Bandièra01 1180x150: Comuna de Tolosa

Actualitats

Chechenia: almens tres mòrts e un centenat de detenguts en una operacion de la polícia contra los omosexuals

Lo jornal rus Novaya Gazeta denóncia la detencion e la desparicion de centenats de personas LGTB, en seguissent d’òrdres de Putin. Lo govèrn regional ditz qu’es impossible car en Chechenia i a pas d’omosexuals

| Democracy Chronicles
La polícia de Chechenia a detengut un centenat d’òmes pr’amor qu’èran omosexuals, en ne tuant almens tres, segon una informacion publicada per Novaya Gazeta. Segon los activistas LGTB, i auriá mai de victimas.
 
L’istòria comencèt quand lo grop d’activistas Gay Russia demandèt la permission per una desfilada de la Fiertat LGTB dins quatre vilas de Chechenia. E mai se los activistas sabián que las autoritats o refusarián, o demandèron per s’assolidar d’aquel refús e poder denonciar las discriminacions que se patisson per orientacion sexuala davant lo Tribunal Europèu de Dreches Umans. En aquel moment, totjorn segon Novaya Gazeta, Putin auriá ordenat que la polícia comencèsse de far una arrestacion massissa de personas omosexualas, que las auriá identificadas per mejan dels rets socials. O nomenan “netejatge preventiu”.
 
Ali Karimov, pòrtavotz del govèrn regional chechèn, a refusat las acusacions en afirmant qu’es impossible que la polícia aja arrestat d’omosexuals pr’amor qu’en Chechenia n’i a pas. Exactament diguèt: “Es impossible de secutar çò qu’existís pas dins la Republica. Se i aviá de mond aital, las fòrças de la lei se deurián pas preocupar, car serián lors pròprias familhas que se cargarián de los mandar a un endrech que ne tornèsson pas mai”.
 
Los activistas LGTB creson qu’es urgent d’evacuar del país totas las personas omosexualas, bisexualas o transsexualas.


abonar los amics de Jornalet
 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualada (PP.CC.)
9.

No se perquè, però això de la persecució d'homosexuals no se a que em recorda...però segur a que ames d'un si, i fa anys.
Visca la Terra...Lliure!
L'Ernest, "El Tàrrega".

  • 0
  • 0
Lo Cagadiu
8.

#7 Lo sacrifici d’Isaac, tè : purmèra experiéncia de Milgram, pausa avant l’òra. Just following orders…

  • 1
  • 0
Pirolet
7.

#6 Es çò que se ditz un eufemisme. Si que non Adam e Èva an manjada la poma e pas mai. E David que mandèt aquel general se far tuar a la guèrra per poder bicar sa femna o faguèt a "l'insu de son plein gré". E Iavé que creèt las diferéncias de classas en favorisant la classa dels pastres contra la dels pèterroses, en preferissent Abèl a Caïn, es un brave vièlh que li cal passar sas tissas. E l'amor de Dieu es per damont lo de son enfant, que aguèsse estat tardièr l'àngel per arrestar la man qu'emponhava lo cotèl, l'Abraam seriá pas estat un criminal coma Caïn. A! Lo Poton a plan rason: n'i a qu'an l'immunitat e d'autres pas. Enfin, tornant a Noè, coma diriá lo Fillon: s'es pas res passat.

  • 2
  • 1
Danièl Oliveireda Marselha
6.

#5 Non, lo veguèt nus, e pron, d'après Genèsi 9

  • 1
  • 0
Pirolet
5.

#3 E lo filh de Noè que "coneguèt son paire per angostam viam"? Omosexual, gerontofil emai incestuós! Sembla qu´aquelas istòrias lor agradavan fòrça a las gents dels tempses biblics. Lo "morbo" que dirian los castelhans.

  • 0
  • 1

Escriu un comentari sus aqueste article