CAPÇALERA2 DINTRADA2018

Jornalet, gaseta occitana d'informacions

Dijòus, 20 de setembre

Actualitats

Dimenge, 25 de junh de 2017, 03h00 Politica,Internacional

París càmbia de vejaire: “La destitucion de Bashshar Al Asad es pas una condicion prèvia per res”


Comentaris 8 comentaris    
Marrit Flac Bon Plan bon Fabulós (1 vòte)
carregant En cargar


París càmbia sa linha política: lo president francés, Emmanuel Macron, pensa qu’a l’ora d’ara i a pas cap d’alternativa viabla al president de Siria, Bashshar Al Asad, per evitar que lo país venga un estat falhit.
 
“La nòva perspectiva qu’ai aguda sus aquel sicut es qu’ai pas declarat que la destitucion de Bashshar Al Asad siá una condicion prèvia per res, perque degun m’a pas mostrat un successor legitim”, çò diguèt lo president francés dins una entrevista a mai d’un jornal europèu.
 
Lo nòu apròchi de Macron es diferent del discors politic de son predecessor, François Hollande, que cercava dobèrtament un cambiament de govèrn en Siria. “Al Asad es l’origina d’aquel problèma, e pòt pas far partida de la solucion”, çò assolidèt lo president francés d’alara davant l’Assemblada Generala de l’ÒNU en 2015.
 
Macron assegura que la politica francesa envèrs Siria es ara mai alinhada amb los objectius russes dins lo país arabi. Lo cap de l’Elisi soslinha que la lucha contra totes los grops terroristas es primordiala. “Son nòstres enemics. Avèm besonh de la cooperacion de totes, mai que mai de Russia, per l’eradicar”, çò remarquèt Macron.
 
Segon sas paraulas, la politica francesa se centrarà sus aténher l’“estabilitat” en Siria en luòc de s’engatjar dins un conflicte de la manièra libiana. “Quin es estat lo resultat d’aquelas intervencions? D’estats falhits ont son nascuts los grops terroristas. Vòli pas aquò en Siria”, çò afirmèt lo dirigent francés.
 
Lo president francés volguèt soslinhar que París considerariá una intervencion militara dirècta contra Damasc solament “se se demòstra que s’utilizan d’armas quimicas e se detècta lor origina”. En aquel cas, França realizariá d’atacas unilateralas “per destruire los depauses d’armas quimicas identificats”.
 
“Ma conviccion prigonda es que i deu aver una fuèlha de rota diplomatica e politica. Resolverem pas la question solament amb la fòrça militara. Aquò es una error collectiva qu’avèm comesa”, çò declarèt Macron.
 
 


Aquesta nòva es adaptada de Geopolítica.cat amb qui Jornalet ten un acòrdi de cooperacion.
 
 


abonar los amics de Jornalet
 



publicitat



Comentaris

28 de junh 09.58h

#7 Perque s'obstinar a usar de catalanisms aqui ont existissan de mots occitans ? Aqui ont l'occitan pòt fargar de neologisms qu'an l'estampa de l'engèni de la lènga nòstra ? Per esnobism ? Malconeissènça de la lènga ? O benlèu que son de dècas involontarias d'un redactor abans tot catalanofòn ?
De tot biais es vertat que trapar tal o tal catalanism o espanholism din un tèxt en occitan a sovent un retaston d'artificialitat.
Dins las annadas setanta , a una epoca ont los diccionar... Legir mai


Valoriza aqueste comentari:   votar positiu 16   votar negatiu 1
Respondre comentari replica Comentari inadeqüat   Formulari d'abús de comentari

27 de junh 10.49h

Prot organizaire,

"prèvia" es evidentament un ispanisme (dirai pas un castilhanisme per frostir pas las susceptibilitats), l'anglés diria preliminary ( but not previous), l'italian preliminare per revirar lo mot "préalable".
"prèvia" es un barbarisme completament desconegut e "imbitable" per los occitanofones de França.
Co que se passa quand es negligida la nocion de "lenga capèl"...


Valoriza aqueste comentari:   votar positiu 15   votar negatiu 1
Respondre comentari replica Comentari inadeqüat   Formulari d'abús de comentari

27 de junh 00.01h

Ben dit Macron, lo primier es acabar amb lo terrorisme e l'EI tant sia a Siria coma endacom mai.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

26 de junh 17.25h

#4 Los neologismes e los manlèus son una necessitat per una lenga viva, mas un jornalista deuriá indicar al lector los mots qu'inventa una minuta abans d'escriure e que sol el, e los Espanhòls, coneisson.
Encara que, tot lo monde a ben lo drech d'escriure coma vòl.


