Bandièra01 1180x150: Comuna de Tolosa

Actualitats

Mireia Boya prioriza l’occitan davant las televisions espanhòlas

“Er occitan ei lengua oficiau en Catalonha e en dusau lòc aurie d’èster er occitan e non eth castelhan”, çò justifica la deputada aranesa

La deputada aranesa Mireia Boya bailèt son ponch de vista als jornalistas de las televisions diluns passat. Après son intervencion en catalan, li demandèron d’o repetir en espanhòl, çò que refusèt en disent qu’o podiá far en occitan, e o faguèt en lenga nòstra.
 
“Tostemp mos hèn a hèr es declaracions en catalan e dempús en castelhan entàs televisions espanhòles”, çò expliquèt pus tard a Jornalet la deputada occitana. “Totun er occitan ei lengua oficiau en Catalonha e en dusau lòc aurie d’èster er occitan e non eth castelhan”, çò precisèt per justificar son prepaus. En mai d’aquò, “aqueth dia es televisions espanhòles hègen un seguiment fòrça parciau der eveniment”, çò que levèt a la deputada occitana l’estrambòrd per collaborar amb aqueles mèdias.
 
Mireia Boya occitana se trobava dins la molonada que manifestava son sosten a l’èx-president de la Generalitat de Catalonha Artur Mas, l’èx-vicepresidenta Joana Ortega e l’èx-conselhièra de l’ensenhament Irene Rigau. Los tres elegits èran davant los tribunals per aver organizat lo procès participatiu del 9 de novembre de 2014: son acusats de desobesissença grèva, prevaricacion, malversacion de fonzes publics e usurpacion de foncions.
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

MC M
13.

#12 "Aué èm ací entà defensar que mos estant jutjar a totis."

  • 7
  • 0
Denis Capian Privàs
12.

Quauqu'un me pòt transcriure çò que ditz en occitan la Mireia Boya que ieu o comprene pas tot ?
Grandmarcí d'avança.

  • 4
  • 1
Lo Calen Marselha
11.

#5 Lei provençaus se'n fotèm pas, au contrari aquò nos interèssa. Gramací a la deputada aranesa! "Deis Aups ai Pirenèus, e la man dins la man, / trobaires, auborem donc lo vielh parlar roman" (Frederic Mistral)

  • 9
  • 1
Francesc Palma
10.

Ben simpatica e agradabla Na Mirelha, els periodistas sembla que li disen que pot dir-ho en occitan.

  • 6
  • 0
bjhv
9.

#3 Deishatz de saunejar : los Auvernhats o los Provençaus o digun ne canta pas arré. Be se'n foten plan e que'm demandi bien se n'an pas reson...

  • 3
  • 5

Escriu un comentari sus aqueste article