Bandièra01 1180x150: Comuna de Tolosa

Actualitats

Preséncia de l'occitan e de la revendicacion occitanista dins las mobilizacions dels Gilets Jaunes

La tresena dimenjada de protèstas a mes en evidéncia que l'estat francés patís una granda crisi politica

La tresena dimenjada de protèstas del movement dels Gilets Jaunes a mes en evidéncia que l'estat francés patís una crisi politica de las bèlas. Lo nivèl de las susmautas es de mai en mai naut. Las manifestacions an fach venir fòrça mond e son estadas energicas, e lo nombre de personas nafradas e de detenguts es de qualques centenats.

Los mèdias faguèron majoritàriament resson de las protèstas a París ont lo dispositiu policièr èra pas jamai vist dempuèi 1968, e los imatges publicats, mai que mai de la protèsta a l'Arc de Trionf, èran impressionants. Lo Ministèri de l'Interior despleguèt 5000 policièrs e gendarmas a París e 66 000 sus França tota, car las mobilizacions se tenián dins tot l'estat francés, e de rebucada dins la màger part d'Occitània. De soslinhar qu'al Puèi de Velai la prefectura de polícia foguèt envasida.


Un mòrt en Arle

Durant la nuèch de dissabte a dimenge, mentre que se barrava una estrada en Arle (Camarga), lo menaire d’una veitura moriguèt dins una collision amb una camion. Dempuèi lo començament del movement, tres personas son defuntadas.

 
L'occitan present
 
Pasmens, nos a tirat l'atencion la preséncia de l'occitan e de l'occitanitat dins aquestas protèstas. Avèm trobat qualques imatges suls rets socials que mòstran que la lenga nòstra es totjorn presenta al país.
 
 


 



 
 Reunion d'urgéncia
 
Lo president francés, Emmanuel Macron, convoquèt ièr de matin una reünion d'urgéncia a l'Elisi. Après una reünion del G20 a Buenos Aires, Macron tornèt còp sec a París per rescontrar lo govèrn de Philippe, far una avaloracion de la situacion e prene de mesuras. Se parlar de decretar l'estat d'urgéncia, coma o revendica la polícia.
 
Aquel conflicte social, que comencèt amb de protèstas contra la pojada dels prèses dels carburants e las politicas economicas del president Emmanuel Macron, a provocat una crisi politica dins l'estat francés.

 
 Las analisis:
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lafontan Tolosa
24.

#17
#18 Per la ciutat de Tolosa lo 8 de decembre vejèri una dezena de bandièras occitanas francament n'i a de mai en mai e n'i avia pas mai de francesas ! Es remirable dins lo contexte actual ! Sustot que coneissi pron pla lo mitan tolosan e aqui n'i avia de plan desconeguts e tan melhor. Compreni pas lo sens de vostra intervencion sembla que cercatz de descoratjar l'occitanisme novèl dels joves se sètz de vièlhs daissatz los far lor vida coma faguerètz la vòstra ! La botiga Macarel de Tolosa podrà tanben vos dire que n'a âs jamai vendut tan de bandièras roge e negra amb lo punt...

  • 1
  • 0
Los Comandos de la Nuèit
23.

#21 Grandmercé per aquela explicacion lumenosa : s'aquel moviment tras que populari en Occitània es coma o-disètz un moviment de beaufs populistas e fachos es tot simplament degut al fach, se seguissem aquel rasonament, qu'Occitània es majoritàriament poblada de beaufs populistas e fachos.

D'ont la popularitat granda dels gilets jaunes dins tota la "Province", regions occitanas compresas. Es d'alhors atal que Paris a de longa agachat aquesta "Province" : coma una resèrva de beaufs populistas e fachos. Aürosament l'occitanism a per tòca salutària d'evangelisar aquesta massa informa de beaufs populistas e fachos que pòblan lo païs.

Paradòx aparent mas tras que gostos, se trapa que la bobotalha aparisenquida perseguis exactament la mèsma tòca d'evangelisacion mas per ne'n far de bobos parisencs virtuals, luoga d'occitanists saburòts. Problèma, aquel pòble es pas mai interessat per l'un que per l'autre. D'ont l'amarum vòstre.

  • 18
  • 0
L.
21.

#18 Òc. Aquel moviment tras que populari en Occitània es un moviment de beaufs populistas e fachos, e me demandi coma explicar que n'i a que s'i son enganat a Tolosa d' i anar ambe bandièras occitanas (???). Per'mor qu'a Tolosa, de bandièras occitanas, n'i avia aquel primièr de decembre, s'es clarament vist dins lo reportage de França 2, e tanplan dins la premsa locala (La Dépêche)... Après, l'extrèma-esquèrra occitanista de Tolosa avia cridat ai participar... Eran eles, pensi, que s'i son mesclats.

  • 1
  • 0
L.
20.

#17 Pr'aquò s'es vist mès de bandièras occitanas que de tricolòras a la television d'Estat qu'a filmat la manifestacion de Tolosa, que n'èri lo primièr sosprés tan lo nivel d'alienacion es pregond ! pensi pas que la fotografia sia un montatge, adobada benlèu, mès objectivament, que sia dins las fotografias de "La Dépêche" o sul reportatge de França 2, se vetz clarament mantinas bandièras occitanas a la manif de Tolosa. Per contra, i a tanben avut un reportatge sus la manifestacion de Bordèu, e aquiu, i avia unicament bandièras tricolòras. E fòrça.

  • 1
  • 0

Escriu un comentari sus aqueste article