Bandièra01 1180x150: Comuna de Tolosa

Actualitats

Niça: reüssida del primièr festenal de cinèma escolar en lengas minorizadas

Unes dos cents liceans e collegians qu’aprenon l'occitan an descobèrt de ficcions e de reportatges en occitan, basco, catalan, còrs e creòl

| Cutura Viva Television
Lo teatre Francis Gag de Niça aculhiguèt lo 15 de mai passat lo primièr festenal escolar de filmes en lengas minorizadas de l'estat francés; li dison Vè lo qui. Organizat per la television web Cultura Viva e per l'Associacion de Professors de Lengas Regionalas (APLR) de Niça, l'eveniment foguèt l'ocasion de presentar de creacions cinematograficas en occitan e tanben en basco, catalan, còrs e creòl. Los organizaires parlan d'una “data que farà data” perque “la naissença d'aqueu festivau novator desira durar dins lo temps!”.
 
Las projeccions èran devesidas en doas categorias. La del cinèma local presentèt una seleccion de filmes realizats pels escolans de l'acadèmia de Niça. Mas l'occitan èra plan present amb d'autres accents dins la seccion “Filmes d’ailà” que metèt a l'onor de creacions de Peiregòrd, e mai de Corsega e de Catalonha Nòrd.
 
Durant tota la session, las festivalièrs compausats de 200 liceans e collegians qu'aprenon l'occitan, descobriguèron de ficcions e de reportatges que tractavan de tèmas coma la Guèrra de 1914-1918, los atemptats terroristas e quitament la draga sus Internet e lo preservatiu perfumat.
 
 
Prèmis
 
Se guierdonèt dos creacions de la categoria “Filmes d’aicí”, las doas del licèu Parque Imperial de Niça; d'un caire, la ficcion Fai volar!, consagrada al jòc de pilo, e de l'autre Reünion a Niça, una creacion niçardocreòla consagrada a l'art culinari de Niça e de l'illa de la Reünion.
 
La jurada —compausada per d'artistas, d'associatius e de professors documentalistas— deliberèt jos l'agach del vicepresident del conselh departamental delegat a l'audiovisual, Bernard Asso.
 
Après aquela reüssida, los escolans d'occitan, e d'autras lengas de l'estat francés, auràn tornar lor rendètz-vos l'an venent per la segonda edicion del festenal de cinèma.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Cinema infantil de las lengas discriminadas de l'Estat ultranacionalista francès.

  • 2
  • 0
Madama Rata Nissa
3.

(en nissart)
Vé-lou-quì lou festival ! Tengut à Nissa... Minga besoun d'anà a Canna :)
Aloura pas tant de cinemà: Es dubert au public e minga besoun d'escàla per veire lu artiste.
Un mouloun de merci e felicitacioun. Era un bèu festival !
La baieta en toui !
Madama Rata

  • 5
  • 0
Madama Rata Nissa
2.

(en nissart)
Vé-lou-quì lou festival ! Tengut à Nissa... Minga besoun d'anà a Canna :)
Aloura pas tant de cinemà: Es dubert au public e minga besoun d'escàla per veire lu artiste.
Un mouloun de merci e felicitacioun. Era un bèu festival !
La baieta en toui !
Madama Rata

  • 5
  • 0
Pitaluga
1.

Durar dins lo temps: aquí l’alh ! Es la durada que ne farà un eveniment.
Aital doncas : òsca pel festenal ! E per longamai!

  • 5
  • 0

Escriu un comentari sus aqueste article