CAPÇALERA2: IEA-AALO

Jornalet, gaseta occitana d'informacions

Dissabte, 15 de decembre

Actualitats

Diluns, 8 de mai de 2017, 03h00 Politica

Emmanuel Macron serà lo nòu president de França

Marine Le Pen saluda son resultat recòrd, e mai se reconeis que cal transformar lo Front Nacional. Lo partit cambiarà quitament de nom


Comentaris 18 comentaris    
Marrit Flac Bon Plan bon Fabulós (8 vòtes)
carregant En cargar


Los occitans d’Aran e de las Valadas poiràn contunhar de pagar en èuros dins la rèsta del país, almens durant los cinc ans que venon. Lo candidat del movement En Marcha, Emmanuel Macron, s’es impausat largament sus Marine Le Pen al segond torn de l’eleccion presidenciala francesa. De tot biais, Macron a ganhat sens grand estrambòrd de la part dels electors, dins una jornada marcada per l’abstencion e un recòrd de bulletins blancs o nuls. Podètz consultar los resultats oficials sul sit del ministèri de l’interior francés.
 
“Metrai tota mon energia per èsser digne de vòstra confiança”, çò assolidèt Macron, tanlèu conéisser lo resultat, per mercejar los qu’an votat per el. “Sabi la colèra, l’ansietat, los dobtes qu’un grand nombre d’entre vosautres an exprimits”, çò lor diguèt en tot precisar que son dever ara èra de lor portar de solucions.
 
“Defendrai França, sos interèsses e son imatge. Defendrai Euròpa, nòstra civilizacion e nòstre biais de viure corron un risc”, çò apondèt abans de prometre que França seriá un país lidèr de la lucha contra lo terrorisme.
 
 
Transformacion del Front Nacional
 
De son costat, Marine Le Pen reconeguèt immediatament sa desfacha, e mai saludèsse “un resultat istoric e massís” pel Front Nacional. Dins aquel sens, la candidata qu’aviá promés de far sortir França de l’èuro, afirmèt que tre ara se metriá al trabalh devèrs las legislativas en transformant son partit.
 
“Lo Front Nacional, que s’es engatjat dins una estrategia d’alianças, se deu renovelar prigondament per èsser a la nautor [...] dels espèrs dels franceses”, çò diguèt Le Pen ièr de ser davant sos electors a París. Per quant a el, lo numèro dos, Florian Philippot, indiquèt sul platèu de TF1 que lo partit anava “se transformar en una nòva fòrça politica que, per definicion, aurà pas lo meteis nom”.
 
 
Macron seriá lo fruch d’una “ascension ben calculada”
 
Benlèu la question qu’òm se pausa mai a l’ora d’ara es precisament qual es Macron e d’ont es sortit? E mai s’avèm l’imatge qu’es un òme sortit d’enluòc que ven d’espelir en politica, lo nòu president de França seriá lo fruch d’una “ascension ben calculada”, segon lo sociològ nòrd-catalan Gautier Sabrià. Dins una entrevista facha per Nationalia, Sabrià remembra que Macron, “coma tantes autres elegits de l’estat francés, es passat per las Sciéncias Politicas de l’Escòla Nacionala [vòl dire estatala] d’Administracion (EN) e a trabalhat dins lo sector privat. Trabalhèt per la Banca Rothschild, una banca de luxe per de gents fòrça ricas”.
 
Èx-ministre de l’economia de Manuel Valls d’ont “partiguèt amb una cèrta tranquillitat”, Sabrià crei qu’es interessant d’agachar la trajectòria de Macron per comprene çò que s’es passat. “Macron s’es plaçat coma una mena d’apologia del self made man estatsunidenc. Sa carga de ministre li permetèt d’aumentar sos ligams d’un latz, mas tanben de marcar sa diferéncia amb la rèsta del partit, pr’amor que fòrça sovent s’afrontava a d’autres ministres”. Dins aquel sens, Gautier insinua que “partir e se desmarcar del govèrn èra imprescindible per el”.
 
Podètz legir l’entrevista completa sul sit de Nationalia, ont tanben s’analisa la desdemonizacion del Front Nacional.
 
