CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimars, 17 d'octòbre

Actualitats

Dijòus, 8 de setembre de 2016, 03h00 Societat,Politica

Lengadòc > Lengadòc Bas > Narbonés

La Dintrada analisarà ongan perqué l’ultradrecha s’installa en Occitània

Los 24 e 25 de setembre, l’universitat de rintrada de l’occitanisme analisarà divèrses subjèctes de l’actualitat politica occitana e europèa


Comentaris 19 comentaris    
Marrit Flac Bon Plan bon Fabulós (6 vòtes)
carregant En cargar


Après lo succès d’arunan, torna a Pòrt Leucata “La Dintrada”, l’universitat de rintrada de l’occitanisme qu’ongan se tendrà los 24 e 25 de setembre. Jos lo lèma “Pensar Occitània”, l’eveniment es coorganizat pel Partit Occitan e per l’Aliança Liura Europèa e ten lo sosten del Parlament Europèu.
 
L’eveniment cèrca d’aprigondir divèrses subjèctes de l’actualitat politica occitana e europèa coma l’ecologia, la descentralizacion, l’autonomia de las regions d’Euròpa, la politica lingüistica e culturala d’Occitània, la candidatura de Troadec a la presidenciala, etc...
 
 
Debat sus l’ultradrecha en Occitània
 
De soslinhar, totun, lo debat entitolat: “L’extrèma drecha, una fatalitat occitana?” que comptarà amb la preséncia de Gérard Tautil, autor de Le roman national français, au défi de l’extrême droite; Anna-Maria Hautant, conselhièra municipala d’oposicion a Aurenja e Hervé Guerrera, conselhièr municipal a Ais de Provença.
 
Aquel debat vòl analisar la pojada de l’extrèma drecha pertot en Euròpa del temps que los partits politics tradicionals pèrdon lo poder dins certans territòris. En Occitània es implantada dins plusors vilas e sas practicas son inquietantas. Mas l’ultradrecha progrèssa. Lo debat cèrca de comprene çò que se passa en Occitània e quals son los factors que fan qu’aquel populisme xenofòb tròbe al país nòstre un terren favorable.
 
 
Hautant expulsada manu militari del conselh municipal
 
Lo 16 de setembre de 2013, la conselhièra municipala Anna-Maria Hautant, elegida pel Partit Occitan (PÒC) a la comuna d’Aurenja (Comtat Venaicin), patiguèt una temptativa d’expulsion manu militari del conselh municipal pr’amor qu’aviá mostrat son desacòrdi amb lo primièr cònsol Jacques Bompard, de la Liga del Sud, èx-Front Nacional (FN).
 
Pendent que se debatiá l’aprobacion de la carta dels ecoquartièrs, Hautant mostrèt son desacòrdi en argumentant sas intervencions. Lo primièr cònsol Bompard interrompèt la conselhièra occitanista, en considerant son ironia coma una provocacion, e exigiguèt l’expulsion d’Hautant per contunhar lo conselh. Apelèt la polícia municipala.
 
Del temps que los policièrs arribavan, la tension se calmèt e los policièrs demorèron a la pòrta del conselh. Mas qualques minutas puèi, la tension montèt tornarmai amb una autra intervencion dissidenta d’Anna-Maria Hautant. Es alavetz que lo cònsol ultradrechista demandèt a la polícia d’expulsar l’elegida municipala.
 
Èra pas lo primièr còp qu’aquò se passava. Lo 21 de genièr de 2004, lo cònsol aviá fach venir sièis policièrs qu’expulsèron per la fòrça l’elegida occitanista del conselh municipal.

