CAPÇALERA2: IEA-AALO

Jornalet, gaseta occitana d'informacions

Dimècres, 19 de decembre

Actualitats

Divendres, 24 de març de 2017, 03h00 Lenga,Escòla

Ja es creada una agregacion per l’occitan

Los professors d’occitan e d’autras lengas dichas regionalas o de França poiràn enfin passar amb lor disciplina lo concors de recrutament mai naut de l’ensenhament public segondari


Comentaris 13 comentaris    
Marrit Flac Bon Plan bon Fabulós (12 vòtes)
carregant En cargar


La ministra de l’Educacion Nacionala francesa o aviá promés en octòbre passat, la FÈLCO e lo Blòg Occitan de France 3 o anoncièron ièr 23 de març:  ven de se publicar al Jornal Oficial de la Republica Francesa l’arrestat datat del 15 de març de 2017 que crèa oficialament l’agregacion de Lengas de França.
 
Concretament, los professors d’occitan e d’autras lengas dichas regionalas o de França poiràn enfin passar amb lor disciplina lo concors de recrutament mai naut de l’ensenhament public segondari. Fins ara, existissiá solament lo CAPES, lo concors de nivèl inferior, çò que causava una discriminacion. Los professors d’occitan, de basco, de breton, de catalan, de còrs, de creòl e de tahitian, per èsser titulars de l’ensenhament segondari public, avián pas d’autra causida, per ensenhar lors lengas, que de passar lo CAPES, amb la lenga mal nomenada regionala sovent partejada amb una autra disciplina coma lo francés, l’istòria-geografia o l’espanhòl, e una remuneracion e un temps de servici inferiors als de l’agregacion.
 
Lo nòu concors, jos sa forma extèrna, prevei una espròva comuna escricha de sèt oras sus un programa de civilizacion definit per de problematicas sociolingüisticas e istoricas, e d’espròvas especificas a cada lenga de comentari de tèxt e de traduccion a partir del francés e devèrs lo francés. Los candidats qu’auràn reüssit l’escrich passaràn puèi d’espròvas oralas, dont la tradicionala leiçon d’agregacion e doas explicacions de tèxt, la primièra en francés e la segonda dins lor lenga dicha regionala. I aurà tanben una agregacion intèrna, reservada als que son ja professors, amb d'espròvas especificas.
 
Demòra de saber la data exacta del començament d’aquela nòva agregacion e lo nombre de pòstes afectats al concors. D’efièch, lo feble nombre de pòstes prepausats al CAPES d’occitan es dempuèi un bèl brieu un chepic constant dels defensors de la lenga nòstra. 





abonar los amics de Jornalet



publicitat



Comentaris

25 de març 09.31h

#11 Mercé: l'article es mes a jorn.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

25 de març 08.59h

La responsa (en partida) a la question d'Emmanuel es tanben dins lo BO:


"Les candidats font l'objet d'un classement distinct selon l'option choisie."


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

25 de març 08.54h

L'agregacion intèrna es tanben creada . Per legir lo detalh de las espròvas (Cf BO https://www.legifrance.gouv.fr/affichTexte.do?cidTexte=JORFTEXT000034258671&dateTexte=&categorieLien=id)


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

24 de març 21.33h

Òm pòt totjorn cercar bregas, mas per un còp qu'i a una avançada clara la cal sustot festejar!

Per l'agregacion intèrna, veirem plan çò que l'evolucion dirà e se caldrà batre encara de segur. Tant coma lo nombre de pòstes al CAPES... e d'un biais général, s'ameritariá mai de pòstes dins totas las disciplinas en extèrn coma en intèrn... Mas avèm enfin una agregacion, macarèl ! Es a dire lo concors mai naut dins l'EN e doncas una reconeissença que grandís ! E quora agacham en... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

24 de març 19.31h

Dins lo microcòsme de l'ensenhament de l'occitan i poiriá aver una dificultat consecutiva a aquela creacion.
Efectivament se i a pas d'agreg intèrna, a bon drech anar seràn los professors ja en plaça, e titulari del capes, qu'i se presentaràn. Aital lo nombre de pòstes autrejat a l'agregacion aumentarà pas lo nombre de professors davant los escolans...mas poiriá far demesir mecanicament lo nombre de pòstes al capes.
Per las autras matèrias (metem: lo francés), es çò meteis, mas... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

24 de març 16.04h

L'estructura de las espròvas definidas es clarament la d'una agregacion extèrna: mai d'espaci a l'erudicion que non pas a las competéncias professionalas. Aquò vòl dire que i aurà dos tipes de candidats: los professors certificats d'occitan que cercaràn una promocion e d'estudiants que, bensai, s'assajaràn a l'encòp al CAPES e a l'agregacion...


