CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Actualitats

Dimenge, 25 de novembre de 2018, 03h00 Internacional,Societat

Un pòble isolat d’una illa de l'ocean Indian a tuat un jove estatsunidenc que los voliá evangelizar

John Allen Chau de 26 ans voliá “establir lo reialme de Jèsus” dins l’illa de Sentinèla del Nòrd, ont los abitants an pas jamai volgut aver de contacte amb l’exterior


Comentaris 18 comentaris    
Marrit Flac Bon Plan bon Fabulós (6 vòtes)
carregant En cargar


John Allen Chau segon un imatge qu'el publiquèt sus Instagram

L'archipèla de las illas Andaman e Nicobar dins l'ocean Indian
© wikimedia

L'archipèla de las illas Andaman e Nicobar. En roge l'illa de Sentinèla del Nòrd
© wikimedia





Etiquetas
chau, illas andaman e nicobar, sentinèla del nòrd

Un jove ciutadan estatsunidenc, John Allen Chau de 26 ans, seriá estat tuat pels abitants de l’illa de Sentinèla del Nòrd, un pòble isolat qu’a pas jamai volgut aver de contacte amb la rèsta del Mond. Los pescadors que lo menèron fins a l’illa aurián vist de luènh, lo 16 de novembre passat, cossí l’avián abatut amb de sagetas e rebalavan son còrs sul sable. Ara las autoritats d’Índia son a ensajar de localizar lo còrs.
 
La quita victima, qu’aviá ja fach qualques ensages per contactar aquelas gents, aviá declarat abans de partir pel darrièr còp que i anava per temptar d’evangelizar la populacion de Sentinèla del Nòrd, una illa de l’archipèla de las illas Andaman e Nicobar, dins l’ocean Indian. L’archipèla es relativament pròche de Tailàndia e Birmania, mas es administrat per Índia.
 
John Allen Chau aviá vesitat l’archipèla en 2015 e 2016. En octòbre passat, i tornèt amb l’intencion d’establir un contacte amb los abitants de Sentinèla del Nòrd, amb lo plan d’i “establir lo reialme de Jèsus”, segon çò qu’el meteis aviá dich suls rets socials.
 
Lo 15 de novembre passat, Chau paguèt 325 dolars a sèt pescadors per que lo sarrèsson illegalament de l’illa que se tròba a una cinquantena de quilomètres de Port Blair, la capitala de l’archipèla.
 
Quand foguèt a proximitat, arribèt amb un caiac sus la plaja e interagiguèt amb los abitants en lor donant coma present un balon de fotbòl e un peis. Sembla qu’aquò agradèt pas als abitants, que li lancèron una sageta que toquèt un dels libres que Chau portava. El partiguèt còp sec fins a la barca dels pescadors que l’esperavan a qualques mètres dins la mar. L’endeman, i tornèt, e tanlèu qu’aguèt chaupit la plaja, los abitants li tirèron de sagetas. Segon los pescadors qu’èran en mar, un còp mòrt l’aurián rebalat sul sable abans de l’enterrar.
 
 
Un pòble isolat e protegit per las leis d’Índia
 
Sentinèla del Nòrd es una illa d’aperaquí 70 km2. Sos abitants son coneguts dempuèi qualques sègles coma un pòble agressiu envèrs los estrangièrs. Mas se’n sap pas grand causa. Se crei que son qualques centenats d’abitants que vivon en fasent los caçaires-culheires. Los pauques imatges que n’avèm mòstran lor abiletat amb los arcs e las sagetas, e lor agressivitat envèrs los estrangièrs.
 
Es un pòble protegit per las leis d’Índia, qu’an interdich de vesitar l’illa per evitar que s’i pòrte de malautiás inconegudas del sistèma immunitari dels abitants, isolats dempuèi la nuèch dels tempses.
 
Pasmens, l’archipèla de las Andaman foguèt un dels luòcs ont los primièrs antropològs professionals faguèron lors recèrcas e collectatges. Lo libre The Andaman islanders , una etnografia sus l’archipèla que la publiquèt en 1922 Alfred Reginald Radcliffe-Brown, es una òbra màger de la literatura antropologica.
 