 
 

L'extrême droite à Orange : la police... per PartitOccitanTV



publicitat



Comentaris

10 de setembre 22.55h

Lo mai espantant es de vèire cossi emai a co de certs occitans l'ultradrècha francimanda (doncas nacional-parisenca) a ganhat los esperits. Que siague a co dels identitaris de la "Ligue du Midi" que coneissan pas res a l'istoria de l'oc e que son quitament pas fotuts de charrar occitan, vist que lor sola e unenca reivindicacion es l'odi de "l'arabi", e basta. O, mai trist encara, a la pagina dels lectors dau Jornalet amb las prosas paranoïaco-racistas dau Pessamesse-Samosate-Comtessa-Patin-... Legir mai


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

10 de setembre 21.02h

#17 Lucha Occitana... An una polida pagina wiki en anglés, eles. Aquò's ja quicòm, tè!
Bon, las luchas fratricdas son pas mon fòrt, e comprene que vos tornar metre en question es bensai pas possible.
Mas vaqui, cau acceptar que i age de divisions e de clivatges dins lo movement occitan. L'occitanisme es pas una posicion politica: dins l'occitanisme i mantunas posicions politicas ; atanben cèrts que se posicionan politicament en se voler pas posicionar. Ponch.
E lo PNO istoricament es a... Legir mai


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

10 de setembre 19.01h

#16
Escrivètz que "Lo PNO es lo partit de la drecha occitana en 2016, la sola causa que vos separa dau FN es la color dau vòstre drapèu." Aquesta opinion engatja pas que vos.

Me rapela simplament lo triste temps d'una organizacion que s'apelava Lucha "Occitana", que son objectiu primier èra pas de combatre l'estat colonial francés, mas de combatre lo PNO que ne volia sortir Occitània. Sètz dins la meteissa dralha, contunhatz de perdre de temps es lo vòstre dreit.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

10 de setembre 00.01h

#15 E ben. Persistisse : Badinter es la quita figura de l'intellò laïcarda qu'es passada a drecha. Un pauc coma vos qué, balhaire de leçons, moralista e dogmatica, polit tablèu...
Sivens: avètz benlèu donat la paraula a totòm dins vòstre jornau a tiratge "nacionau", mas avètz pres posicion coma partit (es vòstre drech): solament aquò èra una posicion de drecha. Alavetz vengatz pas negar lo peis. Lo PNO es lo partit de la drecha occitana en 2016, la sola causa que vos separa dau F... Legir mai


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

9 de setembre 22.30h

#14
Dòna Badinter representa la drecha francesa : aquela empega.
Dins lo n° del Lugarn que seguiguèt la mòrt del Remi Fraisse balhèrem la paraula a totes, tant los qu'èran contra coma vosaus coma los qu'èran per Sivens.
Aquò s'apèla LA DEMOCRACIA.
Urosament que l'istòria dau movement occitan serà pas escrita per de monde coma vos.
Foguèsse lo cas planhiriai de legir una istòria revisionista de l'occitanisme.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

9 de setembre 18.25h

#12 Que òc, e Badinter representa uòi la drecha francesa.
Puslèu que d'ironizar e de faire d'ipotesis sus mon pauc de coratge supausat, avètz pas parlat de Sivens. Çò de segur es que lo remembre de Remi Fraisse vos empacha pas de dormir.
Sivens es estat la darrièra estapa dau naufragi dau PNO, l'istòria dau movement occitan se'n rampelarà.


Valoriza aqueste comentari:   votar positiu 3   votar negatiu 2
Respondre comentari replica Comentari inadeqüat   Formulari d'abús de comentari

9 de setembre 18.25h

#12 Que òc, e Badinter representa uòi la drecha francesa.
Puslèu que d'ironizar e de faire d'ipotesis sus mon pauc de coratge supausat, avètz pas parlat de Sivens. Çò de segur es que lo remembre de Remi Fraisse vos empacha pas de dormir.
Sivens es estat la darrièra estapa dau naufragi dau PNO, l'istòria dau movement occitan se'n rampelarà.


Valoriza aqueste comentari:   votar positiu 10   votar negatiu 2
Respondre comentari replica Comentari inadeqüat   Formulari d'abús de comentari

9 de setembre 14.00h

#11
Vesi car "Tèn tu tèn ieu" que sès tant "coratjos" coma ton cambarada "partits occitans satelits" as pas lo coratge de ta vertadièra identitat personala ... ièu òc.
Soi convencit que "partits occitans satelits" e "tèn tu tèn ieu" son la medisha "coratjosa" persona.