 
Favorable a una politica lingüistica per l’occitan
 
Emmanuel Macron a respondut favorablament a totas las questions de la campanha #2017oc, lançada pels actors màgers de l’occitanisme qu’an questionat los candidats a l’eleccion presidenciala sus l’avenir de la lenga occitana.
 
Dins sas responsas, Macron se declara favorable a la definicion e la mesa en òbra d’una politica lingüistica per l’occitan, a un projècte de lei per que França dispause d’una lei en favor de sas lengas e lor done un estatut idonèu, e enfin a una lei qu’assegure una veritabla reconeissença e un estatut a las lengas autoctònas de l’estat.
 
Dins l’encastre de l’educacion, Macron crei qu’una reconeissença juridica e un estatut son indispensables e s’engatja a facilitar l’aprendissatge de l’occitan dont l’interès educatiu, lingüistic e cultural es reconegut.
 
Veirem ben.
 


abonar los amics de Jornalet
 



publicitat
BANER1: IEA-AALO



Comentaris

10 de mai 20.50h

#12 Brigida Macron, I suppose ? Compliments !


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

10 de mai 20.46h

Visca lo rei !Visca lo rei !Visca lo rei ! Ah!Ah!Ah!Ah!Ah! E sonatz aquò una republica ? Tron de l'èr, qué rire! Qué rire!!!


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

10 de mai 09.21h

#15 Non, fasètz una error. Dels 66% qu'an botat un bulletin Macron, 43% an pas votat per el mas contra Le Pen. Ara, los que l'an menat al poder per aquel còp d'Estat mediatico-oligarquic se foton plan de tot ce que van poder dire los nècis qu'an votat per el e que dison ara que lo van pas daissar menar sa politica. A lo poder e punt !


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

9 de mai 22.49h

L'abstencion e los votes blancs suman lo 37 % per ara. Del 63 % que votare: 66% foguet per Manuel, lo que representa 2/3 parts dels vots emesos. Que representa un 41 % de recolsament popular. Una popularitat que arriba pas a la mitat de l'electorat.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

9 de mai 16.12h

#13 Per totes los nècis que son anats votar per Macron contra lo faissisme (la Le Pen a pas lo nivèl e voliá pas del poder), lo Golem de la banca e del grand capital (coma Pompidor e Giscard, mas el encara mai).
Un president elegit per environ 15% dels electors.
França es pas una democracia mas una dictatura dins la man de l'oligarquia capitalista mondialista.
Lo faissisme vertadièr l'avèm ara al poder.


Valoriza aqueste comentari:   votar positiu 13   votar negatiu 1
Respondre comentari replica Comentari inadeqüat   Formulari d'abús de comentari

9 de mai 15.17h

#11 Hé hé, a creire qu'i a de giscardians e/o de macronistas qu'an en òrre cèrtas vertats ! Galejada pas mòrta !


Valoriza aqueste comentari:   votar positiu 21   votar negatiu 0
Respondre comentari replica Comentari inadeqüat   Formulari d'abús de comentari

9 de mai 14.56h

En 1977 (annada ont nasquèt lo sénher Emmanuel Macron), ja totes los dialèctes de França, marcaires de la ruralitat, s'avalissián de la vida activa e publica ; levat benlèu pels parlars germanics (Alsàcia-Lorena).
Qual sap se E. Macron, primièr president de la generacion pòstdialectala, serà favorable a la defensa e a la promocion de las lengas regionalas ?...
E ben benlèu que òc ! car ara que la vièlha batèsta, contra los patoèses, es ganhada dempuèi un brieu, los qu'an ... Legir mai


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

9 de mai 13.33h

Un joine president dinamic, que se defenis ni de drècha ni d'esquèrra, que vai plan al delai dels clivatges tradicionals. Qu'es inteligent e dobert a las ideias nòvas d'ont que vengan, que siaguen de drecha o d'esquèrra . Simpatic, seductor,amb un chic d'anti-conformism "joine" e dinamic qu'avem jà pogut constatar lo jorn de sa prèsa de fonccion. Aquò nos cambia agradivament de las vièlhas badèrnas dels partits tradicionals qu'ara son escobats per aquel vènt primaverenc. Cerèsa sus ... Legir mai


Valoriza aqueste comentari:   votar positiu 24   votar negatiu 4
Respondre comentari replica Comentari inadeqüat   Formulari d'abús de comentari

8 de mai 19.16h

Emmanuel Macron es Occitan de son costat mairal. Rementi aquò per rendre servici.


