CAPÇALERA2: AMICS DE JORNALET

Jornalet, gaseta occitana d'informacions

Dimars, 14 d'agost

Actualitats

Dissabte, 29 de julhet de 2017, 03h00 Societat,Politica,Internacional

An arrestat lo vaissèl ultradrechista C-Star per trafec de personas

Transportavan 28 migrants de Sri Lanka devèrs Itàlia. Eles dison qu’èran de mond que seguisián un cors de navigacion


Comentaris 10 comentaris    
Marrit Flac Bon Plan bon Fabulós (3 vòtes)
carregant En cargar


Las autoritats turcochipriòtas an detengut al pòrt de Famagosta l’equipatge del vaissèl C-Star, de la còla nomenada Defend Europe consacrada a empedir los salvaments de migrants en Mediterranèa





Etiquetas
c-star, defend europe, xenofobia

Las autoritats turcochipriòtas an detengut al pòrt de Famagosta l’esquipatge de la nau C-Star, de la còla nomenada en anglés Defend Europe (Defend Euròpa) consagrada a empedir los salvaments de migrants en Mediterranèa. Dins lo vaissèl i an trobat 28 migrants dont la majoritat venon de Sri Lanka. Lo grop es compausat d’uèch membres d’esquipatge e del capitani que son acusats de trafec de personas.
 
Après far lor deposicion, las autoritats turcochipriòtas los an liberats per manca de pròvas, franc del proprietari de la nau qu’es estat menat al sud de l’illa per i tornar far una deposicion, çò rapòrta The Guardian.
 
Los refugiats qu’èran dins lo batèl dels ultradrechistas an dich qu’avián pagat quitament 10 000 èuros per que los menèsson devèrs Itàlia, e cinc d’eles dison qu’an demandat l’asil politic dins aquel país e i an pogut anar. D’autres quinze son estats remandats devèrs Sri Lanka.
 
 
Acusan las organizacions umanitàrias de trafegar amb las personas
 
La detencion dels membres de C-Star contrasta amb la tòca de Defend Europe, que lo grop francés Generacion Identitària ne fa partida. Aquela organizacion xenofòba nasquèt amb la tòca explicita d’empedir que las organizacion sumanitàrias salvèsson de migrats naufragats en Mediterranèa. Los acusan de “traficar amb de centenats de milièrs d’immigrants illegals en Euròpa e meton en perilh la seguretat e l’avenir del continent”. Defend Europe, qu’a amassat mai de 75 000 èuros per aquela tòca, considèra que las organizacions umanitàrias que secorron de refugiats en Mediterranèa son “responsables de la negada de milièrs d’africans”. Lo grop ultradrechista denóncia que las organizacions umanitàrias amassen de dons per trafegar amb de personas dins l’encastre d’un ret internacional. Per aquela rason ditz que farà “tot çò que poirà” per empachar “las activitats illegalas de las organizacions umanitàrias”. Mas ara lo grop C-Star es estat arrestat per trafec de personas.
 
 
Detenguts en Egipte
 
De fach es pas lo primièr episòdi escandalós del naviri C-Star. Lo 20 de julhet passat, foguèt detengut en Egipte per las autoritats del canal de Suèz, quand anava devèrs Catània (Sicília). Lo cònsol de Catània aviá avertit prèviament que voliá pas qu’aquel vaissèl amarrèsse dins son pòrt.
 
 
Fasián d’entraïnament de navigacion
 
En seguida de lor arrestacion al nòrd de Chipre, la còla ultradrechista a publicat un comunicat que ditz que vint dels refugiats que los transportavan dins lor vaissèl fasián un entraïnament de navigacion. Mas las organizacions umanitàrias los aurián corromputs amb de sòus per que demanden l’asil en Itàlia. Dins aquel sens, segon lo grop xenofòb, quinze migrants aurián refusat aquel argent e per aquela rason los aurián remandats.
 
Segon la polícia de la marina turcochipriòta, la nau ultradrechista a desactivat lo sistèma d’identificacion automatica e ara es pas pus localizabla.
 