Segon vosaus, ll PNO sèm de dreita per que nos interrogam sus la natura de l'islam ...
Son de dreita Dòna Elisabeth Badinter o encara Myriam Ibn Arabi ?

Condamnariam tot parièr tota forma d'integrisme religios qui... Legir mai


Valoriza aqueste comentari:   votar positiu 3   votar negatiu 9
Respondre comentari replica Comentari inadeqüat   Formulari d'abús de comentari

9 de setembre 13.34h

#9 Un programa sufís pas brica a definir una linha politica, es au mai una declaracion de (bònas, sempre) intencions.
L'FN tanpauc se ditz pas de drecha o d'extrèma drecha (atacan mème de jornalistas per aquò) mai ça que permet de definir la natura politica d'un movement aquò's las sieunas presas de posicion dins l'espaci public.
I a dos debats publics dins los quals las presas de posicion dau PNO los metèron clarament e indiscutiblament dins la linha politica de ça que se sona la "... Legir mai


Valoriza aqueste comentari:   votar positiu 12   votar negatiu 2
Respondre comentari replica Comentari inadeqüat   Formulari d'abús de comentari

9 de setembre 12.34h

Solide, los Partits Occitans Satellits an la rason. "Junts pel Si" a pas partits de drecha dura. Lo "Partit per Catalunya" e "Plataforma per Catalunya" son pas part de lo front per la independéncia, urosament.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

La mongetada d’Aran

Aran es un país occitan que s’es anat destacant de la rèsta del país dins la mesura que la lenga e la cultura occitanas èran a recular, mai que mai de l’autre costat ...
giny

Lo temps

Mapa
  • sol Agen 24 12
  • nuvols_parcials Aush 24 11
  • sol Bordèu 22 13
  • sol Briançon 16 3
  • sol Caors 24 13
  • nuvols Carcassona 22 11
  • sol Clarmont-Ferrand 21 12
  • sol Confolent 21 12
  • sol Gap 22 9
  • sol La Canau 22 13
  • sol La Gàrdia 22 11
  • sol La Torre de Pèlitz 21 12
  • sol Limòtges 21 12
  • sol Lo Borg Sant Dalmatz 22 12
  • sol Lo Puèi de Velai 16 10
  • sol Marselha 24 17
  • nuvols_parcials Montpelhièr 20 18
  • sol Naut Aran 19 8
  • sol Niça 13 4
  • nuvols Nimes 23 17
  • sol Pau 21 11
  • sol Peireguers 21 13
  • sol Rodés 23 13
  • sol Tolon 21 12
  • nuvols_parcials Tolosa 25 13
  • sol Valença 17 11

giny

giny

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • Occitan e economia: "occitanitat mai o mens visibla"

  • © Laurenç Revèst

    Fòrt Maginòt de Sant Anhe

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • Niça vièlha en occitan niçard. © LR

    Niça vièlha en occitan niçard

  • Val d'Aran, cap de Gasconha

  • A Gavotina marítima: Recabruna Cab Martin, a vila vielha e o castèl dau sécolo X

  • A Gavotina marítima: Recabruna Cab Martin, a vila vielha e o castèl dau sécolo X

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Briga (val de Ròia)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Magalí Barceló

    Santa Gabèla: quatrena fèsta del fogal rural La Gabèla

  • © Conselh Generau d'Aran

    Lo Torn de França 2016 en Aran

  • © Xavi Gutiérrez Riu

    Tarba

  • Montpelhièr. © Patrici Baccou

    Campanada d'alarma sus la situacion catastrofica ont se tròban la lenga e la cultura occitanas

  • © Laurenç Revèst

    Via de Buelh a Pèunas a Valberg fins a Sant Laugier

  • D'Auvèrnhe occitan

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Uelhons (País de Tarba, Bigòrra). © Bernat Dubarry

    L'occitan per carrièras (concors de prima 2014)

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Val d'Aran, cap de Gasconha

giny

Vidèos

Las mai...

publicitat

LATERAL1 300X250: radio pais

giny

Sondatge

Participaràs a Era Mongetada d’Aran?


6%



4%



63%



27%




Vots 52 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)