 
Caldrà de temps per recuperar lo còrs
 
Segon lo cap de la polícia de l’archipèla a dich que serà complicat de resòlver l’afar. “Avèm mantengut una distància amb l’illa, e i sèm pas encara arribats per recuperar lo còrs. Aquò pot durar encara qualques jorns e qualques expedicions de reconeissença”, çò diguèt als mèdias. “Nos cal velhar de perturbar pas los abitants de l’illa. Es un luòc extrèmament sensible, e per tant caldrà de temps.”
 
Los sèt pescadors que menèron John Allen Chau son estats detenguts.
 
 
“Establir lo reialme de Jèsus”
 
Chau auriá fach qualques viatges en caiac de la nau dels pescadors fins a l’illa. Lo darrièr còp, lor daissèt un messatge escrich, en cas que tornèsse pas, ont assegurava son intencion de cristianizar aquel pòble: “Fau aquò per establir lo reialme de Jèsus dins l’illa. Acusetz pas pas los natius se me tuan”.
 
En mai d’aquò, daissèt d’autres messatges ont assegurava qu’aviá establit de bonas relacions amb qualques abitants de l’illa, mentre que d’autres s’èran mostrats fòrça agressius amb el.
 
Dins los perfils que Chau aviá suls rets socials, se mostrava coma un aventurièr qu’aviá ja vesitat mai d’una vegada las illas Andaman.
 
 
La familha perdona als murtrièrs
 
La familha de John Allen Chau a publicat sul compte d’Instagram de la victima un messatge ont demanda que se perseguisca pas cap persona de l’illa en question e que se libère los pescadors que l’acompanhèron.
 
 

 
 
 
 
 
 
 
 
 
 
 
 
 

John Allen Chau

A post shared by John Chau (@johnachau) on


 
 

 
 

 
 




abonar los amics de Jornalet
 
 



publicitat
BANER1-2-3: DGPL TRADUCTOR



Comentaris

27 de novembre 14.54h

Madhusree Mukerjee, un autor deu Scientific American, que i descriu las òrras exaccions infligidas aus andamanés au temps de l’Empèri britanic, e las adaptacions culturaus e se pòt biologicas a lor enviroament qui’us avèn permetut de s’esvitar despuish arribar d’Africa 60.000 ans enrèr.
De léger ací en anglés: https://blogs.scientificamerican.com/observations/the-american-killed-by-asian-islanders-hoped-to-save-their-souls/

Que’vs dau lo son darrèr paragraf:

«Jo tanben qu... Legir mai


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

26 de novembre 09.12h

Coma que, i a pas solament que los fanatics de DAECH prèstes a morir per propagar las ideias delirantas de lor secta edat-mejanenca.


Valoriza aqueste comentari:   votar positiu 15   votar negatiu 1
Respondre comentari replica Comentari inadeqüat   Formulari d'abús de comentari

26 de novembre 08.01h

Envahisseurs et grenouilles de bénitier ! Et laisser les gens tranquilles chez eux, ils savent faire ces abrutis d'américains ?


Valoriza aqueste comentari:   votar positiu 14   votar negatiu 0
Respondre comentari replica Comentari inadeqüat   Formulari d'abús de comentari

26 de novembre 00.05h

Aquel tipe portava lo vèrme dins lo fruch. Urosament qu'an pogut l'arrestar a temps.


Valoriza aqueste comentari:   votar positiu 17   votar negatiu 1
Respondre comentari replica Comentari inadeqüat   Formulari d'abús de comentari

25 de novembre 23.50h

"Instaurar lo reiaume de Jesus ". Tsss....Cal vertadièrament ésser un american destimborlat per creire encara a n aquelas fadurlas. De l'Inquisicion a l'Opus Dei, de Montsegur a Guernikà, quantes millions de personas torturadas e tuadas, quantas civilizacions sagatadas e mastrassadas al nom d'aquesta sècta sado-masochista d'enjuponats pedofils ?


