CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Actualitats

Dissabte, 20 d'octòbre de 2018, 03h00 Politica,Societat

Gasconha > Comenge > Nebosan

Lanamesa: de mobilizacions per la liberacion de Georges Ibrahim Abdallah

L’activista libanés intrarà dimars que ven dins sa 35a annada de detencion


Comentaris 5 comentaris    
Marrit Flac Bon Plan bon Fabulós (2 vòtes)
carregant En cargar


Se compliràn dimars venent los 34 ans de l'encarceracion de Georges Ibrahim Abdallah, l’activista libanés de 67 ans encarcerat dins la preson de Lanamesa (Nebosan) per complicitat d’assassinat, e qu’es pas jamai estat liberat perque lo considèran de “perilhositat especiala”.
 
Cada an, a aquesta data, de centenats de personas manifèstan davant la preson. Libertat crida uèi a manifestar aquí a 14h. Amb la protèsta, lo movement de l'esquèrra occitanista vòl tanben far resson dels 13 presonièrs politics bascos que se tròban dins aquela meteissa preson.
 
Abdallah foguèt arrestat en 1984 a Lion (Arpitània), acusat de portar de falses documents e de téner d’armas amb d’explosius. En 2003, li autregèron la libertat condicionala mas ça que la lo liberèron pas.
 
Libanés, de familha crestiana maronita, comunista, antisionista e antiimperialista, Georges Ibrahim foguèt, en 1979, un dels principals promotors de las Fraccions Armadas Revolucionàrias Libanesas (FARL), una organizacion armada que se definissiá marxista, revolucionària e arabista, e que centrèt son activitat sus la lucha contra la preséncia coloniala israeliana, estatsunidenca e francesa en Liban.
 
Las FARL revendiquèron los assassinats de Ray Charles, adjonch militar de l’ambaissada dels Estats Units en França, e de Yakov Marsimantov, cap del Mossad en territòri francés, coma reaccion al masèl de Sabra e Shatila.
 
Abdallah foguèt condemnat a quatre ans de preson en 1984, mas en 1987 la condemnacion passèt a perpetuitat, amb un maxim de 15 ans, per complicitat amb los assassinats de Charles e Marsimantov.
 
En 2003, deviá èsser liberat mas, quand Dominique Perben èra ministre de la justícia, lo procuraire de Pau depausèt un recors contra la decision en rason de “l’impacte susceptible de se provocar en França, Israèl e als Estats Units amb sa liberacion”.
 
Totas las demandas de libertat condicionala d’Abdallah li foguèron refusadas, en nom de sa “perilhositat especiala”, e mai los grops armats ont aviá militat existiguèsson pas pus.
 
En genièr de 2013, la cambra d’aplicacion de las penas de París, qu’examinava la question en apelacion, accediguèt a l’ochena demanda de liberacion en la condicionant a un decret d’expulsion del “territòri francés”; mas Abdallah foguèt pas liberat a causa dels trecimacis de la maquina politicojudiciària francesa.

 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

22 d'octòbre 23.03h

Segur que se hagués estat un facha coma los jutges de la fiscalia francesa, ja seria en libertat fa molts d'ans.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 22.42h

#3 mercé plan!
En gascon, se ditz miei-litre e mieja-ora, e le "-mesa" (mèdia en latin) es estonant, coma le francés -mezan...
Le son z/d es a-bèlls-còps un intermediari coma le th anglés de "this"
Véservéder o díserdíder...


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

20 d'octòbre 18.52h

#1 en Gascon de Bigòrra qu'apèram era vila aquera Lanamesa e en Gascon dera vath d'Aura Lanameda , Lanameda qu'ei ua prononciacion dera vath d'Aura en aquesta vath eth s e z que's cambia en d , per etsemple era vesiau ( comunautat deths vesins ) que devien vediau .


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

20 d'octòbre 17.13h

35 ans de preison ?

A l'ora d'ara, qui, a desparts dels ancians membres ETA, passa tant de temps empreisonat per la "justícia" francesa ? De caps de mafia ? De violaires ? D'esclavagistas sexuals ? De tuaires en seria ? De politicians en corrupcion ? D'ancians nazis o d'ancians collaborators de la shoa ? Pas un d'aquela mena de preisonièr non passa jamai tant de temps en preison !!!

E cresètz, vosautres, qu'un cap de mafia, per exemple, es mens criminal qu'aqueste òme ?


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

20 d'octòbre 13.57h

Affar escandalosa...

Autrament, toponimicament, consí avèm Lannemezan e Lanamesa?
Vèn del latin Landa mediana o Landa mèdia...
Quinas son las formas attestadas e l'oralizacion locala ?
Landamejana o landamèja en estandard general, e lanna-que? en gascon nebosanés?
L'article de Wikipèdia es pas satisfasent...


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 18
  • sol Aush 20
  • sol Bordèu 19
  • sol Briançon 15
  • sol Caors 17
  • sol Carcassona 20
  • sol Clarmont-Ferrand 14
  • sol Confolent 13
  • sol Gap 11
  • sol La Canau 19
  • sol La Gàrdia 18
  • sol Limòtges 15
  • sol Lo Borg Sant Dalmatz 16
  • sol Lo Puèi de Velai 11
  • sol Marselha 18
  • sol Montpelhièr 20
  • sol Naut Aran 17
  • sol Niça 21
  • sol Nimes 20
  • sol Pau 19
  • sol Peireguers 16
  • sol Rodés 19
  • sol Tolon 17
  • sol Tolosa 20
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Gavotina marítima: trofèu d'August e vila vielha d'A Torbia

  • © Franc Bardòu

    Asuèlhs de Lauragués

  • © Aure Séguier

    Carnaval Biarnés 2017

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Fèsta occitana a Barcelona, a l'ocasion del cinquen anniversari de Jornalet

  • Gavotina marítima: trofèu d'August e vila vielha d'A Torbia

  • La Korrika, la corsa per la lenga basca es arribada a Tolosa

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Minecraft en version occitana

  • Arle. © Carles Pino

    L'occitan per carrièras (concors de prima 2014)

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • © Laurenç Revèst

    Las Cevènas, Barjac en Val de Cese

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Aure Séguier

    Carnaval Biarnés 2017

  • Jornada de protèsta contra lo barratge del Testet, a Sivens

  • Goulamàs'K a Bordelha (Rebeiragués) lo 9 de julhet 2012

  • © Laurenç Revèst

    Menton, 'a vivaroalpenca maritima

  • Ciutat de Draoníer. © Cristòu Daurore

    Ciutat de Draoníer (Val Maira)

  • © Franc Bardòu

    Asuèlhs de Lauragués

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)