Bandièra01 1180x150: Comuna de Tolosa

Actualitats

L’Union Europèa estúdia pel primièr còp la possibilitat de recular

La Comission presenta las cinc possibilitats après lo Brexit

| Thijs ter Haar
L’Union Europèa ven de far public lo Papièr Blancsus l’avenir d’Euròpa, qu’explica cossí se poiriá tornar bastir quand lo Reialme Unit farà efectiu lo Brexit. Dins lo document, elaborat per la Comission, se dessenha pel primièr còp una possibilitat de reculada, dins la quala se desmantelariá una part del malhum legal e constitucional qu’es l’UE a l’ora d’ara.
 
La Comission prepausa cinc opcions d’avenidor:
 
1. Contunhar coma abans. Basicament, aquò consistiriá a assumir que la sortida del Reialme Unit significa pas cap de cambiament, levat de l’inevitable cambiament territorial e demografic e de volum financièr.
 
2. Recular fins al Mercat Unic. Vaicí la proposicion qu’a mai estonat. Se desmantelariá tot lo malhum institucional que supèra los nivèls de collaboracion delà lo mercat. Per exemple, la politica exteriora comuna. Aquò significariá una reculada enòrma.
 
3. Acceptar una Euròpa de divèrsas velocitats. Consistiriá a permetre que qualques estats europèus poguèsson collaborar dins los airals qu’eles decidiràn, mas sens obligar la rèsta d’estats a los seguir. Per exemple, i poiriá aver d’estats que partegèsson solament lo mercat e d’autres que se i poguèsson integrar politicament dins una federacion que comprendriá pas tota l’Union.
 
4. Far tant de causas mas las melhor far. Aquela opcion implicariá de federalizar solament qualques politicas qu’aguèsson lo sosten dels vint e sèt a l’unanimitat e tornar totas las autras competéncias als estats. Aquò voldriá dire recular dins la politica d’encastre europèu establida a l’ora d’ara.
 
5. Crear una federacion. Vaicí l’opcion contrària a la reculada. Seriá, de fach, aprofechar l’adieu del Reialme Unit per intensificar mai encara las politicas comunas, en fasent que los estats foguèsson mens importants qu’ara.
 
La Comission a per tòca que, dins dos ans, quand lo procès del Brexit serà acabat, los membres de l’Union ajan una fuèlha de rota pachada per evitar de nòvas situacions d’instabilitat. Mas sembla qu’es una intencion fòrça complicada se remarcam las grandas diferéncias e los projèctes opausats qu’a l’ora d’ara i a entre los estats.
 
La Comission Europèa vòl que lo debat sus aquelas cinc possibilitats se limite pas als estats, e lo dobrir tanben als ciutadans amb un procès participatiu.
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

manjacostel murèth
9.

Small is beautiful!
L'UE actuala es candidata a la vitrificacion totala dins una guèrra que l'OTAN nos amadura dempuèi un brieu.
Lo poder de l'UE serà totjorn tròp aluenhat dels ciutadans. Sufis de veire cossi avèm de mal ambe la corrupcion dels nòstres elegits... Los "hobbys" fan la lei a Bruxella e aquò es pas prèp de cambiar , per las potengas, las armas , l'agricultura, la noiridura. L'eurò nos crèba . Vesèm desapareisser una a una las industrias vist que fasèm pas lo pes ambe l'Alemanha per exemple, tanben qu'ambe l'Etiopia o la China . Deman ambe los accòrds signats, las comunas perdran encara un pauc mai de lor libertat. Pensi per exemple a las concessions de l'aiga , de l'energia idraulica per exemple, ont deman, deurèm respectar los "apèls d'oferta" mondials , coma fan ja a l'escala euròpenca .Sèm en passa de perdre nòstra agricultura que serià pas adaptada a las bòrias de mila vacas, veire mai...
Vesèm plan que l'UE farà ren pels pòbles sens estat, veire Catalonha, Escòcia, Còrsa, Occitània ece.....
Bilanç; cal lutar per las quatre sortidas; OTAN , tractats de comerci, eurò, e fin finala UE.

  • 2
  • 0
manjacostel murèth
8.

Small is beautiful!
L'UE actuala es candidata a la vitrificacion totala dins una guèrra que l'OTAN nos amadura dempuèi un brieu.
Lo poder de l'UE serà totjorn tròp aluenhat dels ciutadans. Sufis de veire cossi avèm de mal ambe la corrupcion dels nòstres elegits... Los "hobbys" fan la lei a Bruxella e aquò es pas prèp de cambiar , per las potengas, las armas , l'agricultura, la noiridura. L'eurò nos crèba . Vesèm desapareisser una a una las industrias vist que fasèm pas lo pes ambe l'Alemanha per exemple, tanben qu'ambe l'Etiopia o la China . Deman ambe los accòrds signats, las comunas perdran encara un pauc mai de lor libertat. Pensi per exemple a las concessions de l'aiga , de l'energia idraulica per exemple, ont deman, deurèm respectar los "apèls d'oferta" mondials , coma fan ja a l'escala euròpenca .Sèm en passa de perdre nòstra agricultura que serià pas adaptada a las bòrias de mila vacas, veire mai...
Vesèm plan que l'UE farà ren pels pòbles sens estat, veire Catalonha, Escòcia, Còrsa, Occitània ece.....
Bilanç; cal lutar per las quatre sortidas; OTAN , tractats de comerci, eurò, e fin finala UE.

  • 3
  • 0
Ernèst Guevara Jr.
7.

O cal pas mesclar tot ! Euròpa es una causa. La politica ordoliberala alamanda que fa de l'economia lo projcète e de la populacion lo subjècte DEU recuolar. Mas una politica alternativa a aquesta dictatura dreitista de la finançalha privada es possible dins Euròpa. Es per ela que se cal batre, amb totes los Europèus que non son dispausat a contunhar de s'apaurir per enriquir los rics. Mas per aquò una federacion non basta pas. Cal una sobeiranetat bancària europèa publica. Los que rendon de comptes a las bancas son d'esclaus. La finança deu servir los pòbles, e non pas se servir d'eles, dins e fòra Euròpa.

  • 3
  • 0
Dey Vigneux
6.

Un pro-european vos parla amics denhatz escoltar si u platz racaretz pus tard : Euròpa unida es una idèa nascuda al lendeman gris de plorar del desastre esfraiós tarrible murtrier assassin e repetit comés pels Estats Nacionals d'Euròpa en conflicte entre elses. Estats actuals restaurats que sostenetz. Son nòstres ancians a nosautres que l'an portat aquò e non pas demònis o esperits caduts del cel o belèu estrangers ? Qu sap ?... N'en cargan e n'en cargam la responsabilitat. Es aquò que voletz pas entendre belèu...Fa mal. Òc. Adara cargatz tota la culpa sus Union Europea, aisit aquò es... Qui alimenta la venda de armas ? Es pas vòstres países, non ? es l'union europea ? Ah.... pertant caratz...."mai mon cosin trabalha a las podras... Fau ben manjar!" Cal pas anar bòicotar las eleccions europencas, trobar ren a diser a que se faguen al nivèu nacional o regional de farlabica entre partits nacionalistas, e apres viener plorar que es de merda. Deplòri la fin de la idea europenca. Patirèm. I a ren a pausar per remplaçar, avetz quicòm a prepausar ? Aimi pas Jules Ferry d'autre latz

  • 2
  • 1
francesc palma
5.

L'UE una cova de mercaders e de banquiers al servici del capital, amb sa premsa neurastènica dels propietaris particulars dels diaris. Una porqueria !

  • 3
  • 0

Escriu un comentari sus aqueste article