Bandièra01 1180x150: Comuna de Tolosa

Actualitats

Corsega: cap a l’immersion dins l'ensenhament public amb Aprene e Calandreta

La necessitat de l’immersion camina plan dins los esperits e aquò se verifica ara en Corsega

Los estagiaris còrses amb los formators occitans
Los estagiaris còrses amb los formators occitans
L’annada 2018-2019 marcarà lo lançament de classas publicas en immersion lingüistica dins la lenga del país en Corsega. Aquela revolucion prendrà la forma de dispositius experimentals. L’enjòc es pro bèl pels defensors de la lenga còrsa, e lor enveja de ben capitar lo lançament de l’aventura los menèt a pausar una demanda formala de formacion al prèp de l’Establiment d’Ensenhament Superior Aprene.
 
Reconegut coma un actor màger en matèria d’immersion, lo centre de formacion de las Calandretas, que festejaràn l’an venent 40 ans d’immersion, teniá a respondre a la demanda que va afortir definitivament los ligams entre Corsega e Occitània en matèria d’ensenhament en immersion e de formacion dels regents.
 
La formacion comencèt dimècres e s’acaba uèi, 29 de junh, Ghisonaccia, que serà un dels primièrs sits immersius publics. Son dos tutors ajudaires d’Aprene , Annia Pla e Joan Francés Albert, que prepausan als actors que van seguir e portar lo projècte de las classas immersivas un programa que correspond a las demandas pausadas per  Patrick Salvatorini, IEN, e Hyacinthe Ottaviani, IA IPR.
 
Durant aquestas jornadas de trabalh, an estudiat l’argumentari necessari per poder justificar l’immersion, las estrategias per la reüssir en classa, lo seguiment dels mainatges, l’avaloracion de la situacion immersiva o encara las publicacions que devon enriquir las practicas dins las classas.
 
Lo public designat compren los 9 conselhièrs pedagogics en lenga còrsa, un IEN, un IA IPR e los regents volontaris per lançar l’aventura de l’immersion. Aquel temps fòrt per Aprene lança un novèl temps de collaboracion entre doas entitats que vòlon escriure qualques novèlas paginas de la granda aventura de l’immersion.
 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo Jaumet
1.

Tras que sanitos de veire qu'existissan de contra-poders al centralislm cultural rodel-compressaire parisencàs-macronistàs coma APRENE. Seran lo grum de sabla dins la maquinassa jacobina. Osca garris d'APRENE !

  • 6
  • 0

Escriu un comentari sus aqueste article