Bandièra01 1180x150: Comuna de Tolosa

Actualitats

Nantas: l’entrepresariat per la reünificacion del país

Produch en Bretanha a fach una accion per la reünificacion de Bretanha

L’associacion d’entrepresas bretonas Produch en Bretagna (PenB), qu’amassa las societats pus grandas e importantas del país, es presenta suls cinc departaments bretons, dont lo Léger Atlantic. Dissabte, revendiquèt amb un eveniment la reïnclusion d’aquel departament en Bretanha. Fabien Lecuyer rapòrta sus plaça per Jornalet.


Produit en Bretanha (PenB) es una associacion d’entrepresas bretonas. E es pas un comitat de petits comerçants, mas inclutz totas las grandas entrepresas bretonas de l’agroalimentari coma Glon, Paysan Breton, Even, Leclerc, Savéol, Hénaff. En mai d’aquò, lo Crédit Mutuel de Bretanha n’es una de las entrepresas fondadoiras. Anuei, PenB amassa mai 400 entrepresas, dont mai e de 100 000 salariats en Bretanha. Au nivèu mondiau es un gigant economic.
 
Mas PenB es pas una òbra sociala. Dins fòrça entrepresas membres de l’associacion, lo trabalh es penible per los messatges. Aquí es lo reiaume del capitalisme. Mas aumens balha d’òbra aus bretons. E fonciona en malhum per lo business, de segur, mas tanben per Bretanha: las entrepresas de PenB fan trabalhar d’autras entrepresas de PenB. E l’associacion mòstra tanben un fòrt esperit patriotic. Certans patrons, tot lo monde o sabiá, son d’independentistas afortits: Alain Glon, Patrick Le Lay, Jean-François Borgat (Borgat Automobile), Guillemot (Ubisoft)… e es pas rar de veire de publicitats (en lenga bretona) de l’associacion dins de publicacions en breton o pròchas del movement breton. D’aquel biais, Produit en Bretagne sosten la Causa.
 
Mas i a una causa ont Produit en Bretagne es franc implicada: es aquela de la reünificacion de Bretanha. L’associacion fonciona sus los 5 departements bretons istorics, lo Léger Atlantic inclús. E los dirigents de PenB tòchan sovent un mot sus la reünificacion dins las charradas publicas.
 
E just aqueste dissabte, l’associacion anèron mai luenh enquera. Faguèron una accion publica dins lo centre de Nantas per remembrar al monde que lo Léger Atlantic es en Bretanha. Un grand “happening” d’informacion doncas que foguèt menat amb un grand mur ont èra escrich “E se se regardava la veritat en fàcia? Nantas es en Bretanha“. De centenats de personas foguèron informadas.
 
 
 
 
Fabien Lecuyer




 
 
 
 




abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Julian Auvernha
6.

Perqué pas una marca "Fabrica en Occitània"?

  • 5
  • 0
Julian Auvernha
5.

Los Bretons, passan pas lor temp a se bagarrar sobre ortografia de un tal viladge, o un tal contrado d'Occitania, o en conflictes associatiu sans fin e sans enterés, mas agissen per lo pais concretament (politicament e economiament)
Tot aquo far mancar a l'Occitanisme uèi.....

  • 5
  • 0
Lo raiòu Cevenas
4.

#3 Es justament aquò que disiái. Mès quand escriguère "Saique es pas parièr en País Galò...", voliái dire que justament a Dinard dau País Galò, es pas parièr coma en Bretanha occidentala, d'après ce que laissàvon entendre los dos productors qu'aviái recontrats. De qué ne'n pensatz, vos que sètz breton ? Ieu non sai, pechaire...

  • 2
  • 0
Lo breton
3.

Dinard es en país galò

  • 1
  • 0
Pirolet
2.

Quand de temps tardarà encara la "republica" francesa, ela que ditz aver res a veire amb l'Estat Francés, per desfar çò que Pétain a fach: devesir Bretanha?

  • 2
  • 0

Escriu un comentari sus aqueste article