Bandièra01 1180x150: Comuna de Tolosa

Actualitats

L’occitan a Oxford

Lo mes de deceme passat, Nadau e Peiraguda que cantèn dab Oxford Trobadors hens l’Holywell Music Room

| France Info
Lo celèbre biologista anglés, Denis Noble, qu’ei conegut per las suas òbras de modelizacion deus sistèmas biologics e mei que mei deu còr. Qu’ei mensh conegut peu sué amor de l’occitan! E totun… Denis e lo hrair Ray, que descubrín la lenga quan vienón en vacanças au país de Gasconha, en los ans 1970. Qu’assistín a un concèrt de Nadau. “La cultura occitana que’m pertòca —ce ditz lo professor de fisiologia—. “La lenga occitana qu’ei hèita entà cantar, coma la lenga italiana. Benlhèu, se s’ac pòt díser, mei que la lenga francesa.”
 
Tornats tà Oxford, que creèn Oxford Trobadors. Aquera canteria que s’interèssan a la musica medievau, tradicionau o actuau, mes totjorn occitana. Lo grop qu’ei constituit d’un quartet de cantaires e de quauques musicaires, guitarras, violoncèl, saxofòn… Que s’inspiran de cants deus XIIu e XIIIu sègles. Que prenen la lenga, la poesia, lo ritme, l’emocion, com, per exemple, Quan le riu de la fontana deu trobador Jaufré Rudèl, dit lo Prince de Blaia. A còps, la musica qu’ei d’estil vielh, autes còps qu’emplegan rock, jazz, musica classica o qu’interprètan cançons navèras coma las de Nadau.
 
Dab aquesta iniciativa, que volen arrevitar ua cultura musicau de las beròias. Lo deceme passat, Nadau e Peiraguda que cantèn dab The Oxford Trobadors hens l’Holywell Music Room, la sala mei vielha d’Europa (1748), la que entenó Haydn. “Qu’ei de non pas créser d’enténer parlar gascon aciu”, que s’exclamè lo Joan de Nadau.
 
 
 
 
Anne-Pierre Darrées



 
 




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Sempre hi ha angels al mond coma Denis Noble que fan causas belhas coma aquestas . Sona molt ben la musica e la letra que pareis actuala, e es vertat que sona melhor que lo francès.

  • 3
  • 0
Mèfi ! 31
5.

Magnific ligam àudio!
A! Los de nadau, vertadièris ambaissadors de la cultura d'òc...
Òsca!

  • 1
  • 0
Bernatmm Tarba
4.

Diu graciós ! Quin auià james pensat atau ua causa ? Prumèr jo hasiài cap coneisher que creser ath torn d'aquerò ! Passat un momentet, quauquas brembanças vengueren cap ath men arrasoament : éra non Rei Ricard (Leon's còr) tau ben tau duc d'Aquitània ? tan bon Gascon parlaire que eth hoc un trobador compausaire en occitan lenguage ? èra non cap eth ?

  • 0
  • 0
Oksitanlaştıramadıklarımızdanmısınız Çatal Höyük
3.

#2 Atal :
http://hpics.li/cc96ed1

  • 0
  • 0
Oksitanlaştıramadıklarımızdanmısınız Çatal Höyük
2.

#1 Me damne tè ; lo 'tea' e non pas thea.

  • 1
  • 0

Escriu un comentari sus aqueste article