CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimars, 12 de decembre

Actualitats

Diluns, 13 de febrièr de 2017, 03h00 Societat,Politica,Internacional

Catalonha: la societat civila se mobiliza per aculhir los refugiats

La campanha “Cò nòstre, cò vòstre” amassa a l’ora d’ara mai de 70 000 sostens de particulars e de mai de 900 d’associacions


Comentaris 17 comentaris    
Marrit Flac Bon Plan bon Fabulós (7 vòtes)
carregant En cargar


A l’espectacle, entitolat “Volèm aculhir”,  participèron un cinquantenat d’artistas dont qualques unes plan coneguts
© Europa Press Catalunya





Nòvas restacadas
Etiquetas
catalonha, refugiats

La societat civila de Catalonha se mobilizèt un còp de mai dissabte passat per exigir una solucion immediata a la crisi umanitària dels refugiats. Dins l’encastre de la campanha nomenada “Casa nostra, casa vostra” (cò nòstre, cò vòstre), divèrsas vilas del país an organizat mai d’una activitat dins las darrièras setmanas, e dissabte que ven se tendrà una manifestacion a Barcelona que se prevei multitudinària.
 
 
Un macroconcèrt revendicatiu
 
De soslinhar lo concertàs revendicatiu que se tenguèt dissabte passat al Palais Sant Jòrdi de Barcelona, una encencha esportiva qu’èra tota comola de mond per un concèrt que sas intradas s’èran agotadas qualques jorns après la mesa en venda.
 
A l’espectacle, entitolat “Volèm aculhir”,  participèron un cinquantenat d’artistas dont qualques unes plan coneguts coma Lluís Llach, Joan Manuel Serrat, Manolo García, Sílvia Pérez Cruz, Txarango, Marina Rosell, Paco Ibáñez, Farruquito, Amaral,  Los Chichos... E mai i testimonièron qualques refugiats e prenguèron la paraula de volontaris que son sus plaça per ajudar e salvar de vidas, mai que mai en Grècia. Tanben i participèron quatre grops de “castellers”. L’eveniment foguèt retransmés en dirècte per TV3 e Catalonha Ràdio.
 
La tòca de l’espectacle èra d’encaissar d’argent per ajudar las personas refugiadas. Pasmens venguèt un clam revendicatiu per denonciar, d’un biais ferme e clar, los govèrns europèus, exigir l’aculhença immediata dels refugiats e lo cessament de la complicitat amb la guèrra de Siria.
 


 
 
Dos còps mai de volontaris que de refugiats
 
La campanha “Casa nostra, casa vòstra” amassa a l’ora d’ara mai de 62 000 sostens de particulars e de mai de 900 d’associacions e, delà lo concertàs, a organizat divèrses eveniments mediatics coma de mosaïcs revendicatius dins d’estadis de fotbòl.
 
De soslinhar las mai de 1200 personas que se son inscrichas per èsser de “mentòrs” dels refugiats.
 
A l’ora d’ara, en Catalonha, i a dos còps mai de volontaris que de refugiats.
 
 
De donadas vergonhosas
 
Aquela campanha mediatica a coincidit amb las donadas vergonhosas que ven de publicar l’Union Europèa, que meton en evidéncia que los estats membres de l’union an solament acceptat sus lor territòri una part infima dels refugiats que s’èran engatjats a aculhir.
 
A l’ora d’ara, los estats de l’UE an solament recebut 11 960 refugiats que provenon de Grècia e d’Itàlia, e mai se s’èran engatjats a n’acceptar 160 000. Aquela donada es clarament insufisenta se se pren en compte que pendent l’an 2016 arribèron 181 436 personas sonque en Itàlia.
 
 
Euròpa al caireforc
 
Sembla pas que la situacion siá a se melhorar dins los meses avenidors. Ongan i a d’eleccions dins los principals estats de l’UE, ont los partits xenofòbs e d’ultradrecha son a créisser, encara mai après lo Brexit e la victòria de Donald Trump als Estats Units.
 
