Bandièra01 1180x150: Comuna de Tolosa

Actualitats

Dialòg entre los govèrns de Catalonha e Espanha

S’amassèron ièr a Madrid lo president del govèrn espanhòl, Pedro Sánchez, e lo president de la Generalitat de Catalonha, Quim Torra, dins una longa reünion “de trabalh eficaç, e plena de cortesiá e de cordialitat”

| Pedro Sánchez
Enfin, un dialòg politic s’es entamenat entre los govèrns espanhòl e catalan. S’amassèron ièr a Madrid lo president del govèrn espanhòl, Pedro Sánchez, e lo president de la Generalitat de Catalonha, Quim Torra. Eles parlèron durant tres oras dins una reünion que, segon de fonts pròchas del president espanhòl, “aviá trespassat lo lindal d’una reünion protocolària", e èra estada puslèu "una amassada seriosa de trabalh”.
 
 
Reünion “de trabalh eficaç, e plena de cortesiá e de cordialitat”
 
A 16h, la pòrtavotz del govèrn espanhòl, Carmen Calvo, compareissèt davant los mèdias per porgir son bilanç. Calvo diguèt que la reünion foguèt “de trabalh eficaç e plena de cortesiá e de cordialitat”, e soslinhèt que lo grand acòrdi èra la represa de la comission bilaterala entre los dos govèrns, definida dins l’Estatut de Catalonha, que dempuèi l’an 2011 s’èra pas amassada.
 
Pasmens, a la demanda de Quim Torra que Catalonha poguèsse exercir concretament lo drech d’autodeterminacion, Calvo diguèt que “lo president [Sánchez] aviá respondut amb lo fòrça naut autogovèrn, la fòrça nauta descentralizacion del poder, la Constitucion [espanhòla] e l’Estatut [d’autonomia de Catalonha]”.
 
 
“Tota solucion politica passa pel drech d’autodeterminacion”
 
Quant al president de la Generalitat, Quim Torra, expliquèt el meteis son bilanç dins una conferéncia de premsa facha a la delegacion de la Generalitat a Madrid. Torra diguèt qu’el avalorava positivament que Sánchez aguèsse reconegut la necessitat d’una solucion politica al conflicte. Ansin, Torra diguèt a Sánchez que tota solucion politica passava pel drech d’autodeterminacion, una opcion qu’a lo sosten de l’80% del pòble de Catalonha e Aran mas que Sánchez refusa.
 
Torra precisava: “Sánchez a reconegut qu’Espanha es un estat plurinacional, una nacion de nacions, e las nacions an drech a l’autodeterminacion”. E mai lo president catalan diguèt a l’espanhòl que “la sola causa que [demandava] lo catalanisme [èra] lo drech d’autodeterminacion e que [se batèsse pas los catalans] per l’exercir”.
 
Torra definiguèt la reünion coma “longa e sincèra” e afirmèt que los dos caps avián escambiat lors vejaires sus la situacion politica. “Avèm parlat de tot, e aquò es fòrça importnat. Fasiá d’annadas que se podiá pas parlar de tot”, çò assolidèt, en precisar que Sánchez e el avián de “vejaires completament alonhats sul drech d’autodeterminacion”, que pasmens es, segon lo president catalan, “la question fondamentala”. Dins aquel sens, Torra diguèt net e clar que “lo pòble de Catalonha s’èra autodeterminat lo primièr d’octòbre”.
 
 
Es pas Torra mas Puigdemont qu’auriá degut anar a la reünion
 
Dins son bilanç, Torra insistiguèt sul fach lo govèrn de Catalonha renonciava pas a cap de biais d’aténher l’independéncia, en constatar l’existéncia de presonièrs e d’exiliats, çò que lo govèrn espanhòl refusa. Precisament a prepaus dels diferents avises sus la situacion dels exiliats e dels presonièrs politics, Torra demandèt que s’acabèsse “l’ofensiva judiciària e policièra contra l’independentisme”.
 
Torra revendiquèt qu’èra pas el que deviá rescontrar Sánchez mas Carles Puigdemont. “El ganhèt las eleccions e teniá lo sosten de la majoritat absoluda del Parlament de Catalonha. Aquel fach demòstra ja l’anormalitat de la situacion politica de Catalonha”.
 
 
“Aran, un país”
 
Torra portèt de presents a Sánchez, dont una botelha de ratafiat d’un productor conegut per sa lucha contra la linha de fòrça nauta tension que travèrsa los Pirenèus, un libre de mapas istoricas de Catalonha e lo libre Aran, un país. Aqueste es un libre artistic sus la Val d’Aran que conten mai d’un centenat de fotografias de Francesc Tur e de tèxtes de Jèp de Montoya en occitan, catalan e espanhòl.
 
A prepaus d’aquel present, la deputada occitana al Parlament de Catalonha, Anna Geli, se regaudiguèt sus Twitter del temps que remarcava que Catalonha si que reconeis lo drech d’autoderminacion d’Aran. Se demandèt “perqué non Espanha damb Catalonha?”
 

