaranta eurodeputats, presentèt l’eveniment en afirmant que s’èran aquí, es pr’amor que “la repression a de caras”. Quant als parents dels elegits en preson o en exili, participèron Laura Masvidal (molhèr de Joaquim Forn), Meritxell Lluís (companha de Josep Rull), Pol Leiva (nebot de Jordi Cuixart), Montserrat Puigdemont (sòrre del president de la Generalitat) e Betona Comín (sòrre de Toni Comín). Aquestes planguèron la situacion ont se tròban lors parents, e an demandat l’implicacion de l’Union. “Corron un risc los dreches e la democracia, de dreches fondamentals que cal respectar en darrièra instància en Euròpa”, çò diguèt Leiva. De son costat, la sòrre de Carles Puigdemont assegurèt que de viure la vida vidanta en l’abséncia de qualqu’un èra  complicat per las familhas. Es justament sus la situacion judiciària de Puigdemont que parlèron Demesmaeker e l’alemand Bernd Lucke, qu’espèran qu’aurà un jutjament just e qu’Alemanha l’extradirà pas.
 
“A Espanha, i a pas de jutjament amb de garentidas”, çò diguèt la sòrre de Comín, que ramentèt que demest los qu’avián dich que çò que se passava èra “una orror” i aviá los melhors penalistas de l’estat espanhòl. “Sèm dins una situacion extraordinària”, çò precisèt Meritxell Lluís, qu’apelèt a las institucions europèas perque es pas un afar d’independéncia o non, mas de democracia. Ansin assegurèt que luchava per que “totòm se poguèsse exprimir sens paurs ni menaças”.
 
Totes expliquèron cossí èran ara lors relacions amb los parents en preson o en exili. “I a de situacions divèrsas”, çò diguèt Montserret Puigdemont en remembrar que “i a d’enfants joves e de parents vièlhs”. “Imaginatz per un pichon mainat veire son paire a travèrs d’una vitra”, çò precisèt a una jornalista que li demandava cossí èra “la vida vidanta” de las familhas. “E mai, los que son fòra [de Catalonha], es pas possible d’i anar cada setmana per los vesitar”, çò apondèt.
 
D’autre caire, lo nebot de Jordi Cuixart —president d’Òmnium—, Pol Leiva, soslinhèt que “la situacion requerís fòrça umanitat”, e deplorèt que son oncle foguèsse en preson en causa d’un regim “similar al qu’avián de presonièrs d’organizacions terroristas”. Dins aquel sens, Leiva reconeguèt qu’èran “d’adversaris politics”, mas qu’aquò èra pas una rason “per talhar la libertat e los dreches”. Leiva precisèt tanben la situacion del pichon enfanton de Cuixart, qu’a sièis meses e s’es ja gandit 22 còps a Madrid.
 
La femna de Joaquim Forn, Laura Masvidal, a insistit per dire qu’es un tèma que concernís “los ciutadans europèus” e a explicat que, en Catalonha, es “impossible” de veire pas de ribans auriòls dins cada vila o vilatge. Lo riban jaune es vengut lo simbòl de solidaritat amb los presonièrs politics.
 
 
“Ont es Euròpa?”
 
Quant a el, l’eurodeputat Jordi Solé se mostrèt critic amb lo ròtle qu’a tengut l’Union Europèa. “Ont ès, Euròpa? Ont ès, Juncker? Ont ès, Tusk?”, çò demandèt. Pasmens, tanben reconeguèt la solidaritat de qualques eurodeputats e los sostens sortits de mai d’un elegit europèu.
 
Solé anoncièt que la Plataforma pel Dialòg UE-Catalonha aviá demandat oficialament de s’amassar amb lo president de l’executiu comunautari, Jean-Claude Juncker, e amb lo president del Conselh de l’Euròpa, Donald Tusk, mas que per ara avián pas obtengut cap de responsa. “Comprenèm que nos deurián recebre perque lo dorsièr catalan es un problèma europèu e avèm drech que nos escoten”, çò remarquèt.
 
De son costat, l’eurodeputat Ramon Tremosa diguèt qu’al Parlament Europèu i aviá fòrça deputats interessats per l’afar al nivèl individual. E mai, eles trabalharàn per que durant la Conferéncia dels Presidents de la cambra se faga un debat sul subjècte, coma se passèt après lo referendum del 1r d’octòbre.
 
 
 

 
 
         
        
    
fffff fffff
 L’ÒNU a acceptat la peticion de Puigdemont

Lo Comitat de Dreches Umans de l’ÒNU a acceptat la peticion del president de la Generalitat, Carles Puigdemont, per la violacion de sos dreches politics dins l’estat espanhòl. La decision de l’ÒNU s’apond al jutjament de la setmana passada sul deputat de Jordi Sànchez qu'exigissiá a l’estat espanhòla que li los garantisca tanben.
 
   

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
8.

Be, per l'ONU, ara falta que el falangistes n'aprenguin, ja que son tan curts que mai aprenen res, van sempre a cop calent.
A veure si fan alguna cosa que sigui mínimament justa.
Visca la Terra...Lliure!
L'Ernest, "El Tàrrega".

  • 0
  • 0
francesc palma
7.

M'en oblidava, tamben s'hi han afegit a mai dels tres partits independentistas i Podem, per aprovar aquesta resolucion de La llibertat dels presos politics a l'Estat Espanyol, los sindicats CCOO i UGT. Aital lo llaç groc o jaune, ten cada cop mai de suport e de simpatizants. Cal se posar lo llacet jaune qu' amb los colors primaverals es plan polit.

  • 0
  • 0
francesc palma
6.

Lo Parlament ha aprovat la defensa dels presoners politics e sa posada en libertat, amb los votes dels partits independentistas e Podem. Amb los vots de Podem es podrà formar un govern per aliberar los presos politics, per negociar una melhora de las competencias de la Generalitat e per llevar lo 155, amb un president d'ERC.

  • 1
  • 0
Pirolet
5.

#3 L'istòria fa pas res; l'istòria la fasèm.

Lo climat "seré i esperançador" sabèm çò que vòl dire:
-seré: los catalans se calan;
-esperançador: que desaparescan.
Terré! Tot un ambient franquista!

Ja o cantava La Trinca per allusions dins "El Far West", amb lo general "Franc Custer":

"(els indis i els catalans)
quan es rifen garrotades
tenen tots els bitllets."

Se sap que i a de mond per los qu'un bon indian es un indian mòrt. Parièr pels catalans e per nosautres, e d'autres encara: cèrcan de tuar la lenga e la cultura catalana e l'occitana e la còrsa (veire nòva de uèi). E un catalan, un occitan, un còrs... sens lenga e sens cultura son mòrts.

Mas i comença d'aver de reaccions contra la repression borbonica. La quitta tanta de la reina, dòna Henar ORTIZ, republicana de tria, demanda la libertat dels presonièrs politics e a ajustat un nos jaune a son compte Fiulet ("Twitter"). Òsca, dòna Henar!

  • 3
  • 0
guaitánd lo mond pp.cc.
4.

CARLES , S´ACOSTA LO JORN DE LA LLIBERTAT DE LA FUTURA REPUBLICA CATALANA, ES QUESTIO DE TEMPS CURT O LLONG, PRO IMPARABLE.

  • 6
  • 0

Escriu un comentari sus aqueste article