 
 


abonar los amics de Jornalet
 



publicitat



Comentaris

30 de julhet 18.53h

#8
E puish, desaprovar lo contiengut d'un article qu'ei ua causa. Mes que's tròba au demiei deus legedors ua persona que pòsta messatges a la limita de la difamacion e de l'omofobia.


Valoriza aqueste comentari:   votar positiu 14   votar negatiu 1
Respondre comentari replica Comentari inadeqüat   Formulari d'abús de comentari

30 de julhet 18.40h

#8
Ne m'adressaví pas a vos, mes a uns legedors qu'an besonh de lutar contre un enemic fantasmat entad aver ua rason de víver.
Après cadun que pòt trobar quauquarren de bon léger en çò deu Jornalet.


Valoriza aqueste comentari:   votar positiu 14   votar negatiu 1
Respondre comentari replica Comentari inadeqüat   Formulari d'abús de comentari

30 de julhet 17.49h

Aquel escambi de comentaris senhala una particularitat. La premsa occitana es estequida... mas en linha, quotidiana e gratuita, o es encara mai ; mercé donc, e mila còps mercé, a los que fan viure Jornalet.
Pasmens e çaquelà, ni pel plaser de legir la lenga nòstra, la linha editoriala d'aquela gaseta espanhòla, catalanista e esquerrista, lassa bravament e ne fas un sadol. Mas qué volètz... cal pas tròp far los refastinhoses.
E donc lo divòrci es quotidian, e tot còp vesedor, en... Legir mai


Valoriza aqueste comentari:   votar positiu 5   votar negatiu 5
Respondre comentari replica Comentari inadeqüat   Formulari d'abús de comentari

30 de julhet 17.24h

#3 : Que pensi lo xenophon que's passeja peu siti deu Jornalet per'mor n'i a pas gran causa a léger suus sitis de National Hebdo o de Sens Commun per aquestes torns.
E puish, lo plasér de har cagar lo monde...


Valoriza aqueste comentari:   votar positiu 18   votar negatiu 1
Respondre comentari replica Comentari inadeqüat   Formulari d'abús de comentari

30 de julhet 14.41h

#1 Mon bon Xenofon-Comtessa-de-Dia-Samosate-Pessalmezzo aqueles pichons neò-fascistas te dònan una jovença nòva qu'as pus gaire dempuèi un brave temps. T'aconsèlham de los anar rejoinher lèu-lèu en Miegterrana per los ajudar plen de vòia a faire son trabalh d'escana-metècas e de mata-mòros. E qui sap, benlèu qu'aquò te farà tornar joine, bèl, en bona santat amb totes tos cabèls, seissanta quilòs en mens e un sex-appeal de pas creire amb li chatonas. Es tot lo mal que te sove... Legir mai


Valoriza aqueste comentari:   votar positiu 19   votar negatiu 4
Respondre comentari replica Comentari inadeqüat   Formulari d'abús de comentari

29 de julhet 13.26h

#3 ieu pensi qu'aquel òme pren un plaser terrible a se far de mal en tot legir las darrièras trobalhas de l'islamiesquerroccitanormativisme de Jornalet e ne pren un encara mai grand dins lo trollisme identitari fàcia al qual la melhora atitud es totjorn : DFT (don't feed the troll)


Valoriza aqueste comentari:   votar positiu 16   votar negatiu 2
Respondre comentari replica Comentari inadeqüat   Formulari d'abús de comentari

29 de julhet 11.06h

#3 Per ma fé saria pas escrich en occitan vendriai pas ! La trilogia LGBT, FARC, CURDS plan estropat dins lo topin de la çò dicha benpensansa d'ultra esquèrra me ven plan fastigós e segurament es pas aquò que representa tanpauc la majoritat del pòble occitan...
Alavetz legissi qualques còps qualques articles et n'i a pron..e es sonque per lo plaser de legir dins ma lenga.. segur que durarà pas qu'un temps!


Valoriza aqueste comentari:   votar positiu 6   votar negatiu 4
Respondre comentari replica Comentari inadeqüat   Formulari d'abús de comentari

29 de julhet 10.36h

#1 Me damande sovent la rason que vos fai contunhar legir tots los jorns un jornau que vesiblament sa linha editoriala vos fai tant orror...


