Bandièra01 1180x150: Comuna de Tolosa

Actualitats

La justícia alemanda a rebutat la procedura espanhòla contra los independentistas catalans

La justícia alemanda accèpta l'extradicion de Carles Puigdemont solament per malversacion de fonzes, mas insistís sul fach que pòt pas èsser jutjat per rebellion, perque es un delicte "inadmissible"

Carles Puigdemont
Carles Puigdemont
La cort de justícia de Slesvig-Holstein decidiguèt ièr d'acceptar la demanda de la justícia espanhòla contra lo president de la Generalitat de Catalonha en exili, Carles Puigdemont, mas solament per un delicte de malversacion de fonzes publics. Es a dire que lo tribunal refusa categoricament l'acusacion de rebellion que  la demandava lo jutge espanhòl Pablo Llarena. De fach, lo ministèri public alemand considèra "inadmissible" aquel delicte .
 
Aquel fach significa una revirada judiciària dins la procedura contra los dirigents independentistas catalans, car pel primièr còp, un tribunal europèu a refusat de tot en tot que lo govèrn de la Generalitat aja comés un delicte de rebellion.
 
Per ara, Puigdemont restarà en Alemanha en libertat fins que se resòlga lo recors qu'an presentat sos avocats. La justícia alemanda a agut de besonh de mai de temps que los 90 jorns establits, pr'amor que lo jutge espanhòl quitèt pas de mandar de documentacion sus l'afar.
 
 
La justícia alemanda refusa l'acusacion de rebellion
 
Los jutges alemands an argumentat que durant lo referendum del 1r d'octòbre passat i aguèt pas lo nivèl de violéncia que la justícia espanhòla pretendiá. D'un latz, perque Catalonha se separèt pas formalament d'Espanha, e de l'autre perque "d’acòrdi amb la volontat de l'acusat Puigdemont, lo referendum èra solament lo preludi a mai de negociacions". Per quant a las violéncias policièras durant lo vòte, los jutges parlan d'afrontaments dels votants amb la polícia espanhòla e la Gàrdia Civila mas "arribèt pas a una dimension tala que poguèsse metre en perilh l'òrdre constitucional espanhòl".
 
En mai d'aquò, la cort a tanben considerat que se pòt pas acusar Puigdemont de rompre l'òrdre public, car agiguèt pas coma organizaire d'eveniments violents. "Èra pas lo cas de l'acusat Puigdemont. Sa soleta preocupacion èra lo referendum. Foguèt pas el lo «cap esperital» de la violéncia".
 
 
Revirada per la justícia espahòla
 
Los jutges alemands an remembrat qu’en cas que l'extradicion de Puigdemont se formalize, aqueste poirà solament èsser jutjat per malversacion de fonzes publics. Sonque per aqueste delicte e pas cap d'autre. Precisan: "Lo tribunal considèra que los tribunals espanhòls respectaràn aqueste principi e que jutjaràn pas l'acusat Puigdemont per las cargas de corrupcion e rebellion après l'extradicion".
 
Aquò supausa una revirada per la justícia espanhòla. Pel moment, Soïssa aviá decidit que respondriá pas a cap de mandat d'arrèst contra Anna Gabriel e Marta Rovira, exiliadas dins aquel país, perque considerava que s'agissiá d'un afar politic. E Belgica, de son costat, aviá refusat d'entreprene d'accions judiciàrias contra Puigdemont e sos conselhièrs exiliats aquí pr'amor que lo mandat espanhòl èra mal formulat. Mas çò que ven de far Alemanha tresvira completament l'afar.
 
Çò qu'Alemanha ditz a Espanha es que i a pas cap de delicte de rebellion ni mai de sedicion, e que se Puigdemont es liurat a las autoritats espanhòlas poirà pas èsser jutjat de cap de biais per rebellion ni per sedicion, mas solament per malversacion. Aquò vòl dire que tota la procedura contra los elegits catalans e los presidents de las associacions independentistas se’n tròba cancelada. Se la justícia espanhòla pòt pas jutjar Puigdemont per rebellion ni sedicion, deu anullar las autras proceduras per la meteissa causa qu'a menat a l'existéncia de presonièrs politics catalans.
 
 
Torra exigís la liberacion immediata dels presonièrs politics
 
Atal o comprenguèt sul pic l’actual president de la Generalitat, Quim Torra, que coneguèt l'informacion mentre qu'èra a la preson de Lledoners a vesitar de presonièrs politics. "Qu’espèra Espanha per metre en libertat los presonièrs politics se i a pas rebellion?", se demandava Torra. "Uèi mai que jamai es una injustícia e una indecéncia enòrma" que sián encarcerats car "i a pas de rebellion". "Quatre païses en Euròpa son a jutjar de biais determinat e Espanha encara pretend de jutjar d'un autre. Qual es lo qu'a un problema? La justícia espanhòla o quatre païses europèus? Per tant, Espanha, pren en consideracion çò que s'es passat en Alemanha e agís en consequéncia", çò precisèt en tot apondre que "l'estat espanhòl a bastit un recit fictiu que pendent totes aquestes meses a provocat tant de dolor a eles e a lors familhas e al pòble de Catalonha e que s’i deu metre fin".
 
 

 
 
Puigdemont: "Avèm vencut la messorga de l'estat"
 
Quant a Puigdemont, tanlèu conéisser la decision de la justícia alemanda, publiquèt sa reaccion sus Twitter: "Avèm vencut la principala messorga sostenguda per l'Estat. La justícia alemanda rebuta que lo referendum del 1r d'octòbre foguèsse rebellion. Cada minuta que nòstres collègas passan en preson es una minuta de vergonha e d'injustícia. Lucharem fins a la fin, e ganharem!", çò diguèt.
 

Lo PP demanda qu’Espanha abandone l'espaci Schengen

Lo president del govèrn espanhòl, lo socialista Pedro Sánchez, a reagit en disent que los acusats “los devon jutjar los tribunals espanhòls” e a assolidat qu’Espanha es “un estat democratic e de drech”. E mai Sánchez a insistit sul fach qu'el respècta las decisions de la justícia sens las comentar.

Quant al Partit Popular, ara dins l’oposicion, a exigit del govèrn espanhòl qu’Espanha abandone l'espaci Schengen: segon lo partit conservator espanhòl, lo mandat d’arrèst europèu “non fonciona pas”, e los jutges alemands  ”an de prejutjats”.

 





abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
12.

Be, arrivats aquí, només toca dir: Visca la Terra...Lliure! I fora el mal govern, també el dels jutges ispans-
Europa no està tan en out com sembla.
L'Ernest, "El Tàrrega".

  • 2
  • 0
carles paisos valencians
11.

#10

eren vàlides eixes urnes? l'independentisme va forçar la situació, on milers de catalans després es manifestarien en contra ia favor de ROMANDRE A ESPANYA.
de totes maneres la societat catalana està dividida. socialment ha guanyat el constitucionalisme, però governa l'independestisme amb majoria ... quines contradiccions!!!!!

et convide a llegir, CAL LLEGIR I ASSABENTAR-SE DE LA SITUACIÓ, (NO LLISGUES NOMÈS AVUI O ARA O TV3) un interessant article sobre Borrell i catalunya (ell és 100% català) en llengua catalana al diari el pais ... entendràs moltes coses
"El ministre d'Exteriors reclama "racionalitzar el debat perquè les emocions no es desbordin"
En un altre moment Borrell ha assegurat que "el Govern no deixarà que s'exerceixi l'anomenat dret a l'autodeterminació", perquè considera que no existeix, en contra del que reclama l'independentisme. "Deixin de dir que el dret internacional dona suport al dret a l'autodeterminació, perquè no és cert. Es pot estar a favor del dret d'autodeterminació, però no amb arguments falsos", ha insistit.

https://cat.elpais.com/cat/2018/07/15/catalunya/1531655751_003255.html

Borrell rechaza la autodeterminación y la “superioridad moral” independentista (La vanguardia diari de catalunya) MOLT INTERESSANT, BORRELL desmonta les falses teories dels indepes ...

està en l lengua castellana, si no ho entens amb el traductor pots fer la traducció a la llengua valenciana si aixina ho entens millor


“El señor Torra quiere el derecho de autodeterminación argumentando que está en todo el mundo; Sánchez ya le ha dicho que no”

De hecho, “ni en Canadá ni en Escocia está reconocido el derecho a la autodeterminación”, ha aseverado, a pesar de los respectivos referéndums llevados a cabo, porque “si es un derecho, no hay que pedir permiso” para ejercerlo, mientras que “si me tienen que dar permiso es que no tengo derecho, sino que es una concesión”, ha sostenido.

Por eso, ha dicho que le “enfada mucho” cuando desde el independentismo se dice que los catalanes quieren o tiene ese derecho, porque “los catalanes son todos los ciudadanos de Catlaunya y se expresan de manera diferente”. De hecho, para Borrell, “Catalunya está dividida en dos”, de manera que “algunos quieren una cosa y otros otra”, pero “el problema es que los que quieren una cosa se han pronunciado con más fuerza” y “tienen mayoría parlamentaria”, pero “no mayoría social”, ha puntualizado.

  • 4
  • 2
Reinat TOSCANO LO VAU
10.

#9 L'1-O, toi podíon votar! Liurament!

  • 2
  • 0
carles paisos valencians
9.

#8

per això mateix, milers de catalans q sòn espanyols volen romandre en espanya, cal escoltar-los i donar-los la possibilitat de VOTAR sobre el llur futur

no ho creus?

  • 0
  • 2
Reinat TOSCANO LO VAU
8.

#7 Estranha idea de la democracia! La democracia non es que cadun augue cen que vòu! Es la possibilitat per toi de s'exprimir e de causir cen que la màger part vòu.

  • 2
  • 0

Escriu un comentari sus aqueste article