Valoriza aqueste comentari:   votar positiu 20   votar negatiu 2
Respondre comentari replica Comentari inadeqüat   Formulari d'abús de comentari

25 de novembre 23.08h

Hi ha gent que està pauc centrada amb lo que fa, melhor que s'en hagués anat a veire l'illa que a predicar sa religion.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

25 de novembre 20.11h

una mort es una mort. no esser com pot alegrar a ningú.


Valoriza aqueste comentari:   votar positiu 9   votar negatiu 23
Respondre comentari replica Comentari inadeqüat   Formulari d'abús de comentari

25 de novembre 19.59h

#9 Aquo a res a veire amb de xenofobia. Qand om vai a co d'estrangers om respècta lor cultura, lors cresenças e lors costumas. Om cerca pas a las desvalorizar, denigrar e arroïnar per las remplaçar de força per las seunas propias. Coma o-faguèron los missionaris crestians en Africa, en Oceania, a las Americas e en maites rodols d'Europa o d'Asia ont an destrusits las sabenças e culturas autoctonas per las remplaçar autoritariament per la putana supersticion crestiana. Aquel missionari t... Legir mai


Valoriza aqueste comentari:   votar positiu 15   votar negatiu 1
Respondre comentari replica Comentari inadeqüat   Formulari d'abús de comentari

25 de novembre 18.48h

Aqueth deplorable que’s pensèva sincèrament de portar lo salut a monde entenebrits. Que’s demandè en lo son jornau, chic abans de morir, se l’isla èra «lo darrèr bastion de Satan» (sic). Com qué l’in·hèrn b’ei empeirat de bonas intencions.
Mes en mei de’s créder mei avisat que las autoritats indianas, qu’estó criminaument irresponsable a mantrun nivèu. Segon que rebromba lo New York Times:
«Tot contacte dab los insulars que poiré acabar lor cultura e medish lor exis... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

25 de novembre 18.37h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 4   votar negatiu 31
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 15
  • sol Aush 15
  • sol Bordèu 15
  • sol Briançon 10
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 15
  • sol Gap 5
  • sol La Canau 15
  • sol La Gàrdia 16
  • sol Limòtges 13
  • sol Lo Borg Sant Dalmatz 15
  • sol Lo Puèi de Velai 14
  • sol Marselha 19
  • sol Montpelhièr 18
  • sol Naut Aran 14
  • sol Niça 16
  • sol Nimes 19
  • sol Pau 15
  • sol Peireguers 14
  • sol Rodés 15
  • sol Tolon 14
  • sol Tolosa 15
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © CD

    Escòla Calandreta dau Mas. Drap (País Niçard)

  • © Laurenç Revèst

    Nimes e preséncia d'occitan

  • © Franc Bardòu

    Asuèlhs de Lauragués

  • © Franc Bardòu

    País Bordalés

  • Briga (val de Ròia)

  • © Franc Bardòu

    Tèrra albigesa

  • © Zep Armentano

    XI prèmis Gaudí de l'Acadèmia Catalana del Cinèma

  • Canejan. © Xavi Gutiérrez Riu

    Val de Toran (Aran)

  • Trauc dins lei bauc. © Laurenç Revèst

    Remembres de Vaquí, emission en la Vau Clusa, novembre de 2005

  • Omenatge a Aragon. © Franc Bardòu

    Omenatge a Aragon

  • © Aure Séguier

    Carnaval Biarnés 2017

  • Goulamàs'K a Bordelha (Rebeiragués) lo 9 de julhet 2012

  • Asuèlhs comengeses. © Franc Bardòu

    Asuèlhs Comengeses

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Còth deth Tormalet, 18/07/2012

  • Rocavion (Val Ges). © Cristòu Daurore

    Rocavion (Val Ges)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Franc Bardòu

    Coserans al còr

  • Occitan e economia: "occitanitat mai o mens visibla"

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)