Cal plan insistir sus l’importància del temps pascal en Super League e Championship amb sas quatre partidas de jogar en 15 jorns: un moment clau de la sason.
Dragons: espinas lo Divendres Sant, meleta per Pasquetas
Pels Dragons Catalans, divendres, lo viatge a Salford semblèt a tantas autras partidas d’aquesta sason amb una novèla e amarganta desfaita 36-12.
Diluns, a Brutus, fàcia a Huddersfield, lo primièr temps foguèt equilibrat (6-4 pels angleses a la pausa), mas los catalans marcavan tre lo retorn sus la pelena e se lançavan a l’ofensiva per marcar tres ensages de mai e ganhar largament 27-6. Ara, demòra d’esperar qu’aqueste retorn de flamba siá pas un fuòc de palha. Dissabte, es un adversari d’un tot autre calibre que vendrà a Brutus: Wigan.
Venquèron divendres e diluns: lo primièr del classament, St Helens contra Wigan 21-18 divendres, puèi 28 a 6 a Widnes diluns; Hull FC: lo classic dèrbi contra Hull KR de divendres 30-22 e contra Wakefield 27-26 diluns; Warrington: 32-18 contra Widnes divendres, 18-6 a Castleford diluns.
Tolosa: divendres que ritz e diluns que plora
En Championship, divendres, Tolosa s’entornèt plan content de Londres amb una victòria bèla: 36-16. Per contra, aqueste diluns a Blanhac, finiguèron a dos punts dels vesitaires canadians de Toronto: desfaita 24-22. Aquela victòria installa los canadians a la primièra plaça.
La Copa quitarà Carcassona
La Copa Lòrd-Derby jogava sos quarts de finala aquesta dimenjada.
Dissabte, Vilagalhenc-Argon afrontava Albi. Se vegèt pas una granda diferéncia dins lo jòc de las 2 formacions alara que lo VARL jòga en Elèit 2 e Albi en Elèit 1. A dètz minutas de la fin, los locals menavan 20-18, mas fin finala Albi se qualifica 28-20.
A Carcassona, lo revenge de la finala de l’an passat foguèt nharrut. A las iniciativas localas, Lesinhan opausèt un jòc tampat a una passa, mai destruseire que constructiu, que finiguèt que trauquèt las muralhas de Ciutat: 10-8 pel FCL.
Dimenge, Limós saupèt gardar sas distàncias amb Palau: 30-18. Diluns, a Brutus, los Dragonets corrissián tròp lèu per Avinhon: los paures bisons se faguèron manjar coma d'anhèls 50-12 pels catalans. Las mièjas finalas, tiradas al sòrt lo 11 d’abril de matin sus France 3 Sud, se jogaràn la primièra dimenjada de mai, alara que la finala es programada pel dimenge 10 de junh a Brutus.
En cap d’aficha de la jornada del campionat qu’arriba: la confrontacion aqueste dimenge 8 d’abril a l’Agulha entre Limós e Carcassona.
NRL: doas formacions a 4 victòrias
En Austràlia, aprèp 4 jornadas de competicion, doas esquipas an ganhat las 4 partidas: los Dragons de Sant Jòrdi-Illawarra e los Combatents neozelandeses. Uèit esquipas an doas victòrias e doas desfaitas. Al contra, los Raiders e Parramatta an perduts los 4 rescontres jogats.
Alan Roch
Dragons: espinas lo Divendres Sant, meleta per Pasquetas
Pels Dragons Catalans, divendres, lo viatge a Salford semblèt a tantas autras partidas d’aquesta sason amb una novèla e amarganta desfaita 36-12.
Diluns, a Brutus, fàcia a Huddersfield, lo primièr temps foguèt equilibrat (6-4 pels angleses a la pausa), mas los catalans marcavan tre lo retorn sus la pelena e se lançavan a l’ofensiva per marcar tres ensages de mai e ganhar largament 27-6. Ara, demòra d’esperar qu’aqueste retorn de flamba siá pas un fuòc de palha. Dissabte, es un adversari d’un tot autre calibre que vendrà a Brutus: Wigan.
Venquèron divendres e diluns: lo primièr del classament, St Helens contra Wigan 21-18 divendres, puèi 28 a 6 a Widnes diluns; Hull FC: lo classic dèrbi contra Hull KR de divendres 30-22 e contra Wakefield 27-26 diluns; Warrington: 32-18 contra Widnes divendres, 18-6 a Castleford diluns.
Tolosa: divendres que ritz e diluns que plora
En Championship, divendres, Tolosa s’entornèt plan content de Londres amb una victòria bèla: 36-16. Per contra, aqueste diluns a Blanhac, finiguèron a dos punts dels vesitaires canadians de Toronto: desfaita 24-22. Aquela victòria installa los canadians a la primièra plaça.
La Copa quitarà Carcassona
La Copa Lòrd-Derby jogava sos quarts de finala aquesta dimenjada.
Dissabte, Vilagalhenc-Argon afrontava Albi. Se vegèt pas una granda diferéncia dins lo jòc de las 2 formacions alara que lo VARL jòga en Elèit 2 e Albi en Elèit 1. A dètz minutas de la fin, los locals menavan 20-18, mas fin finala Albi se qualifica 28-20.
A Carcassona, lo revenge de la finala de l’an passat foguèt nharrut. A las iniciativas localas, Lesinhan opausèt un jòc tampat a una passa, mai destruseire que constructiu, que finiguèt que trauquèt las muralhas de Ciutat: 10-8 pel FCL.
Dimenge, Limós saupèt gardar sas distàncias amb Palau: 30-18. Diluns, a Brutus, los Dragonets corrissián tròp lèu per Avinhon: los paures bisons se faguèron manjar coma d'anhèls 50-12 pels catalans. Las mièjas finalas, tiradas al sòrt lo 11 d’abril de matin sus France 3 Sud, se jogaràn la primièra dimenjada de mai, alara que la finala es programada pel dimenge 10 de junh a Brutus.
En cap d’aficha de la jornada del campionat qu’arriba: la confrontacion aqueste dimenge 8 d’abril a l’Agulha entre Limós e Carcassona.
NRL: doas formacions a 4 victòrias
En Austràlia, aprèp 4 jornadas de competicion, doas esquipas an ganhat las 4 partidas: los Dragons de Sant Jòrdi-Illawarra e los Combatents neozelandeses. Uèit esquipas an doas victòrias e doas desfaitas. Al contra, los Raiders e Parramatta an perduts los 4 rescontres jogats.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que siague pas una parpèla d'agaça, macaniu!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari