CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Dijòus, 20 de junh

Actualitats

Dijòus, 23 d'agost de 2018, 03h00 Cultura,Lenga,Politica,Societat

L’ÒPLO lançarà en setembre un apel a projèctes per un nòu jornal en occitan

Patric Roux afirma a Ràdio País que lo trabalh de las associacions a pas reüssit, e qu’es l’administracion publica que deu prene en carga una politica per la lenga e la cultura occitanas


Comentaris 18 comentaris    
Marrit Flac Bon Plan bon Fabulós (11 vòtes)
carregant En cargar


Lo vicepresident de l’Ofici Public de la Lenga Occitana, Patric Roux, a anonciat sus las ondas de Ràdio País que l’Ofici farà un apèl a projèctes per tornar lançar un jornal en occitan. Dins aquel sens, Roux planh la desaparicion de La Setmana e mai se la justifica per manca d’abonats e d’avenidor. Quant a la crisi de l’occitanisme, pensa que lo militantisme a ja capitat a banalizar lo nom d’Occitània e de l’occitan dins Occitània tota —pas solament la region mas lo país entièr— mas crei que las associacions an pas reüssit lors activitats. Per tant, prepausa un cambiament de natura e que siá l’administracion publica que prenga en carga lo combat occitanista.


Patric Roux a l'Estivada 2012. Imatge d'archiu
© Guilhèm Sevilha





Àudios
  • Escotatz l\'entrevista (MP3, 13' 55'')

    Escolta audio


Nòvas restacadas
Etiquetas
òplo, ràdio país, roux

L’Ofici Public de la Lenga Occitana (ÒPLO) farà en setembre que ven un apèl a projèctes per tornar lançar un jornal en occitan. Atal o a anonciat lo vicepresident de l’organisme, Patric Roux, sus Ràdio País dins una entrevista facha dins l’encastre del Hestiv’òc.
 
“La question d’un jornal en occitan deu contunhar de se pausar, e tre la dintrada, tre lo mes de setembre, farem çò que cal per lançar un apel a projèctes per un novèl jornal en occitan, perque ne cal un. La decision es pas jamai estat de dire ‘volèm pas de jornals en occitan’, ne volèm un, mas ne volèm un que marche, ne volèm un amb d’abonats, ne volèm un amb un lectorat”, çò diguèt Roux, qu’es tanben president del CIRDÒC e elegit de la region qu’a pres lo nom d’Occitània.
 
 
A prepaus de la mòrt de La Setmana
 
Justament, Roux precisèt que voliá un projècte “amb d’abonats” e “amb un lectorat” perque veniá de justificar la desaparicion de La Setmana.
 
D’un caire, l’elegit assolidèt que “çò que s’[èra] passat efectivament [èra] grèu”, e qualifiquèt la desaparicion del jornal occitan de “pietadosa”. En mai d’aquò, precisèt qu’èra estat abonat a La Setmana entrò la fin.
 

Pas d'abonats

Mas d’autre caire, afirmèt que “La Setmana semblava pas pro un projècte d’avenidor”, qu’aviá pas d’abonats.
 

“Sabi pas lo nivèl de resposabilitat de l’Ofici Public de la Lenga Occitana dins aquel afar, çò que me sembla, per contra, es que i a un fum de mond qu’an balhat lor energia immensa per defendre La Setmana, e benlèu qu’auriá mai valgut qu’aquel mond s’abonèsson a La Setmana puslèu que de dispensar una energia fenomenala pertot”.
 
Dins aquel sens, Roux planguèt que i aguèsse pas agut una discriminacion positiva de part dels que defendián la publicacion, mas negativa envèrs l’ÒPLO. Aquí lo jornalista li demandèt s’èra pas justament la tòca de l’ÒPLO d’exercir aquela discriminacion positiva envèrs La Setmana. “As rason —çò respondèt Roux— a una condicion per o far: cal que i aja d’abonats al jornal e n’i aviá pas. N’i aviá pas per Plumalhon, n’i aviá pas per Papagai e n’i aviá pas per La Setmana”.
 
E mai Roux se demanda: “L’argent public, lo cal metre dins un jornal en occitan perque es en occitan sens abonats? Al sol fait qu’es en occitan? O val mai metre aquel argent public dins d’accions que tòquen lo mond? Ieu, ma responsa es de dire: ‘Cal tocar lo mond’”.
 
Interrogada per Jornalet, la gerenta de la desapareguda societat Vistedit, Brigitte Bouncer, diguèt que La Setmana aviá unes 700 abonats del temps que Papagai n’aviá a l’entorn de 300 e Plumalhon 500.
 
