CAPÇALERA2: IEA-AALO

Jornalet, gaseta occitana d'informacions

Dimècres, 21 de novembre

Actualitats

Dijòus, 21 de setembre de 2017, 03h00 Politica,Internacional

Catalonha: revolucion democratica après un còp d’estat contra la Generalitat


Comentaris 26 comentaris    
Marrit Flac Bon Plan bon Fabulós (14 vòtes)
carregant En cargar


La Gàrdia Civila espanhòla intrèt ièr de matin dins plusors sètis del govèrn de la Generalitat de Catalonha, dont lo de las finanças, lo dels afars socias e lo de las relacions institucionalas. Los agents faguèron mai d’una quarantena de perquisicions, detenguèron catorze nauts foncionaris e metèron en examen un vintenat de personas. Los ciutadans prenguèron per milièrs las carrièras en Catalonha tota per protestar contra aquela accion. De remarcar l’acamp davant lo sèti del departament de las finanças, al centre de Barcelona, un acamp que comencèt a 8h espontanèament quand se saupèt l’operacion de la Gàrdia Civila e que s’es tengut durant tota la nuèch passada.


L’operacion de la Gàrdia Civila, nomenada Anubis en onor del dieu egipcian de la mòrt, aurià la tòca de cercar de documents restacats amb lo referendum d’independéncia de Catalonha e Aran previst pel 1r d’octòbre que ven, que lo govèrn espanhòl a declarat illegal. Un jutge auriá ordenat aquela operacion en acusant los detenguts de desobesissença, prevaricacion e malversacion de fonzes publics.
 
En mai d’aquò, la Gàrdia Civila faguèt de perquisicions dins divèrsas entrepresas privadas de Catalonha en arrestant qualques dirigents, dins las societats e dins lors abitacions. Los detenguts son restacats amb los sits web e los bulletins de vòte del referendum. La Gàrdia Civila auriá confiscat dètz milions de bulletins de vòte.
 
Las finanças de la Generalitat de Catalonha son ara a las mans del govèrn espanhòl.
 
 
Revolucion democratica
 
A partir de 8h, quand se comencèt d’aprene l’intrada de la Gàrdia Civila dins mai d’un sèti de la Generalitat, d’acamps espontanèus sorgiguèron en Catalonha tota, quitament Perpinhan. De centenats de milièrs de personas prenguèron las carrièras de las principalas vilas catalanas, ont de volontaris lor portavan d’aiga e quicòm per manjar.
 
Fòrça escòlas decidiguèron de clavar per que se poguèsse manifestar, e quitament plusors entrepresas daissèron partir los salariats en priorizant la defensa de la democracia.
 
Al crit de “Votarem!”, l’acamp de Barcelona s’es tengut durant tota la jornada e fins a una ora avançada la nuèch davant lo sèti del departament de las finanças. La principala artèria de circulacion de la ciutat, la Gran Via de las Corts Catalanas, foguèt barrada a la circulacion durant tota la jornada de dimècres passat.
 

 
 
Sètge de la CUP
 
Non luènh d’aquí, de centenats de milièrs de personas  se reüniguèron tanben davant lo sèti de la CUP, qu’èra encerclat per d’agents de la dicha Polícia Nacionala espanhòla, e mai d’un agent en civil encagolat. Durant uèch oras los agents esperavan un òrdre del jutge per escorcolhar los locals, mas l’òrdre arribèt pas e partiguèron. La CUP se regaudís de la resisténcia pacifica.
 


 
Puigdemont: “L’estat a aplicat de facto l’estat d’excepcion”
 
Pauc après miègjorn, lo president de la Generalitat de Catalonha, Carles Puigdemont, parlèt als mèdias acompanhat de tot son govèrn.
 
“L’estat espanhòl a mes en suspension de facto l’autogovèrn de Catalonha e a aplicat de facto l’estat d’exepcion. [...] Aquela agression es fòra de tot aparament legal. S’es atacat l’estat de drech e totas las garentidas constitucionalas en tot violar la carta dels dreches fondamentals de l’Union Europèa. [...] Lo govèrn espanhòl a despassat la linha roja que los separava dels regims autoritaris e repressius e es vengut una vergonha democratica”.
 
En mai d’aquò, lo president declarèt son engatjament pel referendum e afirmèt que lo primèr d’octòbre totòm poiriá votar. “Nos caldrà una actitud de serenitat davant las actituds menaçantas e las illegalitats que comet lo govèrn espanhòl”, çò diguèt.
 
