Actualitats
Marine Le Pen vòl tornar als francs e remplaçar l’èuro per un nòu ÈCU
La cap francista ultradrechista vòl que los païses de l’UE tornen a lors respectivas monedas estatalas, e que l’ÈCU se reviscole
Marine Le Pen, cap de l’ultradrecha francista e candidata del Front Nacional a l’eleccion presidenciala d’ongan, a defendut lo besonh que França e la rèsta de païses de la zòna èuro tornen a lors respectivas monedas estatalas, e mai s’a soslinhat qu'aquelas monedas serián restacadas a una estructura monetària semblabla a l’ÈCU, predecessor de l’èuro.
“L’ÈCU existiguèt al costat de las monedas nacionalas”, çò diguèt Le Pen segon Reuters, ont la cap ultradrechista defendèt qu'aquela convivéncia de monedas auriá pas de consequéncias negativas dins la vida vidanta dels ciutadans franceses.
En mai d’aquò, Le Pen declarèt que per ela lo deute estatal francés deuriá èsser tornarmai exprimit dins la nòva moneda estatala de la Republica francesa.
Acronim de l’anglés European Currency Unit (Unitat Monetària Europea), l’ÈCU èra l’unitat de compte de l’Union Europèa abans l’adopcion de l’èuro. Sa valor se calculava coma ponderada de la valor de 12 de las 15 monedas qu’integravan l’UE.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Marina Le Pen vòl tornar als francs e ieu, als Visogòts… Cadun çò sieu !
Coma totjorn cal passar darrièr los prètzfaches del FN per restaurar la vertat :
1- L'ECU èra pas una moneda. S'en podiá pas crompar ni escambiar tanpauc.
2- I aviá pas "convivéncia" de monedas mas puslèu "concurréncia" de monedas abans l'eurò, dins l'espaci europenc.
3 - Las valors de las monedas europencas se carculavan pas per rapòrt à l'ECU. Èra flotejantas. Se carculavan per rapòrt als escambis suls mercats.
- Gaireben coma a l'ora d'ara. Aquò's lo programa de 1èra/Terminala del licèu seccion ES.
- Levat que l'eurò levèt als Estats tota possibilitat d'aver una politica economica monetària pròpria.
- Levat qu'a l'epòca lo dollars èra la moneda tras que dominanta, que sol l'eurò permetèt d'equilibrar. Fin finala, l'eurò foguèt tanben una responsa qu'anèt dins lo sens dels "Estats fòrts" e autres nacionalismes (pas sonque ça que la).
- Lo problema de l'eurò es que democraticament escapa a tot contraròtle. La Banca Centrala Europeana escapa a tot contraròtle de totas las institucions (qua sián estatalas o europeanas). La BCE, tota sola, decidís de las politicas economicas monetàrias per la zòna eurò tota. Rauba de tal biais tota possibilitat de fargar una politica economica comuna autra que la decidida per la BCE.
Aquel raubament es ideologic. Aparten a las respresentacions del "neo-liberalisme" que considèra que l'esphèra economica deu èsser completament ligada al "mercat" e doncas destacada del "politic" - e doncas del democratic.
Tòrni mandar als trabalhs de G. Azam, e gaireben amb ela a totes los trabalhs dels economistas "eterodoxes".
#3 Ai pas de besonh de legir Maurras per defendre lo federalisme. Èra tanben per la monarquia. E vos parli pas de son ideologia d'extrèma drecha. Nos podriam inspirar de Vercingetorix per defendre l'identitat d'Auvèrnha. Sèm en 2017 !!!!
Doncas sa novela solucion es de tornar a " l'union latina" una moneda semi comuna. Fasia quant de temps que la cola del FN cerca un escapatori a la problématica economica amb coma alfa e omega al poder de crompa dels productors captius de pichonas termieras, la sola valor del metal. Per que lo grand capital posca far sas ventas per res en defora del pais al pretz dau sang e de la susor del trabalh de las pichonas mans. Cossi cromparem los utis que menon al foncionament decentralisat a bas costs del monde de doman los ordinadors que son pas madinaqui!! Lo cost del numeric va s'enausar. Ai sonque d'offertas de servicis dins nostre economia !
Merces plan al media qu'au fach de longa la reclama del partit jacobin tot ne balhant l'eire de lo crenher.Mas lo que me fa soscar al pieger, es que si aquo recampa nombre votes la coalicion jacobina-conservatritz: FGVUMPS va finir de portar lo brinde amassats al brave pople un cop de mai !
La fachista sap que fent populisme pot guanhar vots dels subnormals. Tots hem pensat moltes vegades que l'UE del banquiers es una merda, acò ho sabem tots, manco lo pp-Psoe
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari