Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBigòrraLavedan

Paganta, la montanha?

A comptar deu mes d’abriu, que’vs calerà desborsar ueit èuros entà gahar los lacs de la resèrva de Nèuvielha

A comptar deu mes d’abriu, que’vs calerà desborsar ueit euròs entà gahar los lacs de la resèrva deu Neuvièlha
A comptar deu mes d’abriu, que’vs calerà desborsar ueit euròs entà gahar los lacs de la resèrva deu Neuvièlha | Paci Laetitia

Tèxte legit

Après l’accès a la vath deu Marcadau, lo de la resèrva de Nèuvielha (Lavedan) que vaderà pagant tanben. Ua peticion qu’ei en linha per la gratuitat de l’accès aus ambients naturaus.


A comptar deu mes d’abriu, que’vs calerà desborsar ueit èuros entà gahar los lacs de la resèrva de Nèuvielha. Lo conselh departamentau qu’a votat l’arrestat per de bon lo mes passat. Dinc adara, lo parcatge èra pagant deu lac d’Oredon enlà sonque, mes dab un dispositiu installat mei baish enqüèra, qu’ei la resèrva sancèra qui vad paganta.
 
Oficiaument, la preservacion deu site naturau que justifica aqueth cambiament màger.
 
Vertat, taxas qu’existeishen dejà en quauques parçans pirenencs, mei que mei pendent l’estiu (l’ola de Gavarnia o lo parcatge deu Pont d’Espanha a Cauterets) mes totun, rénder pagant l’accès sancèr, taus quites caminaires, que pausa mei d’ua question. Los Pirenèus que son benlèu vaduts ua marca chic de temps a, n’ei pas ua rason tà los manejar com ua enterpresa! (Lo mes passat, l’associacion Ua Marca peus Pirenèus qu’estó aviada entà desvolopar l’atractivitat de tota la cadena dab la marca "Pirenèus").
 
D’alhors, l’article L23 33-81 deu còde generau de las collectivitats territoriaus qu’ac ditz que, en dehòra de quauques circonstàncias especificas, "l’accès a l’espaci naturau que deu estar mantienut libre e a gratis".
 
Tanben, la lei montanha qu’estipula que "ne pòden pas empachar quauqu’un d’accedir a la montanha".
 
Deu costat deus professionaus, òm s’inquièta d’aquera tendéncia creishenta au "tot pagant" (a la montanha com pertot) qui chic a chic estrema los mei praubes deus lésers.
 
Qu’avem contactat a David Bordes, acompanhator de montanha en Vath d’Aussau.
 
 
 
 
Joan-Nadau Commeres




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Cairon Florentin d Albigés
11.

#10 Nòstra Dòna del Bon Conselh nos esclaira encara un còp de son lum divin sus çò de far, e que ela pòt pas far, ajocada qu'es , plan a posita, dins sa nivolada mofla, e confla de rasonaments, luenha de la lorda realitat pagana.

  • 2
  • 5
Mèfi ! 31
10.

#9 Le malhum dels clubs existents es un espaci obèrt per un occitan recreatiu non-sectari de desenvelopar...una forma de co-oficialitat :) ! Sonque d'animators qualificats pòden ronçar de sortidas segurizadas; cal una ouffèrta e una demanda...
PS: degun rapòrt amb le movement macronista En Marcha!

  • 1
  • 0
Gerard Cairon Florentin d Albigés
9.

#8 Plan mercé per las entresenhas. Mas coneissi ja un pauc lo mitan dels randolejaires tarneses. Esperavi qu'anavetz lançar aquel malhum novèl en ligason amb la lenga e la cultura occitana; mas vèsi, que coma tot bon caminaire, vos estimatz mai de far un pas en rè, que dos en davant quand aquò ven regde o que cal pausar d'actes concrets sus de proposicions interessantas.

  • 2
  • 0
Mèfi ! 31
8.

#7
https://www.randonnee-tarn.com/nos-associations/programme-de-nos-associations/
que suffis de s'i sarrar dedins per començar...

  • 1
  • 0
Gerard Cairon Florentin d Albigés
7.

#6 Es ben plan per aquò, se vos sembla pas complicat, sèm fòrça caminaires que podèm comptar sus vos per metre en plaça aqueles clubs e aquel malhum...

  • 2
  • 0

Escriu un comentari sus aqueste article