 
 
Rajoy: “An temps d’evitar un sòrt pièger”
 
De ser, après 21h, parlèt als mèdias lo president del govèrn espanhòl, Mariano Rajoy. Aqueste afirmèt que “lo referendum se [fariá] pas” en disent qu’èra “una quimèra impossibla” e menacèt tornarmai lo govèrn de la Generalitat: “An temps d’evitar un sòrt pièger”.
 
Rajoy justifiquèt lo còp d’estat contra lo govèrn catalan en assolidant que “degun pòt èsser subre la lei e apondèt que “la desobesissença a la lei de part d’un poder public es quicòm de contrari a la democracia”.
 
 
 
 

Reaccions de qualques elegits occitans












     
        
    
fffff   fffff
  Peth drèt de vòt (poemòt monosillabic aranés)

Jo non voi mès
eth sòn mau vent,
eth sòn cèu gris
n’eth sòn peish gròs,
ne pan deth sòn
n’eth sòn gran rei
n’era sua lei,
qu’è set de vin,
non pas de sang.
Voi eth mèn dret
de vòt tà jo,
que deth sòn frau
jo ja n’è pro!



Xavi Gutiérrez Riu (20.09.2017)
 
     





abonar los amics de Jornalet
 



publicitat



Comentaris

23 de setembre 23.18h

Se lo PP l'ultra nacionalisme espanhol, fos un pauc inteligent, faria lo que li diu Pedro Sanchez, primier reconèisser la Nacion Catalana, aprés que la Generalitat hagués mai diners com ha dit Guindos, puei reconeisser las seleccions catalanes de futbol, de Joquei, lo concert econòmic,etc. abans de lo dia de la votacion.


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

23 de setembre 11.38h

Sencillament, falangistes! I com fa cinquanta anys enrere, Estaven allí hi eren, i ara surten, i van a per totes, i com que quan parlen queda be, doncs, a dir i afer el que volen, i com bons flangistes que son fan el que els surt de la...
Mal.. si un Almogàver aixequés el cap, o tant sols Roger de Llúria, em Carrasclet o en Massana, que crec que ens deuen estar observant des de algun lloc, els en fotrien cada una.
Però ara som pacífics i demòcrates, i tenim la raó de la nostre banda, p... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

22 de setembre 07.25h

#13 Non: dos tròlls! O lo meteis amb dos desguisaments. Caldriá que nos diguèsse quant lo paga lo PP per dire de conanariás aital! Voler nos far passar los franquistas per de democratas, te disi!


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

21 de setembre 22.53h

1-Reconeissement de la Magnífica Nacion Catalana.
2-Concert econòmic
3-Recaptacion directament dels impostes
4-Seleccions esportivas de futbol, hoquei, e las qu' es vulga.
5-Representacion exteriora de Catalunya a l'UE e a L'ONU.
6-Corbeta amb missils defensius
7-Missils defensius terra aire
8-Exèrcit propi de voluntaris
9-Banc Nacional de Catalunya
10-Servei secret de seguretat
11- Presuposts diferents als d'Espanya
12-Consolats catalans
13-Representacion exteriora de la cultura catalana
... Legir mai


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

21 de setembre 20.48h

#11 La Delgà es aqui per executar los òrdres de Paris. Per solidaritat centralista, Paris condemna sustot pas lo còp d'estat de Madrid. Doncas la "pausicion" de la Delgà aqui l'as : la votz de son mèstre.


Valoriza aqueste comentari:   votar positiu 25   votar negatiu 4
Respondre comentari replica Comentari inadeqüat   Formulari d'abús de comentari

21 de setembre 20.31h

Ops...que m'éri desbrombat d'aquò per l'instruccion deu comandante Guevara,de Maria Ginesta e quauques autes,segur ...Benlèu que legeishen la lenga de l'opressor (enfin,pas la francesa,l'auta ...) :

https://elpais.com/elpais/2017/09/20/opinion/1505920628_019009.html


Valoriza aqueste comentari:   votar positiu 0   votar negatiu 9
Respondre comentari replica Comentari inadeqüat   Formulari d'abús de comentari

21 de setembre 20.29h

#14 Lo Sicre es pas jamai estat l'amic meu !


