Bandièra01 1180x150: Comuna de Tolosa

Actualitats

Los caribs èran pas de canibals

Es un exemple de mai de cossí l’istòria a d’èsser rescricha

Las cronicas europèas del sègle XVI afirman que quora Colomb arribèt a divèrsas illas de la mar Cariba pendent sos darrièrs viatges de descobèrta, i poguèron pas desbarcar perque los caribs los ataquèron. Los caribas èran, segon aquelas cronicas, de canibals, crusèls e brutals. Ara una còla arqueologica assolida qu’aquel agach correspondiá pas a la realitat.
 
Es un exemple de mai de cossí l’istòria a d’èsser rescricha. E l’arqueologia pòt ajudar a cambiar lo vejaire qu’avèm agut sus cèrtas nacions ancianas. Los caribs ne serián una d’aquelas. Segon una còla de cercaires dins l’illa d’Antigua, la vision qu’aqueles nadius americans èran de canibals es un ponch de vista “especulatiu e marrit” que cal cambiar.
 
Lo sit arqueològic se tròba a Indian Creek, a Antigua, e ara una còla arqueologica qu’a Reg Murphy per director assaja de descobrir cossí viviá aquela anciana nacion americana. E las trobalhas confirman pas que foguèron de canibals.
 
Atal, l’informacion de l’epòca parla dels primièrs habitants de l’illa, los arawaks, exterminats en l’an 1300 per los caribs —de crusèls canibals— e assolida qu’aquestes foguèron a l’encòp desplaçats per los primièrs colons europèus qu’arribèron a Antigua entre los sègles XVI e XVII.
 
 
Un vejaire etnocentrista
 
Segon la còla scientifica de las universitats de Brooklin e Siracusa, l’agach qu’avèm encara uèi de la nacion cariba es basada sus de marridas descripcions d’aqueles amerindians coma de canibals. “Mas ara cal tornar examinar nòstra vision d’aquela nacion  ™çò diguèt Murphy— pr’amor qu’avèm pas rescontrat cap d’evidéncia que los caribas mangèsson d’umans”.
 
Lo sit arqueologic es ric en espleches de l’epòca entre los ans 200 e 600 de nòstra èra. E aquò pòt donar de fòrça a un nòu agach sus los caribs. “Tot çò que sabèm sus los caribs —çò apondèt Murphy— es arribat fins a nosautres a travèrs de las cronicas europèas de l’epòca. E benlèu èran marridas”.
 
Malgrat qu’Indian Creek ja foguèsse estudiat en 1960, la còla que faguèt las excavacions aviá pas la tecnologia modèrna d’uèi: d’imatges aerians, d’estudis electronics e de microscòpis d’electrons. En 1960, estudièron solament quora èran pervenguts a Antigua los caribs —çò soslinhèt Murphy—. Nosautres estudiam, a mai, las rèstas de manjar, las gents, lor tecnologia e lor santat”.
 
Pasmens, l’estudi del peis o de granas comença de cambiar aquela vision. Carlyn Valmond, de la còla qu’estúdia aquel sit e cariba ela meteissa,  confirmèt lor dièta: “Jamai non ai cregut a l’istòria que los caribs èran de canibals. Aviam totjorn sauput que manjavan de mollusques e de peis, pas d’umans”.(Legissètz la seguida).




 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.





abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
2.

Los caribs èran canibals coma Macron èra d'esquèrra e l'occitan un "patois": la falsièra cambia pas.

  • 1
  • 0
C.
1.

Caribes, Caraíbes, Canibes, Canibals, los Europeans sonan atau los pòbles descoberts a la "Còsta Fèrma" au nòrd de Brasiu . Tots aqueths pòbles de la seuva amazoniana, aus sègles 15 e 16 son a s'espandir de cap au nòrd en las islas de las Antilhas (= ante Islas , = las islas du costat opausat, de l'aute costat de la Mar Gran.
Quan i arriban los Espanhòus, aqueths pòbles ja an conquistat las Antilhas Pichonas au detriment deus Arawaks pòbles d'agricultors. E guerrejaires son a conquistar las islas màger de las Antilhas .

Se son "antropofages" ? ? ? Non pas au sens de minjar carn umana , atau !
... S'aquò existiva (?), pòt aver un significacion religiosa, rituala , simbolica ... (Los quites crestians disen minjar simbolicament lo còs deu Crist e ne béver la sang... )
Complicat, hòrt complicat , de saber ... Los Europeans disen " los Arawaks los "contèren que..." , mès qué comprenèvan a la lenga deus Arawaks ? Èran acompanhats per interprèts de turc e d'arabe ! !
Lo quite Colomb ditz que vesut menas de gardalas damb òs umans dedins.... (? ? ?), mès bèth temps que los Europeans pensavan que aus estrems deu monde vivèvan pòbles mei qu'estranhs ! Per eths los Caribes/Canibes son "sauvatges" > > "antropofages". Ja ic disèvan , parièr, deus pòbles descoberts au Brasiu.
Los Europeans, tan ne son convinçuts que "Canibal" (nom d'un pòble) cambièt de significacion : >> =
antropofages !

  • 1
  • 0

Escriu un comentari sus aqueste article