CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 18 de julhet

Actualitats

Dijòus, 2 d'agost de 2018, 03h00 Cultura,Lenga,Politica,Societat

Crisi de l’occitanisme: ont ne sèm e cossí repartir?

L'ANÒC ven de publicar un dorsièr exaustiu qu'analisa la crisi actuala de l'occitanisme e prepausa qualques solucions


Comentaris 86 comentaris    
Marrit Flac Bon Plan bon Fabulós (14 vòtes)
carregant En cargar


S’es l'occitanisme en crisi? D'un caire, remarcam que l'edicion 2018 de la Dintrada se consagrarà justament a aqueste subjècte, del temps qu'assistissèm a la desaparicion de publicacions istoricas coma La Setmana, Papagai e Plumalhon. D’autre caire, l'Assemblada Nacionala Occitana (ANÒC) ven de publicar un dorsièr entitolat "Crisi de l’occitanisme: ont ne sèm e cossí repartir?". S'agís d'un document de 42 paginas realizat per Ciril Joanin, Fèbus Abelhèr e Domergue Sumien.
 
Après revisar l'istòria de l'occitanisme, lo document analisa la crisi de l'occitanisme en revisant las darrièras avançadas importantas fins en 2012 e la destabilizacion lingüistica, sociala e politica; n'estúdia los probèmas e prepausa qualques solucions.
 
 
Las divisions
 
Per quant als problèmas, lo document de l'ANÒC afirma que las divisions constituisson lo problèma mai grèu de l’occitanisme e se retròban pertot jos divèrsas formas: “culturalistas” contra “politics”, "legalistas” contra “independentistas”, "nacionalistas” contra “antinacionalistas” e los “pròregion-Occitània” contra los “antiregion-Occitània”.
 
En mai d'aquò, denóncia las derivas tecnocraticas d’una certana frenja de l’occitanisme que la mençona, e parla de la mobilizacion per salvar lo CFPO-MP que, malgrat la longa cauma de sos sièis emplegats, aurà pas empedit la liquidacion de l’estructura, programada per la direccion del ret de las Calandretas: "las consequéncias seràn nefastas per l’ensenhament de l’occitan".
 
Un autre exemple mençonat es la cauma de la fam que la faguèt Dàvid Grosclaude per obténer la creacion de l’Ofici Public de la Lenga Occitana (ÒPLO), "que pasmens, ara, decep fòrça mond per son accion contestabla".
 
 
L'avenir
 
En presentar sas proposicions de solucion, l'ANÒC cita qualques ponches positius que permeton d’esperar un avenir melhor e una nòva renaissença occitana: la diversificacion dels mèdias d’informacion generalista en occitan, la perennizacion d’un espaci de comunicacion en occitan sus Internet, la volontat de consolidar l’oficialitat de la lenga occitana en Aran e dins lo Principat de Catalonha e la creativitat musicala que contunha en occitan e qu’abraça d’estils de mai en mai divèrses.
 
 
Cambiament de mentalitat
 
Lo document suggerís "un cambiament de mentalitat " per sortir de la crisi en obrant dins una dinamica nòva. Dins aquel sens, segon l'ANÒC cal:
 

— que l'occitanisme siá connectat amb las preocupacions socialas de la societat occitana,
 
— que s’assumisca la nocion sociolingüistica de conflicte qu’opausa la lenga menaçada (l’occitan) e la lenga dominanta (francés, italian o espanhòl),
 
— l’usatge de la lenga dins de familhas,
 
— la transmission del saber occitanista a las generacions novèlas de militants,
 
— una lenga occitana accessibla gràcias a una varietat estandard clara,
 
— la solidaritat d’organizacion entre los occitanistas de totas las regions,
 
— la politizacion de la question occitana en tèrmes de nacion, de liberacion nacionala,
 
— l’exigéncia de qualitat dins la produccion culturala en occitan,
 
— l’exigéncia de rigor dins los estudis scientifics sus la lenga e la cultura occitanes.
 
 
Proposicion de l'ANÒC
 
Dins son document, l'ANÒC anóncia qu'an "causit de cambiar [lor] estrategia", e per tant qu'an "cessat provisòriament de voler foncionar coma un rassemblament de massa" en se reorientant "devèrs una foncion de centre de ressorsas al servici d’informacions e de reflexions sus la question occitana".
 
Ara, per sosténer "totes los projèctes e organizacions que sián en favor de la lenga e la cultura occitanas",  anóncian que son a mand de crear la dicha Plataforma ÒC.com, una plataforma informativa e de sosten per totes los projèctes occitanistas dins l'encastre d'un centre de ressorsas de l’ANÒC;  permetrà de donar d’informacions e d’idèas, tant sus la question occitana coma sus totas las questions de societat e preocupacions quotidianas en general, dins una optica occitanista.
 
 
 

Descargatz lo dorsièr: "Crisi de l’occitanisme: ont ne sèm e cossí repartir?"
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

30 d'agost 09.18h

Hèra bona sintèsi! L'occitanisme que's va tornar bastir xic a xic. L'ANÒC qu'a prepausat ua basa, lo alan sibe dab Rompaduras per un occitanism politic que pòrta tanben ua analisi hèra fina et fin finau las conclusions que son tot parièr. Quan legi occitanistas que disèn que l'occitània qu'ei ua utòpia que'm disi qu'i a ua bèra dicotòmia enter aquest discors e la recèrca d'identitat de la nosta joenessa. E push òc, occitània qu'ei ua utòpia de bastir e qu'ei deja mei interessanta... Legir mai


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

13 d'agost 11.13h

#82 #83 Sembla evident que "respèct dau fraire" e "fòrça de prepausicion" fan pas partida dau vocabulari de la Pudecina Comentarèla que podèm recontrar de còps sus aqueste blòg...


