Bandièra01 1180x150: Comuna de Tolosa

Actualitats

Pampalona: las fèstas an començat amb un fum de revendicacions

De centenats de personas an protestat pr’amor de la situacion de Catalonha e del Bascoat, dels presonièrs politics e de las agressions sexistas

| Jagoba Manterola / Foku
Las fèstas de Pampalona (Bascoat) son de las mai conegudas de la planeta. Començan cada an lo 7 de julhet, a l’ocasion de Sant Firmin, e atrason de vesitaires de tota la planeta. E mai l’inauguracion de la fèsta siá totjorn revendicativa, ongan las revendicacions son estadas màgers, mai que mai de solidaritat amb lo pòble de Catalonha e Aran, amb los presonièrs politics e amb los joves d’Altsasu encarcerats per una bagarra de bar amb de policièrs espanhòls.
 
 
Manifestacion feminista “La paur cambiarà de camp”
 
De mençonar sustot, las protèstas per mostrar l’indignacion après una senténcia masclista a prepaus d’una gojata violada per cinc òmes durant las fèstas de Pampalona en 2016. Los jutges an condemnat los cinc òmes per abús sexual mas non pas per viòl, car la joventa violada auriá pas mostrat de resisténcia. E mai, son meses en libertat condicionala. Demest los assalhidors i a un agent de la Gàrdia Civila qu’a ensajat de renovelar son passapòrt en contravenent a las règlas de la libertat condicionala.
 
Qualques oras après lo començament de la fèsta, qualques centenats de femnas, vestidas de negre e amb de tesas a la man, manifestèron per las carrièras de la capitala navarresa. Indignadas contra las agressions sexualas, las manifestantas afirmavan que “la paur cambiariá de camp” per fin que foguèsson los agressors que la patiguèsson.

 
 

 

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
4.

Ah, i que si un dia elles ens volen fer el mateix a veure que direu, però tindrien tot el dret de fer-ho?
Contesteu-ho.
Els que els fan això son uns...
Visca la Terra...Lliure!
L'Ernest, "El Tàrrega".

  • 0
  • 0
"Tàrrega" Igualada (PP.CC.)
3.

Francesc ets una mica... en fi ja es veu.
Tot el suport a les noies i dones per les seves lluites per aconseguir quelcom que sembla impossible, que desapareixin, els mascles i vinguin els homes de be, vaja que no es cap feblesa defensar les dones i comportar-se amb elles

  • 0
  • 0
francesc palma
2.

Non se sabia pas se era una desfilada de la Santa Inquisicion que anavan a cremar als homes o un chou porno com las festas gais.

  • 0
  • 0
francesc palma
1.

Las adolescents se manifestaren vestidetas de negre, desfilant amb tambors e torxas, tot un chou. Lo que me tranquil·liza es que no hi havia homes joves fent de comparsa. Perquè se pot ser paures, mas paures e beneits, non.

  • 0
  • 2

Escriu un comentari sus aqueste article