Bandièra01 1180x150: Comuna de Tolosa

Actualitats

Polemica per las municions qu'emplega la polícia per reprimir los Gilets Jaunes

Almens 18 personas an perdut un uèlh a causa de las balas de goma, e mai quatre personas an perdut una man a causa de las granadas de desencerclament

| AFP / Zakaria Abdelkafi
L’emplec que n’a fach la polícia francesa de cèrtas municions per reprimir las manifestacions dels Gilets Jaunes a fach polemica. Lo Ministèri de l’Interior a aviat una enquèsta après que divèrsas personas aguèt denonciat de nafraduras grèvas.
 
Lo cas mai conegut es lo de Jerôme Rodrigues, un conegut Gilet Jaune. Dissabte, pendent l’onzena setmana consecutiva de mobilizacion d’aquel collectiu per las carrièras de París, foguèt nafrat a un uèlh. El meteis enregistret los imatges que mòstran, dins un primièr moment, cossí espetèt una granada de desencerclament just davant el. Puèi, una bala de goma li piquèt l’uèlh, en sòrta que, segon son avocat, l’òme i vei pas pus. Ça que la, l’activista assegura que pensa tornar manifestar: “Çò que te tua pas, te fa venir pus fòrt”, çò ditz, “me pòdon amputar un braç o una camba que recularai pas, tornarai a las protèstas tanlèu que ma santat o permetrà”.
 
L’afar de Rodrigues es pas solet. Segon qualques mèdias, i a almens 18 personas qu’an perdut un uèlh a causa de las balas de goma bandidas pels policièrs, e mai quatre personas aurián perdut una man a causa de las granadas de desencerclament.
 
Lo Ministèri de l’Interior a anonciat que desenant los policièrs tiraires portaràn una camèra incorporada.
 
 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

la policia francesa colaboracionista a las ordres del govern de fachistas.

  • 1
  • 0

Escriu un comentari sus aqueste article