Valoriza aqueste comentari:   votar positiu 14   votar negatiu 2
Respondre comentari replica Comentari inadeqüat   Formulari d'abús de comentari

29 de julhet 08.33h

#1 Díser que "Defend Europe" , de la quala "Génération Identitaire" es sòci, es una organizacion de dreta extrèma es pas una vision, me sembla evident. Après, se lo títou "dreta extrèma" es pesuc de portar, de qué i podèm ? Es a eths d'assumir.


Valoriza aqueste comentari:   votar positiu 9   votar negatiu 2
Respondre comentari replica Comentari inadeqüat   Formulari d'abús de comentari

29 de julhet 06.30h

un pauc neblos aquest afaire e demandariá d'investigacions, per lo jornalet, que vol una emigracion massissa e incontralada, son eroi li dison leis ONG que secorron lei migrants naufrajats e de gus coma aqueu de Roya que favorizan son entrada ilegala en Europa, aquelas organizacions umanitàrias travalhan vesiblament amb lei traficants de persona, que gràcia an eli prevenon lei veissèus de marina d'anar lei secorrer e li auriá un naviri ultra-drechistas que fariá parier, arrestat , puei r... Legir mai


Valoriza aqueste comentari:   votar positiu 5   votar negatiu 22
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Nos daissarem pas tòrcer

O aviam dich e o tornarem dire se cal: la societat occitana es anestesiada per la cultura de la subvencion. Dependre en excès de las ajudas publicas a un efièch pervèrs, perque un ...
giny

Lo temps

Mapa
  • nuvols Agen 26 13
  • nuvols Aush 26 14
  • nuvols Bordèu 26 14
  • sol Briançon 23 8
  • nuvols_parcials Caors 27 14
  • nuvols Carcassona 22 14
  • nuvols Clarmont-Ferrand 23 12
  • nuvols Confolent 24 13
  • sol Gap 27 14
  • nuvols La Canau 26 14
  • nuvols_parcials La Gàrdia 28 17
  • nuvols_parcials La Torre de Pèlitz 27 17
  • nuvols Limòtges 24 13
  • nuvols_parcials Lo Borg Sant Dalmatz 28 18
  • nuvols Lo Puèi de Velai 21 13
  • sol Marselha 29 18
  • sol Montpelhièr 32 21
  • nuvols Naut Aran 23 11
  • sol Niça 27 14
  • sol Nimes 30 21
  • nuvols Pau 23 14
  • nuvols Peireguers 25 14
  • nuvols Rodés 24 12
  • sol Tolon 31 17
  • nuvols Tolosa 26 15
  • nuvols Valença 25 15

giny

giny

giny

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • © AR

    Vila d'Usès e lo pont de Gardon

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Fòrt Maginòt de Sant Anhe

  • Exposicion temporària sus Robèrt Lafont al CIRDOC (D.R.)

  • © Franc Bardòu

    Asuèlhs de Lauragués

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Còth deth Tormalet, 18/07/2012

  • Estivada 2013. © Guillem Sevilla

    Estivada 2013

  • Restauracion de las arenas de Frejús (Esterèu) ©Laurenç Revèst

    Restauracion de las arenas de Frejús (Esterèu)

  • Carnaval e fèsta per l'anniversari de la naissença de Jausep Garibaldi a Niça

  • Castelar

  • Zep Armentano

    25au Corsa Aran per sa Lengua

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • © Franc Bardòu

    País Bordalés

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Josep Carpintero

    Presentacion dera ANC Val d'Aran en Vielha, 28/12/2013

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Asuèlhs de Menerbés. © Franc Bardòu

    Asuèlhs de Menerbés

  • © Franc Bardòu

    Coserans al còr

giny

Vidèos

Las mai...

publicitat

LATERAL1 300X250: radio pais

giny

Sondatge

I a dins ta vila un local ont se pòsca far de vida sociala en occitan?


37%



33%



23%



7%




Vots 60 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)