 
Cambiament de natura de l’occitanisme
 
Interrogat sus la crisi de l’occitanisme, lo conselhièr regional occitanista reconeguèt que la situacion es marrida. “Pensi que sèm dins un caireforc istoric ont trenta annadas de militantisme occitan an fach quicòm: an fach conéisser lo nom d’Occitània per exemple, [...] e uèi aquela activitat militanta a de besonh d’un cambiament de natura”.
 
D’efièch, Roux precisèt que “i a de mens en mens d’argent public”, malgrat que i aguèsse “mai d’argent qu’abans sus la planeta ”. Per aquela rason assegura que “i a un cambiament del finançament d’activitats culturalas e lingüisticas occitanas que se fasián normalament abans e que uèi venon complicadas”.
 
 
“Las associacions pòdon pus portar la responsabilitat màger”
 
Segon Roux, “lo trabalh de conscientizacion militanta el n’a pas faita la pròva”. Dins aquel sens, precisa que las activitats de las associacions an pas capitat a cambiar “lo pòble occitan, los elegits de las institucions”. Per tant, “benlèu cal començar de pensar que l’investiment prioritari se deu far al nivèl de l’accion publica, al nivèl de las collectivitats, e que deuriá benlèu èsser a la carga de las collectivitas de desvolopar, de metre en plaça una politica en favor de la lenga e de la cultura occitanas”.
 
Tot comptat e rebatut, segon Roux “cal contunhar de bolegar lo vejaire del mond sus nòstra lenga, sus çò que sèm, sus nòstra cultura e tot aquò, e per bolegar tot aquò —se pòt pas faire autrament— aquò deu passar per una politica publica”.
 

 
Podètz escotar l'entrevista dins l'àudio çai jonch, o sul sit  Soundcloud de Ràdio País a partir de la minuta 39.
 
La reaccion de Vistedit a l'entrevista es arribada lèu sus Facebook.
 

 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

27 d'agost 22.28h

Aquest Roux se deue pensar qu' el pot far cambiar la situacion genocida de l'estat francès. La Setmana es una bona revista e cal que seguesca coma sia, amb la juda necesaria coma tots lo jornals de l'atministracion publica e de las associacions. Per ara lo qu' ha reusit pas es el, fotent a la Setmana.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

23 d'agost 22.11h

A fòrça d'èstre desmobilizats e esparpalhats als quatre cantons d'Occitània sens mejan de se veire e de communicar plan, los occitans / occitanistas / occitanofones son menats per d'oportunistas que pescan la subvencion lo dimenge e que te fan de cantamañana lo diluns.
Es pas l'estat frrrancés lo pièger enemics, es l'indoléncia e la passivat nòstra ...
Fotre defòra los occitanistas en carton per començar a s'organizat coma cal en societat / comunautat lingüistica, mediatica, etc.


Valoriza aqueste comentari:   votar positiu 20   votar negatiu 2
Respondre comentari replica Comentari inadeqüat   Formulari d'abús de comentari

23 d'agost 17.04h

Dempuèi que lo Grosclaude a quitat l'OPLO aquel es vengut una galejada sinistra que fenis pas d'agonizar dins lo necitge lo mai capbord CONTRA los interesses de l'occitan. Es vertadièrament vengut l'Office Public de Liquidation de l'Occitan. Fièrament e amb la benediccion de la puta administracion publica qu'a de longa tot fach per nos escanar. Quand s'ausis lor programa om se demanda quina es la part de necitge e quina es la part de provocacion dins aquesta parladura fantasierosa.


Valoriza aqueste comentari:   votar positiu 19   votar negatiu 3
Respondre comentari replica Comentari inadeqüat   Formulari d'abús de comentari

23 d'agost 16.19h

Nòvas Petantas (lo breaking news occitan)

Diu me damne… ! Es pus possible ai la pichona darnièra que dintra amb sa maire del manèja, la femna es tota estrementida e la pichona escampa de lagremas mai que bèla.

E ben femnas de que i a ?

Papà….(samucs)

Apassima te polida mia de que i a ?

ai ai ai vist un òplo…

òu macarèl !

èra quicòm d’orre papà, avia las mans crancudas m’acotissia e me soi botada al recès dins los cotilhons de mamàà.

(la maire)
Oc ben….. co... Legir mai


Valoriza aqueste comentari:   votar positiu 21   votar negatiu 3
Respondre comentari replica Comentari inadeqüat   Formulari d'abús de comentari

23 d'agost 16.01h

Ieu, vesi al mens doas ipocrisias.
La primièra es d’aver demandat una ajuda (refusada) solament per Plumalhon e Papagai quand èra destinada en partida a La Setmana.
La segonda es d’aver refusada aquesta subvencion en rason del nombre d’abonats quand sabèm que l’occitan escrich tòca pas qu’una part pichona dels occitans. (En fasèm de marrit esperit podriam demandar quantas personas dins las regions Occitanie e Nouvelle Aquitaine son prestas a pagar per recebre la publicacion de ... Legir mai


