Bandièra01 1180x150: Comuna de Tolosa

Actualitats

La Gàrdia Civila desembarca en Aran per empedir lo retorn de Puigdemont

En Catalonha la polícia inspècta los doats del Parlament e qualques aerodròms, del temps que cèrts mèdias asseguran que Puigdemont sautarà en paracasuda

La frontièra interestatala del Pònt d'Arrei en Aran
La frontièra interestatala del Pònt d'Arrei en Aran | Père Igor
La Gàrdia Civila multiplica sos efectius en Aran, per contrarotlar la frontièra e empedir un eventual passatge del president de la Generalitat de Catalonha, Carles Puigdemont. Segon lo jornal Segre, almens un vintenat d'agents se lòtjan a Quate Lòcs del temps que de nombrosas forgonetas son arribadas dins lo país occitan.
 
Exiliat a Brussèlas dempuèi la fin del mes d'octòbre, Carles Puigdemont risca d'èsser arrestat e mes en detencion provisòria per "rebellion", "sedicion" e "desviament de fonzes". Puigdemont foguèt prepausat diluns passat coma candidat a èsser reelegit president de la Generalitat de Catalonha.
 
Lo president del Parlament de Catalonha, Roger Torrent, anoncièt que la sesilha d'investidura del president de la Generalitat se tendriá dimars venent a la cambra catalana. Torrent faguèt son anóncia après vesitar Puigdemont a Brussèlas.
 
 
La cachavièlha de Zoido
 
En mai d'aquò, lo quite Puigdemont refusèt de demandar de delegar lo vòte o de se far elegir virtualament, çò qu'a provocat la cachavièlha del ministre de l'Interior espanhòl, Juan Ignacio Zoido, qu'assegurèt dimars passat que las fòrças de l'òrdre anavan d'agachons per emedir que lo dirigent independentista poguèsse intra clandestinament "en elicoptèr, en planaire ultraleugièr motorizat, o en batèl", o quitament "amagat dins la mala d'una veitura". Dins aquel sens France Culture se demandava se lo ministre espanhòl parlava d'un elegit, d'un serial-killer o d'un jihadista perilhós.
 
Cossí que siá, la paranòia s'es installada dins l'espanholisme. Mentre que la Val d'Aran s'emplís d'agents que contraròtlan las frontièras politicas, en Catalonha la polícia inspècta los doats del Parlament e qualques aerodròms, del temps que cèrts mèdias asseguran que Puigdemont sautarà en paracasuda.
 
 
Madrid vòl empedir la candidatura de Puigdemont
 
Mentretant, lo govèrn de Mariano Rajoy ensaja d'empedir la reeleccion de Puigdemont. Alara que la vicepresidenta espanhòla, Soraya Sáenz de Santamaría, anonciava dijòus passat que contestarián sa candidatura, lo Conselh d'Estat refusèt aquela opcion. Se pòt contestar un candidat abans l'eleccion, pas après qu'es estat elegit pel pòble.
 
Ça que la, lo govèrn de Madrid renóncia pas, e a presentat al Tribunal Constitucional un recors contra la candidatura de Puigdemont.
 
 
Menaça suls elegits en libertat
 
E mai, l'Avocat General de l'estat espanhòl  menacèt de far tornar en preson los deputats elegits que foguèron liberats, en cas que votèsson per Carles Puigdemont.
 
 
Los presonièrs politics catalans
 
Lo 16 d’octòbre passat, foguèron mandats en detencion preventiva los presidents de las doas associacions independentistas, Jordi Cuixart, president d’Òmnium Cultural, e Jordi Sànchez, president de l’ANC.
 
Puèi, lo 2 de novembre, encarcerèron lo vicepresident Oriol Junqueras e los ministres Joaquim Forn, Raül Romeva, Jordi Turull, Dolors Bassa, Carles Mundó e Meritxell Borràs. Son acusats de presumits delictes de sedicion, rebellion e malversacion de fonzes publics.
 
Quants als membres independentistas de l'ancian burèu del Parlament de Catalonha, l'èx-presidenta Carme Forcadell foguèt empresonada mas poguèt sortir l’endeman en pagant una caucion de 150 000 èuros gràcias a la caissa de solidaritat de l’Assemblada Nacionala Catalana (ANC). D’autres quatre membres del burèu del Parlament —solament los de pensada independentista— son en libertat jos una caucion de 25 000 èuros.
 
A l'ora d'ara rèstan embarrats Jordi Cuixart, Jordi Sànchez, Oriol Junqueras e Joaquim Forn.




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
12.

Algú diria, que això es delirant, però no es tal com son ells, una colla de...
Com es pot negociar amb aquesta colls de...?
On es la lògica si n'hi ha? O potser son...-ompliu eles espais de punts com vulgueu, som en un País lliure.
Visca la Terra...lliure!
L'Ernest, "El Tàrrega".

  • 0
  • 0
RICARD TARRAGONA
11.

EL PP va fer convocar eleccions, van dir que respectarien el resultat electoral. Hem votat i guanyat i ara no deixen investir a Puigdemont, busquen l'enfrenament, són aquells que van aixafar civilitzacions d'Amèrica, conquistadors, guerrers, busquen la humiliació del que ha estat sotmès, sigui un toro un molí o tot un poble, polititzar la justícia, construir proves falses, tot el que sigui, tot ho tenen a favor seu.

  • 8
  • 0
Mèfi ! 31
10.

Poirián deslocalizar la tenguda de l'investitura en defòra d'Espanha en un país segur, e rendre impossible l'arrestacion del nòu/ex-president?

  • 5
  • 0
Pep
9.

#7 Vol di Partit de Putes

  • 10
  • 0
Pirolet
8.

#3 Pétain tanben èra anti-bordélique. E lo Papon quand èra a Bordèu e d'autres...

  • 6
  • 0

Escriu un comentari sus aqueste article