Lo 15 de març que ven, i aurà d’eleccions als Païses Basses, ont lo xenofòb Partit per la Libertat de Geerd Wilders pòt venir la primièra fòrça. Lo 23 d’abril se tendrà lo primièr torn de la presidenciala francesa, ont Marine Le Pen pòt èsser la candidata pus votada —e los occitans n’aurem una bona part de responsabilitat—. Dins las eleccions alemandas de setembre, Alternativa per Alemanha pòt venir la tresena fòrça. En mai d’aquò, lo Reialme Unit començarà lo Brexit, qu’a centrat sa campanha sul contraròtle de l’immigracion.
 
Los resultats electorals pòdon marcar l’avenir d’Euròpa. Un sondatge de Chatham House, un dels thinktanks mai reconeguts, assegurava que lo 55% dels europèus èra en favor d’arrestar l'immigracion musulmana. Lo gra d’acòrdi a l’enebicion de lor l’intrada èra mai que mai naut en Polonha (71%) e en Ongria (64%), d’estats que participan pas mai a l’aculhença dels refugiats. Tanben èra de manièra inquietanta majoritari en Àustria (65%), Alemanha (53%) e Itàlia (51%).
 
Cal remarcar qu'a l'ora d'ara solament lo 7,6% de totes los refugiats del Mond se tròban dins l'UE, e que lo milion que i son arribats representa solament lo 0,2% de la populacion europèa. Dels 65,3 milions de refugiats e desplaçats del Mond, l’87% se tròba dins de païses en desvolopament, e la chifra es creissenta que, fa dètz ans, la proporcion èra del 70% contra lo 30%. Los estats qu’aculhisson mai de refugiats son Jordania, Paquistan, Iran, Etiopia, Kenya, Liban, Chad e Turquia.
 
 


abonar los amics de Jornalet
 



publicitat



Comentaris

16 de febrièr 08.55h

#16 Sèm d'acordis. (per ieu tenir la caissa es pas pejoratiu)


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

16 de febrièr 03.07h

#15 Se me lisètz plan, critiqui pas la pereqüacion. Rapèli simplament que, un còp manlevat çò qu'es l'ajuda als autres, EN MAI D'AQUÒ, lo govèrn central tòrna pas als catalans çò que lor reven. Quant a l'expression mespresenta "téner la caissa", ieu estimi mai gerir l'impòst, los bascs o fan: son eles que manlèvan las talhas e ne daissan un 15% a Madrid. E aquò me sembla fòrt corrècte. N'i a pro de voler far passar los catalans per d'egoïstas e balhar sempre rason als profitai... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de febrièr 09.06h

#14 Lo meteis sistèma se fa en l'UE, e contunharà si Catalonha i demora. Es pas escandalos lo sistèma de perequacion, lo problèma es que Madrir refusèt a Barcelona de tenir la caissa, es un afar de dignitat, "soi ieu que pagui, e pas l'autre que me pren". Quitament s'a la fin lo compte es lo meteis.


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

15 de febrièr 04.48h

#13 Madrid paga amb l'argent panat als catalans... se es que paga! Lo govèrn central tòrna jamai a Catalonha çò que li reven de las talhas e aquò après la "pereqüacion" que permet de quitar a Catalonha per balhar a d'autres al nom de la solidaritat. La solidaritat se pòt comprene mas se gardar en sus una part de çò que li reven als catalans es de panatòri.


Valoriza aqueste comentari:   votar positiu 12   votar negatiu 11
Respondre comentari replica Comentari inadeqüat   Formulari d'abús de comentari

14 de febrièr 12.49h

Cossí faràn per trobar de trabalh a tot aquel mond ? Pel moment, Madrid ne paga un tròç, mas apuèi ?


Valoriza aqueste comentari:   votar positiu 2   votar negatiu 12
Respondre comentari replica Comentari inadeqüat   Formulari d'abús de comentari

13 de febrièr 19.11h

Que derrotin l'EI e que a Siria torne la patz.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

13 de febrièr 14.09h

Adiu Franc. T'ai plan legit e ai pas res a ajustar. Res de çò que contas m'estona pas.
Me sembla qu'ai justament ensajat de generalizar pas (çò que seriá ridicul).
Per contra me sembla qu'es una deca de voler pas veire lo racisme qu'es al nòstre entorn (en Catalonha coma en Occitània) e de far creire que totes los occitans an de Paratge plen lo cap coma los catalans. Podèm dire (coma o legissi sovent) que los que pensan o que dison aquò son pas de catalanistas o d'occitanistas vertadi... Legir mai


Valoriza aqueste comentari:   votar positiu 8   votar negatiu 3
Respondre comentari replica Comentari inadeqüat   Formulari d'abús de comentari

13 de febrièr 13.00h

#5 Dins mon vilatjòt occitan (que parla fòrça tròp francés) un quart dels electors vòta F.N. Son racistas, dins mon vilatge ? Benlèj, unes… Fa çaquelà 3 electors sus 4 que non vòtan F.N. !


