CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Dimècres, 19 de decembre de 2018, 03h00 Libres,Politica

Lengadòc > Lengadòc Naut > Tolosan

Tolosa apròva la revendicacion de l'occitan dins los mèdias publics malgrat una division sus la lista de Moudenc

Segon los opausants, de revendicar l'occitan a las ràdio e television publicas poiriá portar d'autras revendicacions coma “de corses universitaris en occitan” e “l’usatge de l’occitan dins d’actes oficials”


Comentaris 12 comentaris    
Marrit Flac Bon Plan bon Fabulós (13 vòtes)
carregant En cargar


Division al sen de la majoritat municipala de Tolosa a respècte de la defensa de l’occitan. Lo grop municipal del cònsol màger, Jean-Luc Moudenc (UMP), se mostrèt devesit lo 7 de decembre passat a l’ora de sosténer l’occitan a las ràdio e television publicas, çò rapòrta La Dépêche.
 
En fin de sesilha, Jean-Michel Lattes, adjonch al cònsol delegat a la cultura occitana, presentèt la demanda del Collectiu Occitan que revendica la preséncia regulara de la lenga nòstra sus France 3 e France Bleu. Lattes presentèt son vòt per mostrar lo sosten dels elegits a las emissions en occitan del servici public de ràdio e television que son temps d’antena seriá menaçat. Lo sosten es arribat, mas suls 52 elegits de la lista de Moudenc, 43 se mostrèron favorables, cinc s’opausèron, tres s’abstenguèron e dos participèron pas al vòte.
 
 
Contra l'occitan per “l’unitat e la concòrdia nacionala” francesa
 
De soslinhar l’argumentacion d’Olivier Arsac, èx-elegit dels Republicans après sa demission del partit ultradrechista de Dupont-Aignan après l’aliança d’aqueste amb Le Pen al segond torn de la presidenciala. Arsac diguèt de non a l’occitan dins los mèdias publics car la revendicacion “concernís pas l’accion municipala” e sustot car contraven a “l’unitat e a la concòrdia nacionala” [vòl dire estatala]. “M’interrògui sus l’oportunitat de prene lo risc de nos fòraviar dins de revendicacions lingüisticas e culturalas que devesisson mai que recampan, e que noirisson benlèu d’autras revendicacions” coma “de corses universitaris en occitan” e “l’usatge de l’occitan dins d’actes oficials”. A mai, Arsac afirmèt que “la Republica es l’unitat dels franceses al delà de lors diferéncias e doncas una lenga comuna e que “l’estacament al patrimòni lingüistic deu èsser vist coma un afar privat, a l’imatge de las religions”.
 
La contrargumentacion venguèt de l’ecologista Régis Godec. “Coneissi pas de comunautarisme occitan”, çò assegurèt en apondent que “parlar occitan es en cap de cas un atac en direccion de la Republica”.
 
 
La revendicacion del Collectiu Occitan
 
Lo Collectiu Occitan amassa un desenat de movements occitanistas, dont Convergéncia Occitana, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Esquèrra Revolucionària Occitana, Bastir, Macarèl e l’Associacion Zo. Revendica la preséncia de l’occitan cada jorn a la television publica, e se mobiliza en vista de la reforma de l’audiovisual public que se debanarà lèu dins l’estat francés.
 
 
Sosten de las comunas
 
Lo Collectiu Occitan a demandat lo sosten de las comunas, mai que mai dels departaments d’Erau e Avairon, e a recebut de responsas positivas d’Agde, de l’aglomeracion de Seta, de Montpelhièr e de las comunautats de comunas de Clarmontés d’Erau e del país de Leveson.
 
Tanben an manifestat lor sosten las comunas de Pòrt la Novèla (Narbonés) e de Virsec, del causse de Larzac que fa partida del departament d’Erau. D’autres sostens son a arribar, çò que mòstra la volontat d’una preséncia pus digna de la lenga occitana a la television publica del país.
 
 
Sosten de Montpelhièr
 
En octòbre passat, la comuna de Montpelhièr aprovèt una mocion en sosten a “una preséncia regulara e crescuda de la lenga occitanas sus la cadena de television publica regionala France 3 e dins los rets locals de la ràdio France Bleu”.
 
 
Una ora e quart per mes
 
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.

 
 


abonar los amics de Jornalet
 



publicitat
BANER1-2-3: DGPL DICTADES



Comentaris

21 de decembre 13.25h

Perqué escrivètz, dins aquel article, qu'Olivièr Arsac quand parla de la concòrdia nacionala, vòl dire la concòrdia estatala ? Es pas pus pèc qu'un autre, s'aviá volgut dire "concòrdia estatala" o auriá fach, mas evòca la nacion francesa, es a dire la populacion que viu en França, remosada darrièr un projècte de vida en comun amb de valors partejadas que fondan nòstra solidaritat ; un pauc coma se parlàvem de nacion occitana se n'i aviá una.