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

26 de junh 13.18h

Cat,
"una condicion prèvia" aquo vol dire una condicion "en meme temps": aquo pren plaça dins lo moviment de la modernizacion de la lenga occitana iniciada per nostre President e las forças en marcha.
Dins lo meme esperit, ara cal dire "lo cap de l'elisi" per l'Emanuèl parièr coma "lo cap del 10 Carrièira Dabaladissa" per la Theresa.
Aquo's oficial al Jornalet.


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

25 de junh 13.34h

Los curds seràn contents de saber que son pas un alternativa politica viabla.

França serà tanben contenta de saber que per Macron, la democracia laïca es pas una alternativa politica viabla contra la dictatura.


Valoriza aqueste comentari:   votar positiu 18   votar negatiu 2
Respondre comentari replica Comentari inadeqüat   Formulari d'abús de comentari

25 de junh 11.14h

Mercé de me dire çò qu'es "una condicion prèvia".


Valoriza aqueste comentari:   votar positiu 7   votar negatiu 4
Respondre comentari replica Comentari inadeqüat   Formulari d'abús de comentari

25 de junh 05.33h

alleloià ! sortem dau neient politic d'un que foguèt president de la republica amb lo nivèu d'un secretari despartamentau dau partit socialista, avèm de s'aliar amb aquelei que combaton Daesh, emai que li aguèsse una dictatura, emai que lei chiites sián aitant obscurantistas que lei sunites; eli, au mens se fan pas sautar amb una bomba per rejonher fissà fissà (aquo ei d'arab : lèu lèu) lo paradis d'Allah qu'ei la soleta superioritat que li podèm reconèisser


Valoriza aqueste comentari:   votar positiu 3   votar negatiu 13
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Catalonha e Aran: la rintrada s’anóncia cauda

La Diada d'ongan en Catalonha es estada excepcionala. Pel primièr còp en democracia, los catalans an celebrat lor fèsta nacionala amb lors elegits e representants encarcerats o ...
giny

Lo temps

Mapa
  • sol Agen 32 16
  • sol Aush 34 17
  • sol Bordèu 32 17
  • sol Briançon 24 9
  • sol Caors 31 14
  • sol Carcassona 31 15
  • sol Clarmont-Ferrand 30 16
  • sol Confolent 28 15
  • sol Gap 30 14
  • sol La Canau 32 17
  • sol La Gàrdia 24 16
  • sol La Torre de Pèlitz 28 17
  • sol Limòtges 28 15
  • sol Lo Borg Sant Dalmatz 29 17
  • sol Lo Puèi de Velai 28 14
  • sol Marselha 31 18
  • sol Montpelhièr 28 19
  • sol Naut Aran 27 12
  • sol Niça 21 8
  • sol Nimes 33 17
  • sol Pau 31 16
  • sol Peireguers 29 16
  • sol Rodés 31 15
  • sol Tolon 28 17
  • sol Tolosa 33 18
  • sol Valença 29 14

giny

giny

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

lateral 2 teveoc

Fotografias

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • Líusola (Comtat de Niça). © Laurenç Revèst

    Líusola (Comtat de Niça)

  • © Laurenç Revèst

    Via de Buelh a Pèunas a Valberg fins a Sant Laugier

  • Bersorèlh : quartiers e maions ai noms occitans

  • Segnaletica parcialament en occitan niçard perdua al mitan de la ciutat (fòra vila vielha amb segnaletica istorica), quartier de la Madalena. © Laurenç Revèst

    L'occitan per carrièras

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    Menton, 'a vivaroalpenca maritima

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Coserans al còr

  • La Primada de Montsegur, 17 de març 2012

    Primada de Montsegur, 17 de de març 2012

  • © Anhès Rossinhòla

    Vista d'A Torbia, de Mónego e dal mont Agel despí Lai Barrai (comuna de Pelha, Gavotina marítima)

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Mónegue

  • © Laurenç Revèst

    Menton, 'a vivaroalpenca maritima

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Exposicion temporària sus Robèrt Lafont al CIRDOC (D.R.)

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • Coserans: Sent Líser, Casavèth, Sent Guironç, Saurat...

  • © Franc Bardòu

    Asuèlhs de Lauragués

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Creses que Catalonha e Aran vendràn una republica independenta?


35%



29%



26%



6%



4%




Vots 113 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)