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

13 de febrièr 12.56h

#3 Mai d'un escrivan catalan (e catalanista) que coneissi personalament an d'originas castelhanas e mai anadalosas. Son catalanistas, tant coma o vendràn tot probable los futurs refugiats que Catalonha
prendrà a sa carga. Assitiguèri personalamanent a d'encontres entre escrivans e artistas que lo unes i parlavan casstelhan, los autres catalan, e mai dos que i parlavan occitan. Aiçò, si qu'es Catalonha, coma l'ai viscuda, coma l'ami, coma la defendi ; res a veire amb lo replèc pseudo-iden... Legir mai


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

13 de febrièr 11.45h

#7 Vos daissi comentar e imaginar mon estat de desinformacion.
M'estoni del nombre de punts verds pel comentari 2. Sia tot lo monde sosten aqueste messatge mesurat, sia soi lo sol a i veire un pecic d'ironia.


Valoriza aqueste comentari:   votar positiu 5   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

La gèsta de Brussèlas

Dijòus passat a Brussèlas, lo pòble catalan, acompanhat per una considerabla partida de ciutadans araneses, faguèron la demostracion pus epica de l’istòria de lor ...
giny

Lo temps

Mapa
  • nuvols_parcials Agen 8 2
  • nuvols_parcials Aush 8 0
  • nuvols_parcials Bordèu 6 3
  • sol Briançon 0 -11
  • sol Caors 13 1
  • nuvols_parcials Carcassona 7 -4
  • sol Clarmont-Ferrand 9 -2
  • sol Confolent 3 1
  • sol Gap 6 -4
  • nuvols_parcials La Canau 6 3
  • sol La Gàrdia 14 8
  • sol La Torre de Pèlitz 0 -3
  • sol Limòtges 3 1
  • sol Lo Borg Sant Dalmatz 0 -4
  • nuvols_parcials Lo Puèi de Velai 2 -3
  • nuvols_parcials Marselha 8 1
  • sol Montpelhièr 10 2
  • sol Naut Aran 12 -8
  • sol Niça 5 -8
  • nuvols Nimes 7 0
  • sol Pau 10 1
  • sol Peireguers 6 1
  • nuvols_parcials Rodés 8 -1
  • sol Tolon 12 2
  • nuvols_parcials Tolosa 8 -1
  • nuvols_parcials Valença 7 -2

giny



giny

giny

Entrevista

Qu’ei la debuta de la fin deu saunei occitan

Vincent Poudampa capdau de l’associacion Région Gascogne Perspective

Qu’ei la debuta de la fin deu saunei occitan
publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Franc Bardòu

    Coserans al còr

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Ua comua de la valaia dai Palhons: L'Escarea, gents de cadea

  • Autariba (Lauragués). © Caminòc

    18a Dictada Occitana

  • D.R.

    Tren e occitan

  • © Laurenç Revèst

    Las Cevènas, Barjac en Val de Cese

  • Líusola (Comtat de Niça). © Laurenç Revèst

    Líusola (Comtat de Niça)

  • © Franc Bardòu

    Asuèlhs de Lauragués

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Era còlha dera ADÒC ath trabalh

  • País de Rasés. © Franc Bardòu

    País de Rasés

  • © AR

    Vila d'Usès e lo pont de Gardon

  • © Franc Bardòu

    Tresaurs andorrans

  • País de Rasés. © Franc Bardòu

    País de Rasés

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Darrièr refugi abans l’envòl (1206-2016)

  • © Franc Bardòu

    Asuèlhs de Lauragués

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Creses que l’occitanisme deu sosténer l’independéncia de Catalonha e Aran?


74%



16%



6%



4%




Vots 115 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)