Bandièra01 1180x150: Comuna de Tolosa

Actualitats

Dilma Rousseff demanda la solidaritat internacionala amb Lula da Silva

Segon l’èx-presidenta, “la democracia es Brasil es en perilh” a causa del “còp d’estat parlamentari” que desboquèt sus son impeachment

“Nos cal la solidaritat internacionala”, çò diguèt Rousseff a Madrid diluns passat ont participèt d’un collòqui
“Nos cal la solidaritat internacionala”, çò diguèt Rousseff a Madrid diluns passat ont participèt d’un collòqui | EFE

L’èx-presidenta de Brasil, Dilma Rousseff, a demandat la solidaritat internacionala amb son predecessor e mentòr politic, Luiz Inácio Lula da Silva, encarcerat per blanquiment de fonzes e corrupcion, d’acusacions qu’ el a totjorn rebutadas en disent qu’es victima d’una “persecucion politica”.

 

“Nos fa mestièr la solidaritat internacionala”, çò diguèt Rousseff a Madrid diluns passat, dins un collòqui al qual participèt. Rousseff, que foguèt destituida pel Senat en 2015 dins una operacion escuraont la drecha prenguèt lo poder sul país. Segon l’èx-presidenta, “la democracia en Brasil es en perilh” a causa del “còp d’estat parlamentari” que desboquèt sus son impeachment, çò que donèt lo poder al conservator Michel Temer.

 

De fach, Lula da Silva es una figura emblematica de l’esquèrra de l’America latina. Foguèt president de Brasil entre 2003 e 2011. Segon los sondatges, èra a mand de ganhar amplament las eleccions de Brasil en octòbre que ven. 

 

Ansin, Rousseff afortiguèt que lo Partit dels Trabalhadors manteniá “la candidatura de Lula” en aquelas eleccions e  que luchariá “dins totas las instàncias juridicas per que Lula ne foguèsse lo candidat”.

 

Per ara, lo procès contra Lula da Silva es estat mes en question per 122 juristasque publiquèron un libre de 101 capítols ont se soslinha de decisions arbitràrias e d’errors juridicas dins la condemna de l’èx-president de Brasil.


 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

E Passa Que T Ai Vist Lo Clapas ( Montpelhier)
1.

Lo problema amb aqueles politicians brasilencs es que la topina de confetura i an totis pegats los dets. Coma al nostre, es un cop que se fan agantar que cridan a l'abus de poder, al cop d'estat amagat e al malordit diabolic de sos rivals politics . Emai un govern d'esquerra foguesse mai simpatic, cal reconeisser que question embolhas de moneda la Rousseff es pas mai inocenta que l'actual Temer o lo brave Lula. Coma o-disia amb un somriu carnassier lo Mitterrand "le pouvoir corrompt". Res novis sub sole.

  • 7
  • 0

Escriu un comentari sus aqueste article