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

13 d'agost 11.08h

#82 Lo professor Lacan èra segurament mai respectuós emb dals anonimes :
- Saique deviá pas tusejar e jutjar lo monde sans los conéisser ;
- Saique deviá pas portar un diagnostic sus la basa d'un comentari sans aver consultat la persona ;
- Deviá èstre aitant fòrça de contradiccion coma fòrça de PREPAUSICION.

Professor Lacan, vòstra rencarnacion es aquela d'un esperit mau-san dau discors voide. Se fariá temps que prenguessiatz emb de vòstre camaradeta "Mespretz" una retirada bi... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

8 d'agost 11.14h

#82 Aprèp Lucha Occitana , Nevrosi Occitana ? Seria de segur mai proche de la realitat aquel !


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

7 d'agost 20.06h

#78 #79 #80 . "Je sais bien que, mais quand même ". Polit exemple de nevrosi. La teuna se sona nevrosi occitana. Calma...



Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

6 d'agost 15.15h

Darrièira causa qu'ajustarai : lo tòc, la prioritat qu'ai citada aquí-dessota deu pas nos faire oblidar que l'identitat d'òc, coma que tot vire, es un BEN COMUN e segurament pas l'envencion e la proprietat d'un gropuscula, d'un microcòsme politizat, d'una ideulogia.
Es, demòra e vendrà LO BEN DE NÒSTRA SOCIETAT que se l'apropriarà. E nòstre prefach es e demorarà lo d'ajudar nòstra societat dinc aqueste sens. Que tornarmai devon venir creatrises e portairas d'aquesta identitat : una ... Legir mai


Valoriza aqueste comentari:   votar positiu 5   votar negatiu 2
Respondre comentari replica Comentari inadeqüat   Formulari d'abús de comentari

6 d'agost 13.28h

En defòra dau fach que FAI URGENTAMENT BESONH SORTIR DE L'ENTRE-SE ;
en defòra dau fach que FAREM PAS JAMAI LENGA NI IDENTITAT D'ÒC SANS LA SOCIETAT ;
vòle ajustar que l'occitanisme deu pas èstre nòstra prioritat, fotre non pas !
VÒLE PAS DE RELIGION OCCITANISTA !

UN SOL TÒC, UNA SOLA PRIORITAT : NÒSTRAS COMUNAUTATS LOCALAS, NÒSTRA SOCIETAT !


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 13.17h

FAREM PAS JAMAI LENGA SANS LA SO-CIE-TAT ! Es per aquò que fai besonh questionar, enquistar, consultar menimosament LA PO-PU-LA-CION per ne'n saupre sas opinions, sas envejas amai sos refús per quant a l'identitat d'Òc, per quant a l'escòla, lo travalh, los suènhs medicaus, la democracia, la cultura, vos save ieu... E pièi, saupre de qué poiriáun adurre (amai de quante biais !) eficaçament a tot aquò nòstra lenga (una e divèrsa) mai nòstras culturas d'Òc ?

A son començament, l'... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 d'agost 23.41h

#1 L'origina d'un problèma es pas obligatoriament l'autre. Es pas forçadament en defòra de se, que non ! Partatje pas qu'a mitat vòstre vejaire : segon ieu, i a un gròs problèma de mentalitat dedinc nòstra comunautat (au sud de Léger, vòle dire), que parlem occitan o francés solament. Lo monde dau defòra (franchimands mai que mai) son nombrós de se n'avisar : n'ai sovent lur ressòn objectiu e sans jutjament amai.

#2 Pertinenta la remarca de "glück". Los occitanistas an pas capi... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 d'agost 11.41h

#45 Era compareson dam era Glèisa e eth PCF qu'ei interessanta, mes eras idèas e conviccioins que son a respèctar: fasem "coma si", fasem çò que podem,no cercam cap ua majoritat, mes islas de resistencia, en nos apuant eishus ua literatura richa, ua lenga quer tinda encara en d'auguns endrets se volem escotar.


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3
-
4
-
5
-
...9 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Una data negra

Es lo 14 de julhet e los franceses festejan lor fèsta nacionala.  De fach, gaireben totes los païses del Mond festejan un jorn nacional. E mai la majoritat sián pas de nacions mas ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • © Aure Séguier

    Carnaval Biarnés 2017

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Castelar

  • Coserans: Sent Líser, Casavèth, Sent Guironç, Saurat...

  • © Franc Bardòu

    Catalonha etèrna

  • Briga (val de Ròia)

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Inauguracion de la Sala Claudi Molinièr a Besièrs

  • Arribada de la prima en Naut Rasés. © Terric Lausa

    Arribada de la prima en Naut Rasés

  • Lo grand passacarrièra de Rodés. Occitan Pride 2013

  • País de Rasés. © Franc Bardòu

    País de Rasés

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • © Franc Bardòu

    Asuèlhs de Lauragués

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Pòrt de Niça: Li galeras

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Zep Armentano

    Era Mongetada (Val d'Aran 28-29 d'octobre 2017)

  • © Iñaki Delaurens

    Val d'Aran

  • Asuèlhs de Menerbés. © Franc Bardòu

    Asuèlhs de Menerbés

  • © Laurenç Revèst

    Menton, 'a vivaroalpenca maritima

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Per tu, lo 14 de julhet...


25%



31%



43%



1%




Vots 121 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)