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

24 de març 15.51h

#4 Es plan rare d'aver un ministre favorable a las lengas regionalas. E encara mens d'aver d'avançadas. La màger part del temps lo ministre « a res contra », e es dificile de li fa far quicòm per las nòstras lengas. Doncas es una victòria.
Per veire la supression de l'agregacion, caldriá ara un ministre francament oposat ; un « qu'a pas res contra » farà pas res (ni dins un sens ni dins l'autre).
En mai, es mai aisit de mobilizar de monde sus una ataca contra las lengas regiona... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

24 de març 15.43h

Viscuda coma una promocion, es sovent l'agregacion intèrna qu'es cobejada pels candidats. Qual sap cossí adobaràn aquò e quantes i aurà de pòstes entre : capes extèrne/intèrne, cafep (ensenhament privat jos contracte) , agregacion extèrna/intèrna ?


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de març 15.42h

Vesi que entre las lengas ditas regionalas de França mancan l'alemand, lo neerlandés e l'italian i apareis jos lo nom de corse. Son pas las unicas que i mancan. En cercant ne traparetz aisidament d'altras.


Valoriza aqueste comentari:   votar positiu 1   votar negatiu 5
Respondre comentari replica Comentari inadeqüat   Formulari d'abús de comentari

24 de març 12.55h

Vesètz-i pas de marrida fe de ma part, mas òm pòt pas s'empachar de soscar que se la ministra francesa de l’educacion (per quala las lengas regionalas son parpèlas d'agaça) a confirmat aquesta agregacion per la lenga occitana (que de tota mena pòt ésser suprimida d'aqui quauques meses pel govèrn seguent...) es que l'estat francès parisenc i vei pas un grand risc. Una joguinha dau govèrn actual a unas setmanas d'ésser forabandit ? N'avèm vist tan d'autras, ai !


Valoriza aqueste comentari:   votar positiu 18   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Viure Nadal a l’occitana

Lo jacobinisme sembla una religion, e non pas de las tolerantas. Los prèires e los cresents fanatics de la laïcitat, venerada amb fe e passion, perseguisson tot simbòl religiós ...
giny

Lo temps

Mapa
  • sol Agen 12 5
  • sol Aush 13 3
  • nuvols Bordèu 12 7
  • sol Briançon 1 -8
  • sol Caors 11 5
  • sol Carcassona 12 1
  • sol Clarmont-Ferrand 10 4
  • sol Confolent 8 4
  • sol Gap 6 -1
  • nuvols La Canau 12 7
  • sol La Gàrdia 8 2
  • nuvols La Torre de Pèlitz 4 -2
  • pluja Limòtges 8 4
  • sol Lo Borg Sant Dalmatz 3 -1
  • sol Lo Puèi de Velai 6 0
  • nuvols Marselha 14 3
  • nuvols Montpelhièr 14 8
  • sol Naut Aran 8 -4
  • sol Niça 1 -7
  • nuvols Nimes 14 3
  • sol Pau 12 4
  • pluja Peireguers 8 5
  • sol Rodés 11 5
  • nuvols Tolon 12 4
  • sol Tolosa 13 3
  • nuvols Valença 7 1

giny

giny

Vidèos

giny

giny

giny

publicitat

lateral 2 teveoc

Entrevista

Siáu mai optimista per la cultura que per la lenga

Robert Rourret Professor d’istòria-geografia a la retirada

Siáu mai optimista per la cultura que per la lenga
publicitat

LATERAL 1-2: IEA-AALO



publicitat

LATERAL2 330x60: Casteth Paums

Fotografias

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    País Bordalés

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Conselh Generau d'Aran

    Lo Torn de França 2016 en Aran

  • Valadas. © Xavi Gutiérrez Riu

    Valadas

  • Pòrt de Niça: Li galeras

  • © Celèsta Toion

    La plaja espaci de libertat? D'expression?

  • © Franc Bardòu

    Tèrra albigesa

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Laurenç Revèst

    Fòrt Maginòt de Sant Anhe

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Dau castèu de Grimaud

  • © Laurenç Revèst

    Mónegue

  • © Franc Bardòu

    Asuèlhs de Lauragués

  • © Xavi Gutiérrez Riu

    Tarba

  • © Franc Bardòu

    Darrièr refugi abans l’envòl (1206-2016)

  • © Laurenç Revèst

    Menton, 'a vivaroalpenca maritima

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

giny

Las mai...

publicitat

LATERAL2 300x250: Cultura Conselh Aran

giny

Sondatge

Per tu, Nadal es una fèsta:


5%



17%



15%



57%



6%




Vots 87 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)