CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dijòus, 25 d'abril

Actualitats

Dijòus, 22 de novembre de 2012, 03h00 Politica,Lenga,Internacional

L’occitan uèi al Parlament Europèu

“Se França foguèsse pas dins l’UE i poiriá pas intrar perque acomplís pas los critèris de Copenaga per rapòrt a las minoritats”


Comentaris 5 comentaris    
Marrit Flac Bon Plan bon Fabulós (14 vòtes)
carregant En cargar


Pel primièr còp, la lenga occitana es al centre del debat dins lo Parlament Europèu. A la demanda de l’eurodeputada Catherine Grèze, elegida dins la circonscripcion del Sud-Oèst de França, l’intergrop sus las lengas minorizadas consagra la siá session d’uèi a la lenga d’òc. “Se França foguèsse pas dins l’UE i poiriá pas intrar perque acomplís pas los critèris de Copenaga per rapòrt a las minoritats”, çò declarèt l’eurodeputada a Ràdio Occitània (escotatz l’àudio çai-jonch).



© Jacme Delmàs





Àudios

L’intergrop sus las lengas minorizadas, format per d’eurodeputats de partits e de grops politics divèrses, s’amassa cada còp que i a session dins lo Parlament Europèu per tractar dels afars qu’afèctan las lengas e culturas minorizadas d’Euròpa. S’i tracta, normalament, lo cas concret d’una d’aquelas lengas e uèi es lo torn de l’occitan. Ça que la, serà pas lo primièr còp que se tractarà lo tèma per rapòrt a França, pr’amor que la politica francesa intransigenta amb las lengas mal nomenadas regionalas atrai de costuma l’atencion dels eurodeputats.
 
Segon Grèze, la tòca de la session es de “far avançar la causa occitana a Brussèlas” e apond que la lenga occitana es oficiala en Espanha, ont es parlada per qualques milièrs de personas, mas o es pas en França, ont i a l’immensa majoritat de la populacion occitana. Es per aquò que se demanda: “Quina sòrta d’egalitat i a entre los ciutadans europèus?”. Segon lo sieu vejaire, l’Union Europèa a l’obligacion d’intervenir pr’amor qu’ajudar pas una lenga implica de la daissar morir “a fuòc lent”. Grèze considèra, de mai, que la lenga occitana fa partida del patrimòni e de las raices de la cultura francesa, e doncas la siá proteccion equival a protegir lo patrimòni cultural francés. Per tot aquò, crei qu’es urgent que França signe la Carta Europèa de las Lengas Minoritàrias e Regionalas, qu’es, a prepaus, una promessa electorala de François Hollande.
 
L’eurodeputada Grèze a convidat, en aquela escasença, qualques especialistas a prene la paraula. Dins aquel sens, i son a participar Guilhèm Latrubesse, conselhièr regional de Miègjorn-Pirenèus e pòrtavotz del Partit Occitan (PÒC), Joan-Loís Blenet, president de la Confederacion de las Calandretas, e Felip Hammel, director del CIRDÒC. Al delà, un trentenat de militants de la federacion Euròpa-Ecologia e qualques occitanistas son anats tanben a Estrasborg per assistir a la session e vesitar lo Parlament Europèu.



publicitat



Comentaris

25 de novembre 21.45h

pas ren mai ?
non avetz pas de retrach d'aquela cola ?
se pot saupre lo que an dich; de qu'an fach .
E pot esser se unes an cantat ?
lo ccomentari es un chic paure...

Ali RAUG


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

23 de novembre 00.29h

Pretendre que "la lenga occitana fa partida del patrimòni e de las raices de la cultura francesa, e doncas la siá proteccion equival a protegir lo patrimòni cultural francés" me es especiós, nèci, scientificament fals e ideologicament minable. Las culturas literàrias italiana, francesa, alamanda notadament se fondèron sus l'imitacion iniciala dels trobadors occitans. Aquò es clar. Mas aquò vòl pas dire que la cultura occitana apartenga a la cultura alamanda, italina ni mai francesa. ... Legir mai


Valoriza aqueste comentari:   votar positiu 14   votar negatiu 2
Respondre comentari replica Comentari inadeqüat   Formulari d'abús de comentari

23 de novembre 00.23h

#1 Efectivament, mon car Guilhèm Montanhagòl de Montanhac, vos confirmi que lo valent Estève Hammel es adara retirat de son anciana foncion de director del CIRDOC ; çò que, visiblament, non lo dispensa brica d'agir per l'occitan. Es lo Sénher Assièr qu'es adara director del CIRDOC.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

22 de novembre 13.58h

Ah ! Joan Lois Blenet es aici president de la Confederacion dei Calandretas et pas de "l'Institut Superior dei Lengas de França" !

Habile...


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

22 de novembre 09.45h

Cal que França s'engatje a ratificar la Carta europèa de las lengas dichas "regionalas". Que l'a ja firmada. E per començar de li donar de poder d'aplicacion, cal la ratificacion. Puèi après l'integracion dins lo drech nacional francés.

Autrament, cresiái que Sénher Hammel aviá pres la retirada de la direccion del CIRDOC ?


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

“Òc pertot”, enfin la dignitat

Un recampament sus la Plaça Clemenceau de Pau marcava ièr dissabte lo començament de la campanha sonada “Òc pertot“ per l’oficializacion e la dignificacion ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

lateral 2 teveoc

Fotografias

  • País de Rasés. © Franc Bardòu

    País de Rasés

  • Quarquas fòtos de l'ESPE ex IUFM de Niça

  • Fèsta occitana a Barcelona, a l'ocasion del cinquen anniversari de Jornalet

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • País de Rasés. © Franc Bardòu

    País de Rasés

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • © Laurenç Revèst

    Menton, 'a vivaroalpenca maritima

  • © Aure Séguier

    Carnaval Biarnés 2017

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Asuèlhs Bigordans

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Franc Bardòu

    Coserans al còr

  • Concèrt de Nové au temple de Cavairac (Costièra de Nimes). © Aigulf de Cavairac

    Concors de Nadal 2014. Las Calendas en çò vòstre

  • Quilha deth Haro en Les (Val d'Aran) ©Maria Vergés

    Quilha deth Haro en Les (Val d'Aran)

  • © Laurenç Revèst

    Economia occitana: fromais, lenga occitana e país d'Òc

  • © Laurenç Revèst

    Fòrt Maginòt de Sant Anhe

  • Asuèlhs de Garnagués. © Franc Bardòu

    Asuèlhs de Garnagués

  • Nhèu d'abriu en Aran. © Xavi Gutiérrez Riu

    Nhèu d'abriu en Aran

  • © CD

    Escòla Calandreta dau Mas. Drap (País Niçard)

  • © Xavi Gutiérrez Riu

    Tarba

giny

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)