Valoriza aqueste comentari:   votar positiu 14   votar negatiu 10
Respondre comentari replica Comentari inadeqüat   Formulari d'abús de comentari

23 d'agost 15.14h

Legit aqueste matin dens lo "Petit bleu de Pézenas" :
« Le vice-président de l'Office Public a annoncé que l'Office cessera désormais de soutenir l'occitan, mais lancera en septembre un appel à projet pour créer une nouvelle langue régionale. L'occitan, a-t-il déclaré, n'a pas d'avenir, les associations qui tentaient de le défendre ont échoué dans leur action. Pour qu'une langue vive, il faut des locuteurs, or l'occitan n'en a pas. L'argent public, il faut le mettre dans la lang... Legir mai


Valoriza aqueste comentari:   votar positiu 9   votar negatiu 2
Respondre comentari replica Comentari inadeqüat   Formulari d'abús de comentari

23 d'agost 12.31h

"Sabi pas lo nivèl de resposabilitat de l’Ofici Public de la Lenga Occitana dins aquel afar" çò ditz Patric Roux. Es vice-president de l'OPLO solament per far polit alara ??


Valoriza aqueste comentari:   votar positiu 29   votar negatiu 1
Respondre comentari replica Comentari inadeqüat   Formulari d'abús de comentari

23 d'agost 12.27h

1) La setmana auria desaparegut per manca d'abonats ? Rai. Mas tre que l'OPLO farà lo seu jornal, segur que de milierats d'abonats van espelir e se multiplicar a bodre, coma los panetons de la parabola miraclosa. A se demandar se l'OPLO avia jà en ment aquesta "alternativa" de l'OPLO-jornal quand decidiguèt de daissar tombar La Setmana. 2) Quand a l'administracion "publica" (doç eufemism consensual per "administracion centralista parisenca" ) fa pus de 200 ans qu'a pres en carga una poli... Legir mai


Valoriza aqueste comentari:   votar positiu 19   votar negatiu 1
Respondre comentari replica Comentari inadeqüat   Formulari d'abús de comentari

23 d'agost 12.02h

#9 Segur de segur aquo !


Dins las afars las reglas son :

òm fa pas de messorgas sus los bilanç, òm dis çò que l’òm far e las reglas seguidas per o far, òm ne fa constatar l’ennantiment regulièrament, una transparencia absoluda.

Al cap d’un moment d’aquel procediment se botarà en camin la fisança, la fisança es longa d’establir, per contra la desfisança s’establís còp sec e un còp establida cal d’annadas per ensatjar de la reconquistar. O per anar mai d’aviat ... Legir mai


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

23 d'agost 11.57h

Plan B
Se pòt constituir una associacion d'interès general; les dons son fiscalament deductibles a autor de 2/3, çò es un finançament public indirèct. Laquala associacion pòt ajudar le jornal.
Vistedit communica pas nades documents comptables,ni previsional,ni analise economica; sembla que non i auja nada gestion. De quant es le trauc, en euros e en nombre d'abonats?
Se pòt pas faire una opinion seriosa sonqu'ambe de commentaris a la cantonada.


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Orador de Glana: la cruseltat alemanda e l’injustícia francesa

Diluns passat, 10 de junh, se commemorava lo 75n anniversari del chaple d’Orador de Glana, un dels mai crusèls de la Segonda Guèrra Mondiala. Un revenge sagnós dels nazis que ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • © Franc Bardòu

    Asuèlhs Bigordans

  • © Laurenç Revèst

    Fòrt Maginòt de Sant Anhe

  • © Asalaís Moniguet

    Montpelhièr la lengadociana

  • Asuèlhs comengeses. © Franc Bardòu

    Asuèlhs Comengeses

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Laurenç Revèst

    Menton, 'a vivaroalpenca maritima

  • © Zep Armentano

    Era Mongetada (Val d'Aran 28-29 d'octobre 2017)

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    Mónegue

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Aure Séguier

    Carnaval Biarnés 2017

  • © Franc Bardòu

    Tèrra albigesa

  • © Laurenç Revèst

    Besièrs, preséncia d'occitan en ciutat e CIRDOC

  • © Laurenç Revèst

    Via de Buelh a Pèunas a Valberg fins a Sant Laugier

  • Asuèlhs comengeses. © Franc Bardòu

    Asuèlhs Comengeses

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • © Zep Armentano

    XI prèmis Gaudí de l'Acadèmia Catalana del Cinèma

  • © Franc Bardòu

    Tèrra albigesa

giny

Las mai...

publicitat

LATERAL1 300X250: radio pais

giny

Sondatge

Per tu, Lemosin se tròba...


73%



6%



5%



11%



6%




Vots 104 vòtes

comentaris 4

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)