 
 
La reünion venenta aurà luòc al palais de la Generalitat, a Barcelona. La data es pas encara decidida.
 
Pedro Sánchez publiquèt son avaloracion de la reünion sus Twitter en catalan.
 

 
 
“Convidarem pas lo rei d’Espanha a cap de ceremònia”
 
Dins sa valoracion, la pòrtavotz del govèrn espanhòl, Carmen Calvo, aviá tanben declarat que s’organizariá de ceremònias en remembre de las victimas dels atemptats terroristas que los visquèron Barcelona e Cambrils los 17 e 18 d’agost passats, e que lo rei d’Espanha, Felip VI, i participariá perque “es lo cap de tot l’estat”.
 
A prepaus d’aquò, Quim Torra assolidèt ça que la dins sa conferéncia de premsa que convidariá pas lo rei espanhòl a cap de ceremònia, e que lo govèrn de la Generalitat participariá pas a cap d’acte ont Felip VI seriá present. “A pas encara demandat perdon”, çò diguèt Torra en referéncia al discors que lo faguèt lo monarca lo 3 de junh passat, que justificava la repression de l’estat contra lo mond que votèron al referendum del 1r d’octòbre.


 


 





abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

carles paisos valencians
11.

(AVUI al pais en llengua catalana)

L’independentisme radical culpa Torra de trencar amb l’1 d’octubre
La CUP acusa el president de la Generalitat, després de la reunió amb Pedro Sánchez, de doble llenguatge en defensar la república amb retòrica i resignar-se a l'autonomisme

  • 3
  • 7
carles paisos valencians
10.

(hui al diari català ara) nyas cocaaaaaaaaaaaaaa!

La CUP demanarà la dimissió de Torra si manté el "diàleg autonòmic" i "traeix" el moviment republicà
Riera avisa que "discutir molles amb l'Estat" és incompatible amb la independència
La CUP obre la porta a demanar la dimissió del president de la Generalitat, Quim Torra, si manté el "diàleg autonòmic" amb l'Estat i "traeix" així el "moviment republicà". "Vam dir que teníem a punt la targeta vermella. No tindrem cap dubte a presentar-la si arriba el cas", ha dit en una entrevista a TV3 el cap de files dels cupaires al Parlament, Carles Riera.

Riera ha dit que li sap greu que Torra estigui "dolgut" amb la CUP perquè no dubta de la "profunda convicció independentista i republicana" del president, però li ha recordat que Pedro Sánchez i el govern espanyol tenen la virtut de la claredat i han deixat molt clar que no es pot parlar d'autodeterminació". "El Govern ha de decidir si vol concentrar esforços a materialitzar la República aquí o vol rebaixar la intensitat conflicte i concentrar-se a discutir molles amb l'Estat. No es poden fer les dues coses alhora", ha avisat.

Després d'insistir que "l'època dels símbols s'ha acabat" i que ara cal "materialització de la República", Riera ha demanat a JxCat i ERC que "no s'obeeixi i no s'acati" la suspensió dels diputats empresonats. L'objectiu de la CUP, compartit amb la resta de forces independentistes, és mantenir "intactes" els drets dels càrrecs electes a la cambra. En cas contrari, ha considerat el cupaire, suposaria "fulminar la democràcia". "Les forces democràtiques hauríem de mantenir una posició de dignitat. No podem assumir la subalternitat a la qual ens vol sotmetre l'estat espanyol", ha reblat.

Venturós probablement no recorrerà la seva condemna
En aquest sentit, el diputat anticapitalista ha avançat que l'alcaldessa de Berga, la també cupaire Montse Venturós, probablement no presentarà un recurs contra la seva condemna de sis mesos d'inhabilitació per no haver despenjat l'estelada de l'Ajuntament. Tot i que no ha volgut donar més detalls, ha assegurat que s'està treballant perquè prevalgui la "legitimitat" sobre la "legalitat" i que Venturós continuï exercint la responsabilitat per la qual ha sigut votada pels berguedans.

  • 4
  • 11
francesc palma
9.

Las bonas formas son importants, ara cal reconeisse l'Espanya plurinacional, la magnífica Nacion Catalana. L'Estatut aprovat en temps de Maragall e Zapatero, las seleccions esportivas catalanas, de futbol, basquet ,hoquei, natació, waterpolo,hansbol,rubbi,.....E la libertat dels presos politics e l'amnistia pesl exiliats.

  • 5
  • 1
Joan Marc
8.

Tots a la Diada Nacional de Catalunya l’onze de setembre per fer República ! Ja n’hi ha prou amb aquest espanyol i el seu rei !

  • 10
  • 0
Joan Marc
7.

#6 Quin és el programa dels unionistes per a Catalunya amb una coalició PP Ciutadans i PSC : la millor solució si volem un desastre !

  • 11
  • 1

Escriu un comentari sus aqueste article