Bandièra01 1180x150: Comuna de Tolosa

Actualitats

Fatima Taleb: la conselhièra municipala catalana que se quilha contra l’islamofobia

Fatima Taleb a decidit d’agir per ajudar a metre fin a “aqueles actes, racistas, xenofòbs, islamòfobs, que fòrça mond patisson cada jorn en silenci, d’abitants e d’abitantas musulmanas e d'autres collectius minoritaris d'origina estrangièra e gitana”
Fatima Taleb a decidit d’agir per ajudar a metre fin a “aqueles actes, racistas, xenofòbs, islamòfobs, que fòrça mond patisson cada jorn en silenci, d’abitants e d’abitantas musulmanas e d'autres collectius minoritaris d'origina estrangièra e gitana”

Las denóncias d’atacas racistas e islamofòbas contra una conselhièra municipala musulmana an descadenat una campanha de solidaritat sense precedents en Catalonha. Amb l’etiqueta #TotesSomFatima (sèm totas Fatima) los rets socials se son mobilizats per ajudar totas las victimas d’aquela sòrta d’agression.


Fatima Taleb es una conselhièra municipala de la comuna de Badalona (Catalonha) cargada de la participacion e la convivéncia, que ven de denónciar d’atacas racistas e islamofòbas. Insultada e escopida dessús “simplament pel fach d’èsser diferenta e d’èsser musulmana”, segon çò qu’ela meteissa explica, Taleb a decidit d’agir contra aquelas agressions que son “la gota d’aiga que fa versar lo vas”. Mai que mai, pr’amor qu’en denonciant e o fasent public, cèrca d’ajudar a metre fin a “aqueles actes, racistas, xenofòbs, islamòfobs, que fòrça mond patisson cada jorn en silenci, d’abitants e d’abitantas musulmanas e d'autres collectius minoritaris d'origina estrangièra e gitana”.
 
 
Atribuís las agressions al discors xenofòb del PP
 
Taleb atribuís aquelas agressions al discors de l’èx-cònsol de la vila, e cap del Partit Popular en Catalonha, Xavier García Albiol, “que consagrèt son mandat a semenar l’òdi e a devesir los ciutadans en restacant la pauretat, lo caumatge e la manca de seguretat a l’arribada de las personas d’origina estrangièra e quitament amb lo terrorisme islamic”.
 
De son costat, García Albiol a assegurat que Taleb se servís dels insultes xenofòbs que recep coma “pretèxt per cobrir son incompeténcia”.
 
 
Sosten de la consolessa màger
 
Per quant a ela, la consolessa màger, Dolors Sabaté, a manifestat son sosten a Taleb. “Lo coratge de las personas coma Fatima nos permet de nos regardar dins lo miralh e de contunhar de trabalhar per una societat mai inclusiva, democratica e justa. Dins la Badalona dels dreches, aquelas actituds xenofòbas i an pas lor plaça”.
 
 
 
 

 
 

 



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
9.

Tots n'hem d'aprendre, però a Cat. el principal racisme, i no ho dic per provocar, el tenim els Catalans, quan no ens volen parlar en Català, o ens obliqüem a parlar el castellà, sinó no ens escolten, i allò de "Perro", "Polaco", també m'ho han dit.
I menystenint, la nostre història, cultura, llengua, i realitat nacional. Només cal veure com ens tractes l'
estat espanyol.
En fi, que n'hi ha per tothom, però a casa nostre...d'eu n'hi do.
I ho fan de totes bandes.
Visca la Terra...Lliure!
L'Ernest, "El Tàrrega".

  • 2
  • 0
francesc palma
8.

Què es pot esperar d'un facha coma lo Fabiol.

  • 5
  • 0
garric
7.

#6 Plan dich !

  • 12
  • 6
Biòl Occitània
6.

Nos cal de femnas coma Fatima en Occitània. Nos cal de Fatimas que nos ajuden a combatre l'intolerància e l'òdi que patissèm al país, e quitament dins l'occitanisme!

  • 20
  • 8
toni alcanar
5.

de fora vindràn i al carrer ens tiraràn

  • 3
  • 14

Escriu un comentari sus aqueste article