Bandièra01 1180x150: Comuna de Tolosa

Actualitats

Primièr examen preüniversitari en occitan

E mai se l’occitan es lenga oficiala en Catalonha tota dempuèi 2006, es lo primièr còp que se revendica aquel drech e se n’es fòrça parlat dins los rets socials

Per primièr còp dins l’istòria se farà un examen d’accès a l’universitat en occitan. Una escolana aranesa a exigit de far son examen dins sa lenga, puèi qu’es oficiala en Catalonha. Li dison Lourdes Bruna, a seguit los estudis del bachelierat francés a Vielha e farà deman sos examens preüniversitaris de matematicas e de fisica en occitan a Lhèida. “Jo les vau a hèr en aranés encara que non me les corregisquen, perque pensi que sò en mèn dret ja qu’ei lengua oficiau en Catalonha, e ath delà jo m’exprimissi melhor en aranés”, çò a declarat a Bruna TV3.
 
Malgrat que l’occitan siá lenga oficiala en Catalonha tota dempuèi 2006, es lo primièr còp que se revendica aquel drech, que se n’es fòrça parlat dins los rets socials.
 
Bruna faguèt son trabalh de recèrca en occitan e alavetz decidiguèt de revendicar sos dreches lingüistics a l’ora de far sos examens. Lo Sindic d’Aran, Carlos Barrera, li a ofèrt l’ajuda de dos lingüistas per las correccions dels examens. E mai a exigit que los enonciats dels examens sián desenant totjorn en aranés.
 
 
 
 

 
 

 
 

 
 

 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Hilhòc
3.

#2 adiu, acì qu'ei impossible l'occitan, nada lenga lhevat lo francés, n'ei pas oficiau. Tots çò oficiau que deu estar en francés sonque.

  • 4
  • 0
cataloccitá cataloccitania
2.

UN PRECEDENT DE SUMA IMPORTANCIA PELS DRETS DER OCCITA. UN EXEMPLE PER FRANÇA. ESPERO QUE ELS OCCITANS SABRAN RECLAMAR ELS SEUS DRETS LINGUISTICS A FRANÇA.

  • 7
  • 1
Pirolet
1.

Òsca per l'estudianta! Òsca per los que li permeton de passar l'exàmen en òc!
E ne cal profeitar per marcar un precedent, abans que lo Pedro Sanchez li còpe la lenga! Que per lo ministre Borrell, es encara una agression a la "convivencia" a la castelhana. Ja qu'a dich qu'en Catalonha son al bòrd de la guèrra civila. Contunha amb son idèa que cal "netejar Catalonha" aquel arlèri.

  • 17
  • 0

Escriu un comentari sus aqueste article