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

21 de setembre 19.51h

#18 E as pagat?
Non, as pas pagat.
Donc s'aquò e t'agrada pas hèra, eth jornalet (que vist era nosta situacion actuau com occitans Franchimandia non vei pas briga com e poderé pas estar militant aqueth jornalisme!) que pòdes enqüera te n'anar legir Le Monde o escotar Frônce Info entà pèrder pas eth ton temps aquiu.


Valoriza aqueste comentari:   votar positiu 14   votar negatiu 1
Respondre comentari replica Comentari inadeqüat   Formulari d'abús de comentari

21 de setembre 19.46h

A Ernesto Guevara jr (Quin programa qu' aqueth nom ! Qu'èi dejà paur d'estar fusilhat ):

Minute (s'existeish enquera) non m'interessa pas , pas cap ...mes qu'èi paur Jornalet non sii de gran interes informatiu tapauc quan legeishi aqueths praubes articles militants !


Valoriza aqueste comentari:   votar positiu 2   votar negatiu 13
Respondre comentari replica Comentari inadeqüat   Formulari d'abús de comentari

21 de setembre 19.23h

#8 Lo "jacobinisme" de Barcelona ? D'ont nos tiras encara aquesta legenda paranoïaca ? NE coneisses fòrça, tu, de jacobinasses qu'ajan cooficializat l'occitan a tot l'espandi politic d'un territòri parlant una autra lenga ? Cal arrestar de desparlar !


Valoriza aqueste comentari:   votar positiu 17   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

La comuna de Marselha es responsabla de la mòrt d’uèch de sos ciutadans

E mai se se parla que de la mobilizacion generala contra la pojada del còst dels carburants, a Marselha —e esperem que dins la rèsta d’Occitània— persistís ...
giny

Lo temps

Mapa
  • sol Agen 9 4
  • sol Aush 12 2
  • nuvols Bordèu 9 4
  • sol Briançon 6 -3
  • sol Caors 14 3
  • sol Carcassona 15 1
  • nuvols Clarmont-Ferrand 8 1
  • sol Confolent 8 3
  • sol Gap 9 4
  • nuvols La Canau 9 4
  • pluja La Gàrdia 12 9
  • pluja La Torre de Pèlitz 6 2
  • sol Limòtges 8 3
  • pluja Lo Borg Sant Dalmatz 6 3
  • nuvols Lo Puèi de Velai 6 3
  • nuvols Marselha 14 10
  • nuvols Montpelhièr 14 9
  • sol Naut Aran 12 -1
  • sol Niça 5 -2
  • nuvols_parcials Nimes 13 8
  • nuvols_parcials Pau 17 3
  • sol Peireguers 8 3
  • nuvols Rodés 12 2
  • nuvols Tolon 12 7
  • sol Tolosa 12 5
  • nuvols Valença 6 2

giny

giny

Vidèos

giny

giny

publicitat

lateral 2 teveoc

Entrevista

Es una militància que fa viure Aquò d’aquí

Michèu Neumuller Cap-redactor d'Aquò d'Aquí

Es una militància que fa viure <em>Aquò d’aquí</em>
publicitat

LATERAL 1-2: IEA-AALO



publicitat

lateral 2 teveoc

Fotografias

  • © Franc Bardòu

    Tèrra albigesa

  • País de Rasés. © Franc Bardòu

    País de Rasés

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Josep Carpintero

    Presentacion dera ANC Val d'Aran en Vielha, 28/12/2013

  • País de Rasés. © Franc Bardòu

    País de Rasés

  • © Asalaís Moniguet

    Montpelhièr la lengadociana

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • Valadas. © Xavi Gutiérrez Riu

    Valadas

  • © Laurenç Revèst

    Glèia de Nòstra Dòna dau Vot a Niça e dintre autar de Nòstra Dòna dei Gràcias protectora de Niça e dau canton niçard

  • © Franc Bardòu

    Tèrra albigesa

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Valadas. © Xavi Gutiérrez Riu

    Valadas

  • © Aure Séguier

    Carnaval Biarnés 2017

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Fòrt Maginòt de Sant Anhe

  • Besièrs. © Melanie Laupies

    Besièrs

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • Goulamàs'K a Bordelha (Rebeiragués) lo 9 de julhet 2012

  • © Franc Bardòu

    Asuèlhs de Lauragués

giny

Las mai...

publicitat

LATERAL 1-2: IEA-AALO

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)