Valoriza aqueste comentari:   votar positiu 4   votar negatiu 10
Respondre comentari replica Comentari inadeqüat   Formulari d'abús de comentari

8 de mai 13.27h

Endoman d'eleccions.
Se parla de Macron e las lengas regionalas ? Non, sens suspresa.
Se parla de Macron e l'ecologia ? Non, sens suspresa.
Aprèp d'eleccion ont l'abstencion es istorica, lo nombre vòte blanc e nul jamai vist, se parla de Macron e las reformas institucionalas ? Non.
De qué se parla ?
De las reformas que seràn fachas d'aquí dos meses, per ordonàncias (Ordonància es lo frairet de Quarantanòutrés) dins lo domèni de « l'agilitat » (si si) del monde del trabalh e d... Legir mai


Valoriza aqueste comentari:   votar positiu 28   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Es urgent que la revòlta dels Gilets Jaunes capite ben

Aquesta quatrena dimenjada de protèstas del movement dels Gilets Jaunes ven de demostrar que l'estat francés es dins una crisi sociala. Poiriam quitament dire qu'es una revolucion. ...
giny

Lo temps

Mapa
  • nuvols Agen 8 7
  • nuvols Aush 11 7
  • sol Bordèu 9 8
  • sol Briançon 0 -5
  • sol Caors 7 5
  • sol Carcassona 12 7
  • sol Clarmont-Ferrand 5 4
  • pluja Confolent 4 4
  • sol Gap 6 2
  • sol La Canau 9 8
  • sol La Gàrdia 8 -1
  • sol La Torre de Pèlitz 4 -1
  • pluja Limòtges 4 4
  • sol Lo Borg Sant Dalmatz 5 -1
  • sol Lo Puèi de Velai 4 1
  • sol Marselha 9 4
  • sol Montpelhièr 8 6
  • nuvols Naut Aran 11 3
  • sol Niça 7 5
  • sol Nimes 8 4
  • nuvols Pau 13 8
  • pluja Peireguers 5 4
  • sol Rodés 7 4
  • sol Tolon 9 3
  • nuvols Tolosa 9 8
  • sol Valença 4 2

giny

giny

Vidèos

giny

giny

giny

publicitat

lateral 2 teveoc

Entrevista

Siáu mai optimista per la cultura que per la lenga

Robert Rourret Professor d’istòria-geografia a la retirada

Siáu mai optimista per la cultura que per la lenga
publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • Toponim occitan niçard sus un bus de vila. © Catarin Seguran

    Simbòls de Niça

  • País de Rasés. © Franc Bardòu

    País de Rasés

  • © Laurenç Revèst

    Las Cevènas, Barjac en Val de Cese

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Celèsta Toion

    La plaja espaci de libertat? D'expression?

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • Lei flors dei rosèlas moriguèron; nos mesclam a sei fruchas

    Meissonencas en Camarga pichòta

  • © Laurenç Revèst

    Val de la Tiniá

  • Asuèlhs de Menerbés. © Franc Bardòu

    Asuèlhs de Menerbés

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • Valadas. © Xavi Gutiérrez Riu

    Valadas

  • Goulamàs'K a Bordelha (Rebeiragués) lo 9 de julhet 2012

  • © Aure Séguier

    Carnaval Biarnés 2017

  • © Franc Bardòu

    Tèrra albigesa

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Fèsta occitana a Barcelona, a l'ocasion del cinquen anniversari de Jornalet

  • © Aure Séguier

    Carnaval Biarnés 2017

  • © Franc Bardòu

    Coserans al còr

  • © Laurenç Revèst

    Fòrt Maginòt de Sant Anhe

  • Estivada 2013. © Guillem Sevilla

    Estivada 2013

giny

Las mai...

publicitat

LATERAL 1-2: IEA-AALO

giny

Sondatge

La politica del president Macron e del govèrn de son primièr ministre es per tu:


1%



4%



12%



61%



17%



4%




Vots 141 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)