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

20 de decembre 06.11h

Mai d'occitan a França 3, òc-ben ! Mas perqué pas dins las ràdios França Blau? Perqué lo Collectiu Occitan fa pas de manifestacions davant aquelas estacions, que siá a Niça, Ais, Montpelhièr, Tolosa, Pau, Peirigüers, Bordèu, Lemòtges,...? Quand vesèm l'ofèrta en lenga bretona a França Blau Breizh Isel, l'ofèrta en lenga alsaciana a França Blau Elsass, l'ofèrta en lenga basca a França Blau Euskadi, l'ofèrta en lenga còrsa a França Blau Frequenza Mora,... e quand vesèm l'of... Legir mai


Valoriza aqueste comentari:   votar positiu 16   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 23.01h

Coma predecessor de Jean Michel Lattes, en carga de la lenga occitana a Tolosa, e mai como opausant politic, o vòli saludar per son accion per l'occitan a Tolosa.
Foguèt per ieu fòrça dificil de faire votar de délibérations en favor de l'occitan que l'oposicion es sempre contra çò que propausa la majoritat e la mitat dels eligits d'esquèrra son opausat a l'occitan o n'an vergonha. Vòli saludar los elegits ecologistas que son los sols elegits d'oposicion de Tolosa que demorèron per ... Legir mai


Valoriza aqueste comentari:   votar positiu 14   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 22.32h

Visca Tolosa, ciutat gloriosa e poderosa. Montpeller, Agde,Seta,departament d'Erau e Avairon,... Molt ben en defensa de la lenga nostra. FR3 ha de far mai programas en Oc, hi ha molt de trabalh a far per cobrir tota o bona part del territori occitan, e una programacion diaria informativa e variada que se convertesca amb la tv de referencia per la region.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 17.17h

Arsac, Arsac… pas tròp francés, coma nom. (Arcy ? Arcey ? Arcé ?). Quauqu'un li poiria dire que de corses en occitan a l'Universitat, fai de temps que n'i a, e es pas aquò que provòca lo rechaufament climatic. Un poiria tanben, vist que ven de Debout (sic) la France, li dire, dins sa lenga, coucouche panier.


Valoriza aqueste comentari:   votar positiu 14   votar negatiu 1
Respondre comentari replica Comentari inadeqüat   Formulari d'abús de comentari

19 de decembre 13.13h

"l’estacament al patrimòni lingüistic deu èsser vist coma un afar privat". Non ! Es un afar public : Article 75-1 de la constitucion. Aquel mond lor cal ensenhar lo monde que i vivon dedins.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 09.25h

Una comuna que defen sa lenga reclama una ràdia e una television publicas qu'o emet tot en occitan ! Los autres s'acontentan de far de folclòr e de sosten de veirina per las decoracions de Nadal…


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 09.23h

L'autra armèla s'interròga sus l’oportunitat de préner "lo risc de se fòraviar dins de revendicacions lingüisticas e culturalas que devesisson mai que recampan", e que noirisson benlèu d’autras revendicacions ? Mas jamai nos divisissèm pas lo règne vegetal en remembrant a cadun qu'un telh non es una platana !!! D'ont sort aquel mercant de rasonament… Dins quin fotral ideologic postcolonial ?


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 09.18h

Segon los opausants, de revendicar l'occitan a las ràdio e television publicas poiriá portar d'autras revendicacions coma “de corses universitaris en occitan” e “l’usatge de l’occitan dins d’actes oficials”. E an plan rason ! E mai al final, poiriá significar als opausant que se non son pas contents que los Occitans parlen occitan, lor gardarem sempre possible de s'anar far veire al nòrd de Leire cossí s'i parla… Lor farà vacanças, e a nosautres tanben.


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 08.58h

Doncas aprendre l'anglés a l'escòla es un atac de la republica ? Es pas gaire solida digatz-me.
Nommenar "Toulouse métropole" romp pas l'unitat de França ? En dedicar un caire particular del territòri que ten una identitat pas parisenca ?
Sabètz, dins un estat que lo monde pòdon pas acceptar un sinonime coma "chocolatine", mentre que se digatz pomme de terre o patate, degun vos dirà pas res, qué volètz far per far comprendre que podèm utilizar doas lengas ?
Tot çò que se ditz pas a... Legir mai


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 14
  • sol Aush 15
  • sol Bordèu 14
  • sol Briançon 12
  • sol Caors 13
  • sol Carcassona 17
  • sol Clarmont-Ferrand 11
  • sol Confolent 16
  • sol Gap 9
  • sol La Canau 14
  • sol La Gàrdia 14
  • sol Limòtges 12
  • sol Lo Borg Sant Dalmatz 14
  • sol Lo Puèi de Velai 17
  • sol Marselha 20
  • sol Montpelhièr 20
  • sol Naut Aran 16
  • sol Niça 18
  • sol Nimes 20
  • sol Pau 15
  • sol Peireguers 13
  • sol Rodés 15
  • sol Tolon 13
  • sol Tolosa 16
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Mónegue

  • © Laurenç Revèst

    Castelar

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • País de Rasés. © Franc Bardòu

    País de Rasés

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • © Franc Bardòu

    Tresaurs andorrans

  • © Celèsta Toion

    La plaja espaci de libertat? D'expression?

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Omenatge a Aragon. © Franc Bardòu

    Omenatge a Aragon

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    Tresaurs andorrans

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Asuèlhs de Lauragués

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Aure Séguier

    Carnaval Biarnés 2017

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


0%



0%



0%



0%




Vots 0 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)