CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dijòus, 23 de mai

Actualitats

Dimars, 14 de mai de 2019, 03h00 Politica,Societat

Mòrt de Rémi Fraisse: la Cort de Cassacion refusa l’apelacion de la familha

Lo pus naut tribunal de la Republica Francesa rend definitiu lo non-luòc de l’enquèsta judiciària sus la mòrt del jove tolosan en octòbre de 2014 a Sivens


Comentaris 2 comentaris    
Marrit Flac Bon Plan bon Fabulós (7 vòtes)
carregant En cargar


Thierry Ehrmann





Nòvas restacadas
Etiquetas
fraisse, sivens

La Cort de Cassacion, qu’es lo pus naut tribunal de la Republica Francesa, refusèt lo 7 de mai passat, l’apelacion del paire de Rémi Fraisse, çò rapòrta France Info. Atal, se rend definitiu lo non-luòc de l’enquèsta judiciària sus la mòrt de Rémi Fraisse, lo jove tolosan tuat en octòbre de 2014 per una granada. La lancèt un gendarma dins l’encastre de la repression d’una protèsta contra la construccion d’una restanca a Sivens (Galhaqués).
 
La familha de la victima a contestat lo quadre de l’intervencion dels gendarmas quand foguèt tuat. Lo paire, Jean-Pierre Fraisse, aviá remés en causa la causida dels jutges d’instruccion qu’estatuissián en matèria militara, denonciant una justícia “d’excepcion” pels gendarmas plaçats en mission de mantenement de l’òrdre “jos una meteissa autoritat civila”, la del Ministèri de l’Interior o del prefècte. Segon el, “la justícia es als òrdres, la rason d’estat e dels govèrns successius a prevalgut mentre que i aviá pas cap de rason, puèi que i a mòrt d’òme”.
 
La justícia aviá ja clavat l’instruccion, après mai de dos ans sens mesa en examen de quin responsable que foguèsse. Alavetz, los avocats de la familha faguèron lors denóncias contra los responsables civils e militars del drama. Dins aquel sens, se denoncièt los gendarmas per “falses testimoniatges” e “subornacion de testimònis”. En genièr de 2018, l’enquèsta s’acabèt sus un non-luòc.
 
 
Una protèsta populara ganhada, al prètz d’un òme mòrt
 
Fraisse èra un jove estudiant tolosan de botanica, que foguèt tuat a 21 ans dins la nuèch del 25 al 26 d’octòbre de 2014, dins l’encastre de la repression d’una protèsta populara que comencèt d’un biais plan pacific contra la construccion d’una restanca dins la zòna umida del Testet, a Sivens (Galhaqués).
 
Al començament del mes de julhet, la justícia donèt rason als opausants de la restanca de Sivens. Foguèron anulladas la declaracion d’utilitat publica, l’autorizacion d’eissartatge e la derogacion sus las espècias protegidas. E mai l’estat foguèt condemnat a pagar 3750 èuros a las associacions. “Aurà calgut un mòrt per que tot s’arrèste”, çò diguèt Ben Lefetey, pòrtavotz del collectiu Testet.
 
Lo gendarma que lancèt la granada mortala sus Rémi Fraisse foguèt plaçat en març passat jos l’estatut de testimòni assistit. Foguèt entendut per de jutges de Tolosa dins l’encastre de l’informacion judiciària dobèrta per “violéncias volontàrias qu’an entraïnat la mòrt sens intencion de la donar”.
 
De fach, la mòrt de Rémi Fraisse portèt la crisi al govèrn francés. Las nombrosas susmautas qu’esclatèron per tot l’estat francés, en seguida de la mòrt de l’estudiant de botanica, portèron de problèmas al govèrn de la Republica.
 
Lo govèrn francés ensagèt de reglar la mòrt del jove tolosan en enebissent l’usatge de las granadas e en suspendent los trabalhs del barratge, mas un larg sector de la societat, los movements ecologistas e de partits d’esquèrra demandèron la demission del ministre Cazeneuve, que se limitèt a dire que i auriá “de sancions se s’es comés de fautas”. Las protèstas e las susmautas percorreguèron tot l’estat, la majoritat amb d’afrontaments violents entre manifestants e policièrs.
 

 




abonar los amics de Jornalet
 



publicitat
BANER1-2-3: DGPL AN LAFONT



Comentaris

15 de mai 23.30h

Tant Espanya coma França son pas democràcias. Son presas per la injusticia dels governs que fan e desfan a son voler. Pas de democracias, se i a pas d'independència de la justicia amb lo govern.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 de mai 16.16h

Cossí aver confiança dins la justícia quand se met al servici de la rason d'estat?
E los marins del batèu de pesca enfonzat per un sosmarin? E las errors judiciaras non reconegudas? E las victimas dels ensages nuclears dins lo Pacific?...


Valoriza aqueste comentari:   votar positiu 13   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Per un jornal participatiu, viu e civilizat

Quand discutissèm amb qualqu’un, emplegam quicòm mai que de paraulas. Las expressions de la cara e los gèstes son fòrça importants per comunicar. Quand parlam al ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

“Avèm un molon de sorires que revenon a cada eveniment”

Rafèu Radreau Carnsaladièr e organizaire d'eveniments culturals a Peirafuec (Nauta Val de Var)

“Avèm un molon de sorires que revenon a cada eveniment”
publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • Nèu sus sei Plans de Caussòus e dau Calern e a Canaus d'Andon. © Laurenç Revèst

    Nèu sus sei Plans de Caussòus e dau Calern e a Canaus d'Andon

  • © Asalaís Moniguet

    Montpelhièr la lengadociana

  • © Franc Bardòu

    Catalonha etèrna

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Zep Armentano

    Era Mongetada (Val d'Aran 28-29 d'octobre 2017)

  • Asuèlhs comengeses. © Franc Bardòu

    Asuèlhs Comengeses

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Lo grand passacarrièra de Rodés. Occitan Pride 2013

  • Asuèlhs de Menerbés. © Franc Bardòu

    Asuèlhs de Menerbés

  • © Laurenç Revèst

    Fòrt Maginòt de Sant Anhe

  • © Franc Bardòu

    País Bordalés

  • Lo grand passacarrièra de Rodés. Occitan Pride 2013

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Asuèlhs de Lauragués

  • © Franc Bardòu

    Asuèlhs Bigordans

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

giny

Las mai...

publicitat

LATERAL2 300x250: Cultura Conselh Aran

giny

Sondatge

Escrives normalament de comentaris dels articles que publica Jornalet?


10%



28%



8%



22%



32%




Vots 123 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)